#加固心得
Jacob 5個半月倒我已經開始幫佢加固（即係開始食固體食物），由於我目標係Jacob 食既每一口啖粥都要有三種食材😯所以我效法好多台灣媽媽咁整冰磚黎規劃食譜配合bb 營養所需之餘簡單方便，仲可以日日唔同餐單😘
1. 點解要整冰磚？
香港大多數媽媽都要返工，返到屋企都無乜時間可以又洗菜、蒸煮、煮粥、攪拌etc..,所以星期六日整定一星期既食材mix and match 方便快捷！
而我自己雖然唔洗返工，但我係無飯主婦🙈即係幾乎都唔會煮飯🙈 所以有時買落d 有機菜呀肉呀魚呀，煮完一餐一定會浪費左，再擺雪櫃又怕擺到唔新鮮。
2. 需要點準備？
首先，你一定要有一部攪拌機/棒。我自己用緊 #beabababycook, 貪佢一部機可以同時蒸、煮、攪拌，要清洗時亦好方便。或者如果你屋企本身已經有blender 亦可以👍
另外，要有冰磚格！即係你見到圖中好似冰格咁既東西。但佢同冰格唔一樣，以下係揀冰磚格要留意既地方
💠 格仔容量由15ml～150ml不等，可以自行配合，例如今餐20ml 南瓜，20ml 菜心，20ml 豬肉
💠 必須要有蓋，食物先唔會混入異味同保持新鮮
💠 揀選PP材質，其耐熱度高達110度，因為蒸完blend 好就直接倒入去，食物溫度仍然偏高
💠 矽膠製造，柔軟同有彈性既質地先可以將d 冰磚退出黎。否則好似普通冰格咁，要狂拍，拍完仲要d 冰飛到一地都係😖
💠為左bb 健康，當然材質不含PVC、雙酚A、鄰苯二甲酸酯、塑化劑等有害物質
我自己用緊韓國出既 #bebelock , 亦即圖中容量比較細長方形果款。佢有大中細容量揀👍
亦用緊 #beaba ,即圖中六角型藍色果款。呢款容量比較大，每格有90ml, 我多數用黎裝南瓜、薯仔、蕃薯、菜呢類一餐食得比較多既食食材
好啦，講左咁多，下次介紹下有乜食譜📃同乜野食物唔適宜製作冰磚❌❌❌
bebelock矽膠 在 韓國BeBeLock 矽膠輔食格/冰格 BB開始加固 ... - Facebook 的推薦與評價
韓國 BeBeLock 矽膠 輔食格/冰格 BB開始加固 ，媽媽煮一大輪但BB只食少少? 想一次過煮又怕儲存問題 ? 呢個冰格就幫到你la~ 小店主自己都 ... ... <看更多>