關於 foodiesdnn旺角 ，我們在網路上蒐集到這些相關的討論、資訊與評價

《日式石板燒牛肉🤡》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
👁‍🗨美國prime肩胛肉眼 (7/10) $78
.
➰近期都好興自助石板燒牛肉，今次就試下呢間😆佢同樣會有沙律同飲品提供，白飯任食🤡先講沙律，佢既沙律同平時既吾同，因為用左玻璃樽一樽樽咁放係雪櫃，感覺衛生啲，而且採用左自助醬汁機，想要芝麻醬同普通沙律醬一齊撈沙律食都得，要幾多吱幾多😇白飯亦都可以按照自己喜好，隨意配埋飯素一齊食，仲有麵豉湯😋至於個重點之一，肩胛肉眼就比較多根位，不過食落牛味都濃郁既，想要幾成熟完全自己控制
.
👁‍🗨美國prime封門柳 (7/10) $98
.
➰呢個封門柳比起肉眼就冇咁多根位，可以話冇根tim😂而且牛味同油脂既香味都比肉眼略勝一籌，肉質吾錯，份量一個人食岩岩好，夠哂飽，咁既價錢有咁既質素，算係吾錯
.
👁‍🗨芝麻雞翼 (7.5/10) $20
.
➰佢除左燒肉之外，仲有小食提供，試左呢個芝麻雞翼，都幾有驚喜，雞翼肉質非常嫩滑，食落都幾香，感覺吾油膩，值得試下🤡
.
🔛 整體評分（7/10)
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍豐石板燒專門店 (旺角)
地址：旺角通菜街107號地舖(旺角站B2出口)
營業時間：
星期一至日 12:00-00:00
#FoodiesDNN旺角
#FoodiesDNN香港

《粉系韓燒🍑》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
最近四圍都以桃做主題，炑八亦唔例外加入左戰團😂夏日既夢幻飄飄燒烤套餐，一打開個蓋啲煙就不斷噴出黎💨配上白桃冰抹同沙冰，就連個食物夾都係粉紅色，少女心大爆發😳
.
👁‍🗨 夢幻飄飄燒烤套餐（7.5/10）💲588
.
➰ 爐邊泡菜蛋、粟米芝士、青瓜、芽菜、泡菜等前菜一如以往可以無限添加，依舊係個泡菜蛋同埋粟米芝士鹹度比較高😛講返個燒烤套餐，店員話可以由淡味到濃味咁樣食，仲順手幫我地燒同埋剪肉，服務認真周到😌首先係豬五花肉，邊位燒到帶點脆身，入口有油香🐷之後可以食特級牛骨同埋嚴選牛胸腹，前者牛味較為濃郁，後者油花多肉質相對軟腍🐂尾段就係春川雞腿，大隻得黎夠嫩滑，而且照燒汁調味得宜，比牛更為有驚喜🐔原隻大八爪魚同埋墨魚爽口彈牙，個人會鍾意前者既醃料多啲，略嫌後者有點兒過鹹🐙🦑配上黑醋沙律同埋蔬菜籃可以減低油膩感🧺整體黎講，全部野係好足料勁巨型，三至四個人分再額外加小食都仲可以😎
.
👁‍🗨 芝士豬扒炸雞（7/10）💲128
.
➰ 將啲芝士鑲左係比較薄身既豬扒入面，趁熱食帶有微微既拉絲效果🧀炸雞既炸粉厚薄適中，外脆內嫩🍗底下仲有啲粗薯條，唔會話好脆但係夠啖啖薯既感覺🍟
.
👁‍🗨 白桃冰抹（7/10）💲68
.
➰ 頂部有原個白桃，食落都有啲汁甜甜地，面頭鋪滿白桃粒，不過某啲就會係未熟透稍微硬身🙈個冰本身綿密幼滑，而且帶有陣陣奶香，仲可以自行淋上白桃汁，味道夠天然，間唔中會有啲乳酸麻糬粒係入面，呢個價錢可以一戰🍧
.
👁‍🗨 白桃沙冰（7.5/10）💲38
.
➰ 面頭係有幾塊白桃片，底下係細滑沙冰，白桃味道香甜濃郁，仲會有少少乳酸既味道，非常解渴🍹
.
🔛 整體評分（7.5/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍炑八韓烤 (旺角)
地址：旺角彌敦道628號瓊華中心5樓 (旺角站E2出口/旺角東站B出口)
營業時間：
星期一至日 11:30-00:00
#FoodiesDNN旺角
#FoodiesDNN香港 @ 炑八

《台灣大雜燴🤭》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
晚市套餐一律$60起，跟餐配有貢丸紫菜湯同埋涼拌青瓜，仲有基本款式嘅飯麵餸菜，可以從ABC各選其一，有啲位加少少錢可以轉其他款式添，整體幾豐富係抵食既😱難怪餐廳晚市都爆爆地，不過限時一個鐘既關係，流動率其實算快😏
.
👁‍🗨 晚市套餐 - A 肉燥蕃茄湯麵（7/10）+ B 黃金雞扒（7/10）+ C 滷水豬腸拼豬耳（7/10）+ 凍肧芽朱古力（7.5/10）💲60 + 4 + 2 + 2 + 2 + 9
.
➰ 番茄湯底帶點酸，感覺幾開胃既🍅粗麵既麵質帶點咬口，而黃金雞扒炸得酥脆，厚肉但唔會話乾身，滷水既野比較腍，豬腸肥左些少，但都幾入味🤗肧芽朱古力唔會太甜，朱古力味濃郁，無話坊間常見既溝水淡味🍫
.
👁‍🗨 晚市套餐 - A 肉燥麻醬乾拌麵（6.5/10）+ B 鹽酥雞（7.5/10）+ C 夜市小香腸（7/10） + 凍洛神花茶（6.5/10）💲60 + 4 + 0 + 2 + 2 + 5
.
➰ 一開始覺得麵質頗硬，好彩麻醬都幾多，但係輪到底部有啲油，食到尾有少少油膩既感覺😂鹽酥雞炸得香脆，幾香椒鹽味夠惹味，小香腸有台灣既風味，而洛神花茶飲落會係似酸梅湯，都適合解膩既🤤
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍小麻吉滷肉飯 (旺角)
地址：旺角通菜街2A-2P鴻光大廈地下2C號舖 (油麻地站A2出口)
#FoodiesDNN旺角
#FoodiesDNN香港 @ 小麻吉滷肉飯-旺角通菜街