「平平淡淡亦唔係差，Mmaaa…Mia！」
正所謂食得是福，廣東人最引以自豪既
四大發明：粥粉麵飯，都已經夠養活一家
四口。之不過成日講舊時就老X套啦，
緊係要放眼世界，要涉獵全亞洲版圖，
又點止一種麵咁簡單呀？係K11 Musea既
「喫 麵」就有得比你揀勻亞洲唔同地區既
招牌粉麵，就連最討厭澱粉質既香港女士
們都一秒愛上，你就知佢咩料啦。👇
-
📌喫 麵 -
▪ 吉 隆 坡 龍 蝦 海 鮮 蝦 麵 - $188
▫ 第一碗必試推介「吉隆坡龍蝦·海鮮蝦麵」，
主要來自湯底既精華所在，每一啖湯都有
好重龍蝦鮮味；而面頭既龍蝦肉肉質結實，
極富彈性；份量黎講我覺得合理；加埋青口、
糖心蛋，配搭埋蝦麵一齊食，整體屬於高分之作！
-
▪ 京 都 蟹 腳 醬 油 拉 麵 - $198
▫ 要食住個鮮字上，一定唔可以錯過「京都蟹腳·
醬油拉麵」，先講蟹腳份量比到足，淨係賣相
都已經贏左一半。而食落蟹肉無果浸雪藏味，
鮮甜感十足；加上醬油湯底鹹甜適中；
麵條亦保持到咬口，唔會太腍太爛，幾抵讚。
-
📌亞 洲 小 吃 -
▪ 絲 網 海 鮮 春 卷 - $38
▪ 泰 香 炸 魷 魚 - $48
▫ 兩款小食各有特色，前者「絲網·海鮮春卷」
質感透薄，炸得金黃鬆脆，裡面餡料豐富，
口感十足；後者「泰香·炸魷魚」充滿泰式風味，
炸漿岩岩好，食落香口得黎唔會太油膩，
點埋醬汁，相當開胃！
-
📌咖 啡 -
▪ 拿 鐵 - $32
▫ 本身想試呢到最有特色既打卡飲品
「麥麥熊系列」，可惜黎得太遲已經賣哂，
最後揀左杯「拿 鐵」，咖啡味入口夠濃香，
可以額外再揀syrup，唔錯。
-
📎 喫 麵 · YumMee
📍尖沙咀梳士巴利道18號K11 MUSEA1樓136號舖
