一樁美事同不合時宜，只有一線之差。
港鐵學人玩音樂搞文化，一邊叫人戴口罩，一邊同香港管弦樂團合作喺車廂玩brass instruments，點知撞正第4.5波，炒個正著。
雖然，係演員定真實乘客未可知；車廂吹笛會否構成乘客健康威脅亦有得拗。但圖片exhibit的雙重標準，卻是營銷的低級錯誤。
將古典音樂搬到地鐵與眾同樂，本來是件風雅之事。早在十多年前，美國就有人發起Bach in the Subways活動，一年一度喺紐約地鐵站上演古典樂章，以紀念音樂之父巴哈；2012年哥本哈根地鐵亦有玩過flash mob車廂及站內奏樂，對睡眼惺忪搭車返工的靈魂，一首Peer Gynt無疑是清泉一道。
搬到過嚟，疫情下站內演奏需要在地鐵打烊後進行，再製成影片分享。既然不能感受現場氣氛，走出音樂廳在地鐵站演奏，也只是gimmick一種。
其實只需少少社會觸覺，將片段中的車廂演奏由管樂改為弦樂，戴返口罩，會make a lot more sense。有誠意啲，來個真正的車廂musical flash mob，安全表演，也不失為一件苦中樂事。
為做而做，不如唔好做。
Source: Hong Kong Free Press
brass instruments 在 Brass instrument - Wikipedia 的相關結果
... <看更多>