#純分享 嘉年華之前連續通宵數晚，精神好差
結果活動後兩天，我感冒發燒咳 😷
其實每次病，我都習慣飲寶礦力，沖劑細包裝
加入暖水，微溫下飲，微甜嘅味道
老實講，我從來唔飲運動飲品
本身我都唔好做運動
但7年前，入職一間日本廣告公司做客戶服務開始
對佢有改觀
2012年
寶礦力水特正正係我品牌客戶
由第一日返工接手
上司苦口婆心：「你要熟悉、欣賞、尊重你客戶嘅產品」
工作關係，一次又一次嘅文案、校對廣告宣傳
連自己都被潛移默化
「6.6%天然糖份極速補充身體水分及電解質」
到今日，係今日，我都一字不漏，背得出
有人話，寶礦力飲落較甜，我就直講
記得，每當流感高峰期，最常見文案就係
「流感引發高燒，病菌入侵身體，體溫會升高以對抗病毒
同時身體流汗散熱，更需補充適量的水份及電解質
將病毒從鼻水或痰排出體外，讓身體盡快康復。」
透過廣告教育消費者，我亦就此被教育了
然後，就成為一個習慣
一個味道
一個回憶
2015年
辭職前，協助籌備電視廣告
https://youtu.be/wtsqd0DG1bw
適逢 #SweatForDream，講追夢
付出汗水去追夢
記得去studio睇1st cut
我只差一點點，喊出嚟
感動而激動，係一個產品背後賦予嘅價值
#再去想不敢想 #再去試不可能
我仍然記得
深深記得
2019年
寶礦力仍然支持一班追夢嘅人
一班熱血嘅香港人
夢，從來唔係青年人嘅專利，港爸也可以
七年間，我嘅身份唔同咗
同品牌嘅關係都唔同咗
但無變嘅係，佢背後嘅價值
多謝支持我，去實現一個夢
呢一刻，撐我嘅，係體力上
感冒發燒兩日都未好返
似乎，我要好好休息
P.S. 相中嘅擋風外套
喺6年前一個 #likeyourbody 嘅活動著上
當時，我就係鍾意呢隻活力藍
偶然，我都會再著
今日，再著，單純想保暖
人，年紀大咗，心態都唔同咗
但，熱血，仍在
～～～～～～～～～～～～～～～～～～～
梵高爸爸※藝術聖誕親子嘉年華 飲品贊助：
Pocari Sweat HK (Official) #寶礦力水特
#親子好去處 #親子活動 #香港爸爸 #聖誕親子嘉年華 #藝術 #梵高爸爸
