《市區寵物天堂～啟德郵輪碼頭》
天大喜訊✌啟德跑道公園由2019年1月1日起正式試行開放予狗隻進入🎉
🌱全場草地1.5公頃，毛孩同小朋友都有足夠空間盡情喪跑🏃♂️現場仲見到好多家庭帶埋帳篷去野餐，小朋友可以係草地踢波或草地外位置玩單車😆😆亦都係影相好地方！
叫得舊機場，又點少得飛機✈政府飛行服務隊退役捷流41定翼飛機係2018年7月17日開始作公開展覽，大家可以順便去打卡！
公園旁邊就係海旁，唔睇飛機都可以去睇船⛵或者睇風景😊同時因為近海，所以都有d風，記得準備厚少少嘅外套呀🙂
公園對出就有洗手間同汽水機，亦都有飲水機提供，但食物方面就可能需要自己準備定啦，畢竟選擇唔多又比較貴！
🚦交通方面：
🚌小巴: 綠色專線小巴86號
路線：往返郵輪碼頭 至 九龍灣港鐵站（德福花園）
服務時間：每日早上6 時40分– 晚上11時
🚐巴士: 九巴5R
路線：穿梭行走郵輪碼頭、牛頭角及觀塘港鐵站
服務時間：星期一至星期五早上11時至下午4時，及
於周六、日及假期，早上11時至晚上7時提供服務。
🚞城巴22
路線：穿梭行走郵輪碼頭、又一城
服務時間：05:40至00:15
🚤渡輪: 富裕小輪
航線：經啟德跑道公園碼頭往來北角及觀塘碼頭
🚗私家車: 郵輪碼頭提供113個時租車位。開放時間由早上七時至晚上11時。
收費：星期一至五 每小時 $10。星期六，日，及公眾假期 每小時 $15。
❤最後提提各位毛爸媽，記得好好清理大小二便及看管毛孩，唔好俾藉口人地攻擊，令到好唔容易得到嘅福地消失😘😘
💖亦都溫馨提示各位小朋友家長，大多數狗狗都係親人嘅，小朋友有興趣想接觸狗狗都可以禮貌地問一問主人🐕狗仔可唔可以摸😉同埋記得細細力溫柔地摸背脊呀！
#啟德 #啟德跑道公園 #啟德郵輪碼頭 #寵物天堂 #人狗共享 #毛孩 #放狗 #狗公園 #852 #852dog #852kids #happytogether #kidslovedogs #不棄養 #請支持領養 #領養代替購買 #領養不棄養 #楊桃成熟時 #Bestpal #芝麻與桃桃 #媽媽視角
bestpal 在 Bestpal Coffee - 喝冰友咖啡工坊 的推薦與評價
Bestpal Coffee - 喝冰友咖啡工坊, Tainan, Taiwan. 182 likes · 1 was here. 好朋友就是~ 願意把最好的東西跟你分享的人喝冰友咖啡，將呈現最好的咖. ... <看更多>