關於 foodiesdnn深水埗 ，我們在網路上蒐集到這些相關的討論、資訊與評價

《驚喜居酒屋🏮》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
呢日去完嘉頓山之後係附近覓食，見到有一間好似幾有特色既木門居酒屋🚪餐牌既款式多到眼花繚亂，朋友同我一齊選擇困難症發作，所以問下店家有咩好介紹，店員話全部都好食😂跟住就好殷勤叫老闆幫忙，老闆非常熱情地講解，好快就順手落埋單😚食飯途中亦見到有唔少熟客出入，食完呢次我應該都會再回頭🤭
.
👁‍🗨 鰻魚重飯（7.5/10）💲148
.
➰ 鰻魚飯個蓋熱到辣手，一揭開已經聞到幾香既鰻魚味😈面頭撒上芝麻更為香口，鰻魚雖則未算係好厚身肥美，不過勝在入口軟腍，同埋完全無骨，蒲燒汁甜度同份量亦都適中，撈落鋪滿蛋絲既飯度都唔錯😛
.
👁‍🗨 芝士玉子燒（7.5/10）💲68
.
➰ 芝士玉子燒以鐵板形式熱辣辣咁上，仲係有吱吱聲添架😍不過記得快啲鏟下佢，唔係既話會出現黏底既情況🙈面頭有啲蔥花，咬落玉子保留蛋汁，入面又有燙口既流心芝士，底下仲有燒汁調味，果然係店家口中既招牌菜之一🍳
.
👁‍🗨 枝豆（7/10）💲30
.
➰ 一大盤枝豆以熱食既方法，加左鹽略略調味，算係咁多樣之中比較清淡既🥬
.
👁‍🗨 清酒煮蜆（6.5/10）💲68
.
➰ 咁多樣入面唯獨係呢個清酒煮蜆有點兒失望，酒味相對地薄弱，有少少似係昆布湯咁，不過味道都唔錯既🤓粒粒都有蜆肉，唔會話得個空殼，但係某部分有沙同埋帶點微腥🤤
.
👁‍🗨 牛舌（7.5/10）💲48/串
.
➰ 上到台都仲係出緊煙，入口暖笠笠♨️牛舌頗為爽口，唔會話韌身，而且加左啲椒鹽調味，香口得黎又唔會過鹹😌估唔到呢度既串燒都幾有水準，真係可以叫多無限串🍢
.
👁‍🗨 荔枝豚肉串（7.5/10）💲30/串
.
➰ 店家仲推介左呢個荔枝豚肉串，所以我地都跟住叫😗豚肉包住荔枝，特別要讚既係入面既荔枝肉好清甜，可以減低豚肉既油膩感😉
.
👁‍🗨 炸北海道赤蝦BB（7.5/10）💲68
.
➰ 同樣係店家推薦既炸赤蝦BB，炸完直接全隻連殼食，口感保持鬆脆，又不失蝦味，尤其係蝦頭既蝦膏位好濃味🦐
.
👁‍🗨 加拿大海膽（7/10）💲98
.
➰ 呢個海膽入口滑溜，不過有一貫加拿大海膽比較容易有既微苦澀，配以脆身紫菜食較好
.
👁‍🗨 水母（7/10）💲150
.
➰ 中式涼拌海蜇平時就食得多，店家提議既日式食法都係第一次🤔原來係會比較爽口，再加上微鹹既醬汁，成個感覺好有新鮮感
.
🔛 整體評分（7.5/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍六本木日本料理 (長沙灣)
地址：長沙灣青山道66號建文大廈地下5-6號舖 (深水埗站D2出口)
營業時間：
星期一至日 12:00-15:00；18:00-23:00
#FoodiesDNN深水埗
#FoodiesDNN香港

@ 六本木 日本料理

《兩隻手掌咁長既鰻魚🐟》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
呢日兩點幾落堂，同朋友都未食晏之際，就走左去呢間想試好耐既餐廳度😛
.
👁‍🗨 火燒原條鰻魚石鍋拌飯（7.5/10）💲119
.
➰ 其實我地都算係為左約30cm既鰻魚而黎，一上台果然好大條，足足有兩隻手掌既長度，食落厚肉、肥美、腍滑，入面大部份都係細骨黎既，淋有鰻魚汁係面，如果鰻魚汁再多啲就一流😍相機食先一陣就要撈撈啲飯，金黃色既飯焦幾香脆，份量都多夠曬飽肚，加溫泉蛋或者芝士相信會非常澎拜
.
👁‍🗨 黑松露大啡菇手打牛肉漢堡（7/10）💲62（套餐）
.
➰ 個包帶有牛油香，黑松露鋪滿大啡菇，食落舊菇都juicy，芝士漸漸會溶落去，七成熟既牛肉漢堡扒，中間保持粉色，幾有肉汁同肉味，味道7分🍔不過牛肉軟腍到有啲散，如果實返少少會更好🤔同埋我食完成個鰻魚石鍋飯先食個包，大概係🍄同🐮多汁既關係，包身會變得頗濕，質感6.5分🤤所以個包一黎到儘快食就係啦🤗套餐有薯條同汽水，薯條幼但脆身，調味不錯🍟
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍布萊恩·L食堂 (長沙灣)
地址：長沙灣元州街498號青華閣地下I號舖 (長沙灣C2出口)
營業時間：
星期一至日 12:00-17:00；18:00-22:00
#FoodiesDNN長沙灣
#FoodiesDNN香港 @ 布萊恩·l食堂 深水埗

《創意拔絲蛋糕🥧》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
話說上個禮拜去深水埗整嘢順便覓食，見到有幾個人係轉角位既一間烘培店排緊隊，側邊有個易拉架寫住黃金拔絲蛋糕，羊群心理之下又排埋一份試下😂
.
👁‍🗨 黃金拔絲蛋糕（7/10）💲12/3件；45/12件
.
➰ 見佢寫住五款口味，有牛油、牛油加提子乾、芝士 、抹茶同埋朱古力，本身想試最基本既牛油，但係輪到我既時候已經賣曬，唯有其他口味各一😳因為蛋糕加左金絲肉鬆，所以中間會有一絲絲，感覺都幾得意🤭味道尚算香濃既，金絲肉鬆本身帶有少少鹹味既關係，個人認為有鹹香既芝士同佢係最夾🧀
.
👁‍🗨 冰鎮砵仔糕（7/10）💲8/件；21/3件
.
➰ 係另一邊有冷藏四度既雪櫃，入面有十幾款口味既冰鎮砵仔糕，不過同預期中有些少出入，口感比較似彈牙版既果凍咁，夠曬消暑🧐要左荔枝、蜜瓜同巨峰提子，全部味道都幾清新，帶有椰果，亦都唔太甜🤔
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍榮家糕點烘培店 (深水埗)
地址：深水埗桂林街50A號地下2號舖 (深水埗站D2出口)
營業時間：
星期一至六 07:00-22:30
星期日 12:30-22:30
#FoodiesDNN深水埗
#FoodiesDNN香港