關於 johnwickchapter2 ，我們在網路上蒐集到這些相關的討論、資訊與評價

► 影視討論節目【 #狂言狂語 】 EP001
聲音導航《殺神JohnWick 2》近期爽片必看推介！
::比首集更爆更豐富更高層次，一睇上癮期待續集::

另備影評文章(內容重點不同於視聽版)：
https://www.facebook.com/MovieMadMan/photos/a.1290143677737557.1073741828.1290025551082703/1303412819743976/?type=3&theater

*讚好版主Nj主理新專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
▲歡迎影評投稿－分享交流！
－－－－－－－－－－－－－－
#殺神JohnWick2 #殺神JohnWick #JohnWick #JohnWick2 #JohnWickChapter2
Intercontinental Films Distributors (HK) Ltd.

《JOHN WICK 2》影評
「為左原則，你可以去到幾盡？」
—談JOHN WICK宇宙奇異且執著的「原則」世界
（影評含劇透，自衡閱讀風險)
－
－
－
－
－
　　對於電影，其實有種偏食及嚴重發育不良的傾向，小弟總會專注於細微細眼的兒女私情，而將國家大事棄之不理。所以有時候就會對動作電影擁近乎盲目的厭惡，覺得是惡俗的，覺得是為打而打的，覺得是全無養份的。而適逢《JOHN WICK 2》上映，老實說我並沒有入場觀影的想法，因為近排實在太多令我分身不暇的作品，像一眾奧斯卡大片如《月亮喜歡藍》、《第一夫人》、《情繫海邊之城》，甚至是偏門一點的《藥到病除》，均是我必會入場支持的選擇，而《JOHN WICK》是不可能入選於我的觀影名單之內。而啱啱遇上剛剛，在朋友力推《JOHN WICK 1》及有免費飛嘅機緣之下（係，我無睇過第一集），就膽粗粗入場，進入左WICK式近乎病態式執著的原則世界，且撰影評一篇述之！
－
世界觀：
－
每個人都理應係獨一無二的，因為佢地嘅際遇、經歷、興趣同一些生理同心理條件。而世界其實都一樣，每個世界都應該是不一樣的，雖然《JOHN WICK》世界大抵仍是地球(有M記有羅馬有紐約)，但卻展示了一個截然不同的殺手世界，而呢個世界可以用兩個字去概括，坊間好多影評用就用左「執著」二字，而我反而就會用「原則」，因為無原則，又何來執著呢？《JOHN WICK 2》的世界，就是一個「原則」的世界！
－
在我們居住的世界之中，普世價值就大概是「自由、平等、博愛、平等、民主」等幾種，而JOHN WICK世界的普世價值是講求「原則」，建構出一個全新的世界觀。這包括了一些社會原則以及個人原則，例如社會上有「血印」誓約的規定，亦指定了在穹天屠不能殺戮，或「賞金」金幣制度等等，這些原則從而建構了完善高效的僱傭殺手制度，再串連到社會上的每一個人身上；
—
而個人原則方面，最顯然易見的就是John wick這個角色的人物設計。最淺薄可見於他的服裝造型，不是「開工」的時間，簡簡單單一件白底衫就OK，但工作的時候，立即變成「極黑勢力」，黑色西裝、黑色恤衫、黑色皮帶、黑色皮鞋、黑色的槍械，配以奇洛黑色的分界頭髮及連接至的水的黑色鬚根，這就是殺手的外貌原則。咁行為原則呢？電影的其中一個宣傳招徠是「槍槍爆頭」，但大家又有否想過這也是尊韋克的一個很強的原則？「人在江湖，身不由己」，對於重出江湖再起殺戳，JOHN WICK其實是百般不願的，由他的人狗之情我們就可以看到，他絕對是一個有情人。但為何要「槍槍爆頭」呢？因為在這個世界中，「黑白分明」是世界內一個絕對的象徵，一係唔做，一係就要做到盡。亦都表達到JOHN WICK果種，一係直接拒絕盛天奴，一係就要出動殺曬所有人嘅「原則」，不斷遊走係兩種極端之中，建立WICK式的暴力美學（好多殺手茄呢啡其實已經無曬還擊之力，但WICK死都要補多槍），加埋一些場景嘅佈置，例如全黑嘅WICK走過全白嘅羅馬，就形成好多強烈嘅對比，由影像至故事內容，JOHN WICK 2呢套電影嘅原則都好分明，造就左一套風格凌厲之餘，情理兼備嘅動作電影經典！
—
繼續講原則，電影入面嘅原則其實唔止係WICK一個獨有嘅，而可以放諸於電影的不同角色之上，一小群人可以形成一個社會，而當電影嘅所有人都係咁，就會形成一個奇異且執著嘅世界（甚至可以話係病態）。例如女首領哲安娜就講過佢係為自己而活，亦都會係為自己而死，佢明知自己係WICK手中係走唔甩，所以就割手自殺，為原則而死，而最搞笑嘅係，WICK明知哲安娜死左，佢都係要補一槍，去完成血印嘅約定，「原則」於此看來就是既荒誕又執著，又帶點病態的CULT。
—
遵從原則與突破原則：
—
對於一套咁「乾淨」嘅動作電影，如果要評價當中場面調度或動作設計，講真我真係唔識，都係做番老本行，講下JOHN WICK 2入面兩個值得討論下的情節。第一樣野就係雖然尊哥「槍槍爆頭」，但唯獨就係有兩個角色可以逃離佢嘅槍口，可以嘗試「甜品」。佢地就係哲安娜嘅男保鏢同埋盛天奴嘅女啞子守衛，原因係咩呢？編劇又想表達什麼意義呢？如果大家有留意，「被爆頭」嘅角色幾乎全部都係賞金獵人，或者同JOHN WICK有仇恨嘅人(仇恨可能係因為一隻狗，可能係一幅相，一間屋，一條鏈等等可能微不足道嘅事，但當「仇恨」愈微不足道，就反而顯示到「原則」係愈強烈，係一個反襯)。而果兩個男女保鑣同其他人唔同嘅野就係：佢地想殺JOHN WICK並唔係為錢，而係為左愛人同殺手嘅尊嚴，所以佢地就可以享用到尊為佢地特製嘅甜品，打破既有嘅原則，帶出「識英雄重英雄」嘅意義。
—
而第二個值得討論嘅情節就莫過於係果個令人拍爛手掌嘅結局，當盛天奴話佢會永遠留係酒店保命，而嘲諷JOHN WICK吹佢唔脹之際，WICK就以迅雷不及掩耳之勢將仇人一槍斃命。究竟點解會咁嘅呢？又話成個世界觀都係講「原則」，點解WICK要係電影嘅結局狠狠咁刮自己一巴？呢個係我睇完套戲之後對電影一個最大嘅疑問。可能有觀眾或讀者會覺得，咁樣先型丫嘛。但「型」呢個答案是絕對滿足唔到我呢種故事控的，而及後我也有自己的一個理解進路：
—
沒錯，酒店的確是不可殺生，但WICK也的確是殺生了，而且是在眾目睽睽不聽勸阻的情況下去做，點解呢？不能殺生，我們可看作為整個WICK式世界的一個社會原則，這是人人也會遵守的，像在現實世界的法例，基於權力的壓迫，我們不得不遵從一些有理或無理的規則。而WICK對盛天奴也有著強烈的個人仇恨，他的房屋及妻子的遺物就被對方炸得稀巴爛，也有著擊殺對方的最大理由。
—
但當社會原則與個人原則產生衝突的時候，我們又應如何自處？WICK最後的選擇就是再當殺神一次，但這絕對不是代表他背棄原則，而是他選擇了堅持個人原則而放棄了社會的規訓。當然，我們又可能會問為何他不一早去殺盛天奴，而偏偏要選擇履行「血印」約定後才行動？可能這就是原則拎異於常人的執著，我地識條鐵咩！？而「出得黎行，預左要還」，JOHN WICK在第三集可以如何一人一狗浪蕩於江湖，逃避全球性搜捕，在第二集珠玉在前之下又可如何扭出新異，殺得性起過癮，則是一個令人期待的問題。
—
《JOHN WICK 2》
Movie Express電影速遞 洲立影視 Intercontinental Video Limited FanPiece Hong Kong Movie 香港電影 Intercontinental Films Distributors (HK) Ltd. Golden Harvest 嘉禾院線
#殺神JohnWick2 #JohnWickChapter2

ยิงกระจายยอดเยี่ยมฝ่ายชาย
#เรื่องผีก็เอาเรื่องหนังก็ไม่เว้น

คีอานู รีฟส์ บู๊แหลกแจกกระสุนไม่ยั้งใน #JohnWickChapter2 พร้อมตัวอย่างใหม่ >> https://youtu.be/-30ZfrCoHdw << ##เจอแน่ปีหน้า