《Home Office的理想與現實》
Home Office頭一日，因為唔駛一早起身逼車返工，難免會FF到有少少興奮。
當初我FF中嘅Home Office係咁嘅：
雖然唔駛迫車返工，但我都會早兩個鐘起身。先沖杯香濃咖啡，慢慢食個一定要有蛋嘅靚早餐。然後差唔多到9點就打開部Laptop，打開Youtube「10 hours陪你工作無間斷無廣告不疲倦音樂」，喺柔揚嘅音樂當中展開美好嘅工作天。
因為Home Office冇其他同事突然走嚟打擾、開會唔駛困獸鬥、用Laptop做嘢坐邊都得，效率大增下，中午準時放Lunch，6點準時收工，過住美好每一天。
但係FF後一分鐘便有後悔聲音，現實嘅Home Office係咁嘅：
當一早起身，沖完杯咖啡坐低，你屋企人就會開電視睇新聞，然後你又會睇埋一份，好快就發現早餐都未食就夠鐘開工。一打開部電腦唔駛 旨意開無間斷音樂，因為只有無間斷嘅Email同Whatsapp訊息等緊你。
然後，一頭煙嘅你以為可以專心做嘢？屋企人會突然同你講，唔知幾多點要你上網排200萬人排緊嘅口罩。有小朋友嘅就更加要同佢困獸鬥，想靜都難。結果到6點你都好似冇做過嘢，到夜䦨人靜嘅夜深先可以專心開OT。仲有樣嘢好痛苦，因為對住部Laptop，條頸會攰到一個點，最後過住腰酸背痛每一天。
最近我知好多HR同行朋友雖然買唔到口罩，但都會執啲消毒衛生套裝送畀同事，但其實除咗添置消毒產品，有無諗過添置埋一系列電腦人體工學產品，啱哂啲需要長期用Laptop做嘢嘅同事，無論Home Office定將來擺喺公司都用得著！我用開3M呢款Laptop riser，最鍾意佢可以承重14磅仲可以放埋docking，有散熱設計，最重要有油壓功能可以調節高度、360°旋轉、前後40°傾斜，調較到最舒適嘅視線水平！而3M 調校型腳踏就可以減低腳、背同頸部疲勞，改善雙腳嘅血液循環！ 當然唔少得用埋3M鍵盤、滑鼠凝膠腕墊，一次過改善辦公室不良坐姿問題，咁返工返成日都唔怕攰啦！
行家買齊一系列職場必備嘅3M人體工學產品，同事收到一定覺得公司好細心，愛上HR不是夢。
#HomeOffice理想與現實 #人體工學產品 #3MHK #手提電腦及投影機托架 #3M調校型腳踏 #凝膠腕墊 #鍵盤凝膠腕墊 #滑鼠凝膠腕墊 #打工仔必備 #HomeOffice 3M
homeoffice理想與現實 在 【Home Office的理想與現實2】... - SENSE Beauty Spa 的推薦與評價
【Home Office的理想與現實2】 不少上班族最近終於能夠一嘗夢寐以求的Home office生活，但理想與現實畢竟有一大段距離… 理想： 終於可以24小時陪住我寶貝仔女，唔洗番 ... ... <看更多>