關於 foodiesdnn大角咀 ，我們在網路上蒐集到這些相關的討論、資訊與評價

《台灣夜🤡》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
👁‍🗨眷村紅燒牛肉麵 (7.5/10) $62
.
➰冇得去旅行，唯有食住台灣野止下渴先😅呢個紅燒牛肉麵既牛肉用左牛展位，所以食落香口帶點脂肪同微微咬口既筋位😻湯底吾係有藥材味果傻，但係都夠哂濃郁，麵質軟硬度適中，整體吾錯
.
👁‍🗨 台式蒜片香腸(7/10) $32
.
➰好似台灣腸係每次食台灣野必叫既野食😂味道不過不失，都係平時台灣腸咁，冇咩特別
.
👁‍🗨燙青菜 (7/10) $22
.
➰好少食台灣野會有青菜咁，所以就叫左😂感覺有菜食，成餐飯健康啲😅佢既青菜係生菜，面頭淋左啲帶有微辣味既肉燥醬汁，食落幾特別
.
👁‍🗨起司肉鬆蛋餅 (7.5/10) $35
.
➰本身想試芋泥，但又怕太膩，本身吾太肚餓既我地會食吾落，所以就叫左佢另一推介芝士肉鬆蛋餅，佢個蛋皮都幾軟身，吾會太厚，入面既肉鬆都好慷慨，重點係芝士有拉絲效果😂味道吾錯，有機會可以試埋其他味，而且又冇想像中食完會好飽肚既感覺
.
👁‍🗨古早味冬瓜茶 (7/10) $18
.
➰佢呢度既飲品價錢定價好平民，好多人都叫番杯野飲🤪朋友叫左冬瓜茶，味道就係平時既冬瓜茶咁，不過甜度方面幾值得欣賞，雖然佢有得比你揀甜度同冰量，但係呢杯正常冇減糖減冰，都吾會話太甜，岩岩好🤡
.
👁‍🗨蜂蜜檸檬愛玉 (7/10) $22
.
➰另外叫左呢杯蜂蜜檸檬愛玉，入面有好大舊愛玉😻不過個人略嫌酸度酸左些少，愈飲愈酸咁
.
🔛 整體評分（7.5/10)
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍老厝邊 (大角咀)
地址:大角咀埃華街92號地下(奧運站A1出口）
營業時間：
星期一至日 11:30-22:00
#FoodiesDNN大角咀
#FoodiesDNN香港

《素之選🌿》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
身邊有幾個本身係食肉獸既朋友食完呢間新派素菜之後都強烈推薦😲鍾意東南亞食物既我今次為左佢既南洋風情主題而黎，款式真係令我大開眼界，味道亦比想像中來得有驚喜😋閒日夜晚黎到全場幾乎爆滿，所以幾時都話要醒目訂左檯先😎😂
.
👁‍🗨 自助晚餐💲價錢根據日子時段有所變動
.
第一場 18:00-19:30
第二場 20:00-21:30
.
星期一至四 大$118 小$88
星期五至日及公眾假期 大$148 小$118
.
➰ 食物牌有清楚標明成份，例如含蛋奶、微辣既字眼，方便唔同素食人士既需要🤓
.
沙律
沙律吧有一貫既沙律菜、🌟薯仔沙律、特色主題之一既印尼加多加多沙律🥗唔太食得辣既我仲忍唔住試左條🌟四川風味辣薯粉，麻得黎好過癮，薯粉有彈性😇
.
湯水
飲落🌟素肉骨茶有幾重既藥材味，入口苦澀但帶點甘香，值得一試🍲另外有煲老黃瓜湯，有助清熱下火🙃
.
主菜
以下呢幾樣睇個名都知係為主題而設，個人頗為鍾意薄身兼夾脆身既🌟南洋批薩🍕同埋🌟馬來媽媽咖喱煮雜菜，呢兩樣都有陣陣香濃椰奶味😍而🌟海南素雞就帶有豆味，仲有沙茶腐竹蘿蔔、星洲炒米、印尼炒飯等等😳其他恆常菜式包括香口既炸物，炸饅頭、口感極似🦑味道以🍄為重既🌟椒鹽素魷魚鬚，賣相似🐟味道係芋頭既🌟五柳素黃花，仲有脆脆番茄卷、皮蛋豆腐、煎釀三寶、豆沙包、奶皇包、粟米粥等
.
甜品
有吸睛既紫薯雪糕杯、冧酒同咖啡味重既🌟提拉米蘇、相對地平凡既涼粉、豆腐花同紅豆沙🙈
.
飲品
夏枯草、普洱、熱水、檸檬水☕️
.
🔛 整體評分（7.5/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍走肉‧朋友 (大角咀)
地址：大角咀博文街28-30號地舖 (奧運站B出口)
營業時間：
星期一至日 11:30-16:00；18:00-21:30
#FoodiesDNN大角咀
#FoodiesDNN香港 @ 走肉 ‧ 朋友

《蒜蒜佢🤡》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
👁‍🗨 蒜香忌廉汁蟹肉及龍蝦肉意粉 (7.5/10)💲168
.
➰ 好多人都推介呢個蒜香忌廉汁蟹肉及龍蝦肉意粉，食完就知道點解咁多人都話呢個意粉好味🙃因為佢個忌廉汁真係夠哂香濃，雖然整得比較稀身同埋成碟粉其實冇咩蒜味，但係成個忌廉汁既果陣味絕對會令人食完想再食🙈至於龍蝦肉都至少有三四舊，每一舊都係啖啖肉，不過蟹肉相對比較少😋
.
👁‍🗨熱板烤MFG招牌肉眼扒配蒜頭山 (7.5/10)💲288
.
➰叫左個七成熟美國肉眼扒，切開既時候入面仲有粉嫩既粉紅色🙃雖然係七成，但係都保持倒肉汁，一啲都吾韌，而且牛味頗香，食到中間仲有少少入口即溶既肥膏，簡直係香上加香🙃肉眼扒面頭鋪滿左一大堆脆脆地既炸蒜片，蒜味十足😈扒既底下仲有洋蔥圈，磨菇同埋少少既蒜頭
.
👁‍🗨MFG招牌蒜蓉包塔 (7/10)💲48
.
➰前兩樣都吾夠蒜，呢個蒜蓉包塔真係夠蒜啦🤡上到枱個蒜蓉包真係整成塔狀架，面頭鋪滿哂橙橙地色既蒜蓉，但係手機趕吾切食先，就比職員快速咁將啲蒜蓉壓入包中間，切開佢😭可以一讚既係個蒜蓉包焗得非常脆身之餘仲係微熱既🙃不過因爲係人手搽勻啲蒜蓉既關係，所以包上面既蒜蓉吾夠均勻，食到某啲位會蒜到有點兒接受不了😳😂
.
👁‍🗨自家蒜頭雜莓奶凍(6.5/10)💲58
.
➰職員叫我地申請做會員咁就會送一個甜品，冇諗過連呢度既甜品都會落蒜頭😮不過好在，佢只係係面頭放左兩粒蒜頭同少少藍莓醬，所以奶凍同平時食既係一樣冇咩特別既，但係質感似食緊啫喱多啲，吾夠軟身，而且奶味吾夠濃，整體離講不過不失😶
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍Mad for Garlic (大角咀)
地址:大角咀海庭道18號奧海城二期1樓105A號舖(奧運站D3出口)
營業時間:
星期一至日 11:00-23:00
#FoodiesDNN大角咀
#FoodiesDNN香港 @ Mad for Garlic HK