上期節錄提要：幼稚園校長終於按捺不住狠狠教訓新任媽媽：
校長：BB 從幾個月大就開始不斷透過觀察吸收知識，看似被動緩慢，但潛移默化中，佢地會學識好多嘢，佢地未識表達，所以你唔知啫，但唔代表佢唔識。其實所有嘅嘢佢地都入哂腦，當佢覺得有需要時就會call返d資料出來用架啦。係你地d大人自己低低BB咁，乜都幫佢諗哂，乜都幫佢做哂，咁佢自己咪乜都冇機會學，乜都冇機會做，想要乜，就哭鬧，扭計就可以達到目的囉，都唔使用腦，唔係「腦殘」係乜？呢d都係你地呢d怪獸父母一手做成嘅！一味淨係識得push，push，push，但又唔識點教，成日淨係識得拎自己嘅BB同人地嘅BB比較，阿Gloria個女識入銀仔，我個仔唔識，死啦，死啦！個老師冇料到，轉play group！。。。(未講完）
媽媽：咁個 play group 廢，唔啱就要轉架啦！
校長：（勁不屑）哦！咁就係廢吖？咁就判人地死刑，冇得上訴架啦？喂！阿師奶，你有冇諗過你個仔識分辨顏色，阿Gloria個女未識呢？d 細佬仔係人來架，唔係動物，唔係機械人，佢地係獨立個體，每個BB 都有自己嘅強弱項，自己嘅學習發展時間表，要留意嘅係佢地嘅智能成長，而識入銀仔只不過係其中一樣佢喺智能發展過程中會學識做嘅嘢，個個BB或遲或早都會識，你地嘅反應大到好似佢識飛咁，又做乜呢？
媽媽：咁點吖？ 你地究竟想d細路識d乜吖？背莎士比亞？
校長：係吖！係吖！ 最好識背埋唐詩添！你都完全冇sense嘅！！！我地最著重的係dBB有冇自理能力啊，有冇EQ啊，識唔識同人分享，溝通啊。。。你地就一概唔著重，到時幼稚園interview 衰咗，就狂鬧我地變態，查實係你地d 怪獸父母變態就真！話你知啦！如果有兩個小朋友來interview，一個醒dd，另一個自理能力好d，冇咁黐身，但冇咁醒，我地一定會㨂冇咁醒果個。唔醒，我地可以教到醒，細路仔學嘢好快啫！但「腦殘港孩」？唔好搞啦！成日上堂又喊又扭計又成，消耗晒我地老師的時間資源，又影響課堂進度，呢d「金菠蘿」最好返屋企搵私補啦！
媽媽：（開始焦慮）咁點算吖？
校長： （有點啼笑皆非）吓！仲使問？
此時，前任公關公司老闆/現任全職家庭主婦，有一子一女的前女強人發話了。
全職家庭主婦： 你地吵乜呢？我兩個子女由報 play group 到幼稚園 interview 都冇乜大問題喎！
媽媽：你唔使做，坐喺屋企嘆世界，梗係講得風涼啦！
主婦：咁又唔係噃！其實仲大剤過返工，不過一個人嘅時間花咗喺邊，係睇得出來嘅！
媽媽：（又開始提高聲線）咁唔通要我辭咗份工，24／7(一日24小時，一星期7日）對住個仔吖？！
主婦：咁又未必有用喎！（欲知她有何高見，待下回分解。）
bb展時間表 在 【BB展情報】 2021荷花BB展攻略篇！優惠獎賞大公開！ - 媽媽經 的推薦與評價
今個星期五六日就是2021年荷花BB展啦，大家Miss了我第一篇分享可按這回 ... 換領時間：下午2時半至晚上7時。換領攤位：J14。 「為食BB必買推介」家有 ... ... <看更多>