【#BBday14 改名的學問】
未出世已經幫BB唸中文名，姓與名，係跟一世
無idea，但同時無族譜，亦無金木水火土的概念，總之。
其一，筆劃複雜唔要 (有時都無呢個電腦字，我唔想返學嘅文件，本來Name List文字用靚靚字型，但偏偏我個仔個名唔work，Default咗新細明體)
其二，讀音唔可以難，要人估，好唔親民 (如果老師想叫我個仔舉手答問題，因為唔識而miss咗機會，點算？)
我都聽過媽咪朋友講，長輩明明話無所謂，結果臨交出世紙，話要跟五行，要跟筆劃。所以我即刻問嫲嫲岳父岳母，雙方長輩都無所謂。
跟手，隨心上網搜索2018年潮流名字拎靈感喇！有個「梵」字 😎 好似呼喚緊我咁，亦想直接用「周梵」。
後來我認為，#名字係父母寄寓子女的厚望或祝福，所以要有意思－ 「任何選擇無對與錯，遲或早，當下無須太介懷。只要清楚當下最適合自己的路是甚麼，安逸順心去行，堅持一直行下去，問心無愧便可。」
所以我想有個「逸」字，但點配搭好？
「逸行」我本來好鍾意個名同意思，雖然唔少朋友都話，容易俾同學仔改花名「周日痕」，我都喺度唸，依家小學雞仲興唔興改花名？但Anyway，我後尾覺得讀出嚟唔順口，所以無用到。
就咁「周逸」呢？周氏家庭改埋英文名叫 Sunday 🤣 亦係心水之一。
尋日去朋友BlackCat MStarz睇2018下半年運程，順便批埋湯丸仔中文姓名，中間篩選無數個，剩下來，「周逸」同「周逸軒」都係好名。後者個人做事積極，有上進心
最後決定。。。。
👶🏻: 大家好，我叫 #周逸軒 👍
bbday14 在 #bbday14 - Explore | Facebook 的推薦與評價
【#BBday14 改名的學問】. 未出世已經幫BB唸中文名，姓與名，係跟一世. 無idea，但同時無族譜，亦無金木水火土的概念，總之。 其一，筆劃複雜唔要(有時都無呢個電腦 ... ... <看更多>