【官商勾結，點少得顧問公司?】
是咁的， AECOM及ARUP（奧雅納、今次橫洲事件政府同發展商Share個間）係本港最大的工程顧問公司，包辦政府及發展商大部分工程的規劃、設計、技術研究、環評等等合約。這兩大顧問公司，估計同時擁有全港最大的規劃資料庫。
發展商在橫洲的私樓項目，請得ARUP，梗係細心諗過ARUP的背景，亦可能考慮左ARUP有做開房署的橫洲項目。情況就好似大型私人機構鍾意請退休高官一樣，梗係因為佢地消息「特別」靈通。
又其實ARUP呢頭接政府公屋大project，個頭同時做發展商生意，梗係唔岩。大家會唔會天真以為真係保密？辦公室入面真係唔會將資料開心SHARE？今次被人揭穿，係ARUP的項目經理太「低手」，竟然向城規會交規劃申請時，列埋保密資料出黎，今次睇黎人頭落地啦。
（亦同時反映可能係資料 share 到個地步係，保唔保密都唔記得左）
今次的例子就係「保密協議」無效的明證，咁點樣先可以防止呢種利益衝突發生？可考慮在合約訂明項目指定範圍外不能接私人項目，以防止區內的規劃資料轉移。
之不過到時ARUP唔接，咪又係AECOM接。其實顧問公司之間千絲萬縷，本身就請好多前政府高官（發展局、規劃署、地政等等一切相關部門）入去做。「顧官一體化！」更可以從發展局副局長馬紹祥可見一二，佢被委任之前正正任職AECOM高層（亞太區土木及基礎設施執行副總裁）。顧問公司靠人脈關係取得機密資料，邊個話唔會發生？
arup project 在 40 Cool Arup Projects ideas - Pinterest 的推薦與評價
Nov 17, 2016 - Ones I didn't work on. . See more ideas about architecture, amazing architecture, building. ... <看更多>