#疫症下的一點甜
#閒不下來的煮婦
#AF食譜
每次碌Facebook, 都會發現平時唔多展示廚藝嘅朋友都紛紛技藝解鎖🔓 每日都見到朋友share自煮美食，由原本只會煎下腸仔到慢慢見到煮到一餐飯岀嚟，呢個疫症訓練到一班煮婦仔，又真係唔錯。
自從買咗AF機，又入咗AF group, 學到好多簡易食譜，煮飯都開心過以前～
依家樣樣食材都好貴，邊有20蚊叉燒買呀，見人哋最近整叉燒又整得好靚好成功，咁我都自己試下，再改良咗少少，AF機朋友仔大家Let’s try~
氣炸鍋蜜汁叉燒🐷
（大概2人分量）
材料：
759急凍豬腩肉 （一包兩條）
*價錢好似係三十幾蚊，記住揀半肥瘦嘅，整岀嚟先有油香～
醃料：
叉燒醬......1.5湯匙
豉油......2湯匙
老抽......1湯匙
玫瑰露......1湯匙 (或可轉用花雕酒)
蜜糖......1.5湯匙
胡椒粉......1茶匙 （可不放）
抹醬：
醃料汁......1湯匙
蜜糖......1湯匙
👩🍳做法👩🍳
1. 洗淨印乾豬腩肉，不用切，用上述醃料一整條醃，強烈建議醃過夜，明天焗最好，想即日食最少都要醃三小時，不過無早一日醃咁入味
2. 氣炸鍋200度預熱5分鐘
3. 叉燒放錫紙上，上面要蓋一層錫紙，不用密封，只是輕輕蓋住（如果怕氣炸時上層錫紙會飛起，可以用個蒸架壓住）
呢個做法係避免氣炸鍋上面火會焗燶而未夠熟，200度焗20分鐘
4. 醃汁不要倒掉，1湯匙醃汁加1湯匙蜜糖拌勻做抹醬
5. 焗完首20分鐘，拿掉上面錫紙，塗抹醬，不用再蓋上錫紙，調低焗爐溫度至180度，再焗10分鐘後，反轉叉燒，再塗抹醬，再焗10分鐘
6. 叉燒底下的醬汁唔好倒掉，係精華所在，留起等叉燒切好，淋上汁，完成！
😉小貼士😉
-想要有肉汁的叉燒，不要焗好即刻切，肉汁會漏出，等10分鐘才切，像煎牛扒一樣要rest, 等肉汁可以回流
- 因應叉燒厚薄和氣炸鍋火力調節焗的時間
——————————————
🔸Follow us📍
年糕👩🏻
🔍FB: 『年糕』
🔍IG: lincole_happy
https://instagram.com/lincole_happy
紅豆 👧🏻
🔍IG: catie_smile
https://www.instagram.com/catie_smile/
