Search
💛【足料日式釜飯！$100有找～】牆上有文宣畫+派水俾手足+凌晨仲開俾手足入去避！
-
晚飯時間都幾多人等位，好彩呢間店入面都幾大幾多位，牆上仲有一幅幅靚畫俾你邊食飯邊欣賞～先嚟《燒汁牛柳粒配釜飯$68》價錢夠平民，大部分釜飯嘅價錢仲未過一百蚊，真心覺得抵食，佢地係用日本珍珠米，入口夠哂煙韌，釜飯新鮮煮起熱辣辣，配埋飯面嘅燒汁牛柳粒食幾好味！
-
另一抵食之選《汁煮豬軟骨配釜飯$68》，豬軟骨煮得夠入味，而且充滿骨膠原，肉質算係幾鬆化，加埋燒汁幾惹味，份量夠多都夠送飯，釜飯而仲有半隻溏心蛋，九龍灣嚟講，係唔入商場嘅好選擇！
-
釜之魂釜飯專門店
地址：九龍灣香港九龍灣淘大商場三期地下G286-288號舖
#PND牛頭角 #PND黃幫襯 #PND日本菜
心思思，想食佢滷味，都唔一定要搭飛機嘅，嚟九龍灣頂住檔先都得架！
PND尋晚就介紹咗九龍灣呢個小型美食天地，就係「得寶商場」新開嘅「得米美食檔」，大約有7-8檔小店，攞住$100就可以當放題咁食喇，仲有N個偽懷舊影相位，心機1000分。
PND最愛嘅《蘿蔔、豬耳、雞翼尖、滷蛋...》呢度同台灣嘅味道唔差好遠，甚至更加別樹一格！聽講老闆用咗一段時間研究滷味醬汁。
潮友可以自由攞筲箕同鉗嚟夾自己想食嘅滷味，自助形式架，想食幾蛋就夾幾多，然後俾老闆落單、加入滷味醬汁熱煮，溫馨提醒最低消費30蚊～呀。
滷味滷得幾入味，蘿蔔、豬耳、雞翼尖、豬手都唔錯！
牛下燈籠滷味@得米美食檔
星期一至日：11:00-23:00（下午時段會少潮友啲）
美食檔座位：大約百幾
地址：九龍灣牛頭角道3號得寶商場地下FC05（淘大附近）
#PND九龍灣 #PND港式 #PND小食
《又一個全天候偽夜市》獨門沙茶醬+自家打魚蛋+溫室紫薯雞蛋仔+秘方牛雜，呢度平有平食，坐得舒服，跟PND嚟啦！
裝修非常有心思，平日淨係嚟影相潮聖都值。
九龍灣又多一個平民美食天地喇，話說以前PND補習時都曾經喺附近嘅日月星食炸脾，而家潮友行多幾步，仲可以嚟到「得寶商場」新開嘅「得米美食檔」，大約有7-8檔小店，攞住$100就可以當放題咁食喇，仲有N個偽懷舊影相位，心機1000分！
潮友報料，昔舊日回憶嘅牛頭角下邨八座木檔小食，終於同第二代傳人一齊返嚟。
8座望落細間，其實都有唔少主打：五香牛雜$12/串、沙茶醬魚蛋$7/串(記得叫多醬，超級巧味，如果有飯一定要撈埋!!!!!)、牛下臭豆腐$10、碗仔翅、溫室紫薯雞蛋仔$18。
熱辣辣嘅牛雜，加埋一塊白蘿蔔，小辣醬汁、調味粉再加埋任落唔嬲嘅甜醬同黃芥末，非常濃郁同惹味。仲有好臭嘅外皮夠脆嘅臭豆腐，PND忍唔住都食咗一啖。
噢噢，佢地個《溫室紫薯雞蛋仔》裡面有粒粒紫薯架，真材實料，係爭在唔夠脆身啫，值得一食。
八座小食@得米美食檔
星期一至日：11:00-23:00（下午時段會少潮友啲）
美食檔座位：大約百幾
地址：九龍灣牛頭角道3號得寶商場地下FC02號舖（淘大附近）
#PND九龍灣 #PND港式 #PND小食
