一直都好鍾意日本品牌 THREE 嘅產品，佢哋包裝簡約自然，又不失高端感。而且仲透過植物嘅大自然力量，令心靈、身體、肌膚三方面都得到平衡&滿足。曾經用過品牌嘅粉底液同埋潔顏油，無論質感、功效同味道都令我好難忘。
.
今次我就試咗佢哋另外3款產品，包括：THREE BALANCING CLEANSING OIL GEL 平衡潔膚蜜、THREE BALANCING FOAM R 平衡洗顏慕絲R、THREE Solar Tinted Glow Flow 艷陽全效UV粉底液。
.
❤THREE BALANCING FOAM R 平衡洗顏慕絲R HK$350/150mL
每日護膚最重要嘅環節一定係潔顏，因為空氣入面有好有污染物同塵埃，佢哋會吸入我哋嘅皮膚入面，喺皮膚表面形成角質層，令到毛孔閉塞，搞到好易會有黑頭、粉刺同暗瘡，而且角質太厚，就算搽幾多靚產品都會吸收唔到，積聚曬喺皮膚表面，反而會引起油脂粒問題添﹗
👍平衡洗顏慕絲R 蘊含98%天然成份，仲注入多款精華油，質地好Creamy，唔使加水已經有好綿密嘅泡泡。
👍我早晚都會用佢嚟清潔皮膚，先濕一濕塊面，之後按出2泵份量，輕輕喺皮膚上面打圈按摩，之後過水就已經可以。平時用泡沫狀嘅潔面產品都會覺我勁乾，但呢款產品用完除咗好乾淨同亮澤之外，皮膚keep到好水嫩，仲一啲刺激嘅感覺都無呀﹗
.
THREE BALANCING CLEANSING OIL GEL 平衡潔膚蜜 HK$375/100g
蘊含複方植物油、白泥、摩洛哥堅果殼3項潔淨成分，有效卸除彩妝產品之外，仲可以潔淨埋環境所帶來嘅污染物，有效減少角質層，令皮膚得到平衡同健康。
👍質感好特別，好似吉士達忌廉一樣嘅凝蜜質地，喺皮膚上面輕柔就會轉化成油狀，有效溫和地潔淨彩妝髒污、皮脂污垢、改善阻塞毛孔以及粗糙且暗沉嘅肌膚。
.
THREE Solar Tinted Glow Flow 艷陽全效UV粉底液 SPF50+/PA++++ 共7色 各HK$425/ 30mL
由於疫情關係，宜家成日都會長時間戴口罩，所以選擇底妝產品都會偏向鍾意一啲清爽型嘅產品，而且最好唔駛搽太多嘢喺皮膚上面就最Perfect。艷陽全效UV粉底液一枝就可以做到makeup base、foundation同防曬霜，完全可以滿足到我嘅要求。
👍艷陽全效UV粉底液質地好水潤，用次前一定要搖一搖，我自己就鍾意1號色，偏向粉紅色嘅膚色tone。直接用手指搽或者用化妝掃上都會好易推，好貼皮膚，而且仲有修飾瑕疵、提亮膚色嘅功能。
👍搽咗一層已經可以見到皮膚狀態非常好，貼薄、自然又清爽，夏天用真心一流﹗而且我實測過用完大半日都無咩點脫妝同出油，佢嘅防水防油功效非常好。
.
THREE HK
#THREEhk #THREEcosmetics #THREElovers
threelovers 在 THREE Taiwan - 資深THREELovers的推薦清單Meg 今天穿 ... 的推薦與評價
THREE買什麼？私心日本愛牌 質感底妝/持久腮紅/超讚泥膜/好擦指甲油 ... 去年在日本百貨公司認識了THREE 從此就愛上他們又好看又好用的產品們... ▻訂閱Meg Lu：https://goo ... ... <看更多>