//2020十大最愛 - 消毒野、飾品、暗瘡killer Part 1//
.
//自購// MOROCCANOIL Treatment For All Hair Types
以前用過嘅髮尾油一係太笠一係就唔夠潤，呢支係暫時用過覺得最好用嘅髮尾油，唔會太笠，容易吸收但係又見到有滋潤效果。我髮質比較乾，用正常版本覺得啱啱好，keep住用冇咁容易打kick同埋冇咁乾旱。一支都用左差唔多半年(隔日用)，如果想試髮尾油可以試吓呢個牌子。
.
//自購// HYGINOVA 環保消毒除臭噴霧
不知不覺原來已經用咗hyginova三年，今年用得特別多，無論係消毒雙手、電話、鍵盤，甚至有時抹屋執房都會用到，比起一般酒精消毒液冇咁乾，亦都冇咁大陣味。對環境同寵物都友善啲💛
.
//自購// Stridex Salicylic Acid 2% Acne Medication
有2% 水楊酸嘅護膚棉，我通常會喺生暗瘡嘅時候用佢濕敷一陣，或者全面係輕輕抹一次。如果有石頭瘡嘅話會快啲熟，如果有傷口嘅暗瘡就會快啲平伏返。呢盒已經係第二盒，個人覺得超work！我家姐同埋我細佬生暗瘡嘅時候都會拎黎用，佢哋都覺得好有效！重要喺iherb買超平，$40到有一大盒。
.
注意返用嘅時候皮膚會比較乾，要因應自己皮膚情況決定使用頻率，亦要勤力啲做保濕，敏感肌慎用。
.
//試用 from @lookfantastic_hk // AUSTRALIAN BODYCARE Spot Stick
另外一樣對石頭瘡有幫助嘅就係呢支茶樹精油碌碌，佢會令到谷唔出嘅石頭瘡慢慢變平，無Stridex 咁乾咁刺激，化妝之前都可以用。我係會查得勁密，wfh唔使見人就狂碌，就算係石頭瘡都好得好快。
.
我平時用其他牌子嘅茶樹油，例如bodyshop 或者Thursday Plantation係冇感覺，出奇地呢一支我覺得好有效，已經自己課金回購左一支，價錢都唔貴，$70有交易。
.
//自購// MISSOMA Jewelleries
今年買多咗好多首飾，暫時覺得最高質最抵買嘅就係Missoma！首先佢哋嘅款式簡約易襯，唔會太浮誇，價錢係幾百蚊至千幾蚊有交易。通常等Black Friday或者其他節日時75折入手。
.
佢哋嘅飾品同好多其他牌子一樣都係Gold Vermeil，但係唔知點解耐用好多！其中一條choker，大半年黎我都無除過，無論係沖涼做運動瞓覺我都戴住，到而家都冇任何變色或者氧化。戒指我都係照帶住黎洗手洗手洗手同捽酒精搓手液，同樣都係冇變色冇氧化。其他差唔多價位嘅牌子都冇Missoma咁耐用。
bodyshop茶樹精油 在 #圖消痘子超好用的the body shop茶樹精油 - 美妝板 | Dcard 的推薦與評價
以前下巴都不太長痘痘的（我都是長在鼻頭附近） 但這次經前居然在下巴長了兩三顆外加粉刺真的好崩潰後來聽室友講說body shop茶樹精油很好用（之前高中 ... ... <看更多>