介紹翻，
依D先叫劇。
之前係咁話《魷魚遊戲》好垃圾，
咁當然要介紹番啲好嘢，
我盡量都會以唔劇透嘅方式講，
所以大家可以放心睇。
今次介紹嘅叫《Click Bait》，
劇情係話一位「好好先生」尼克，
同老婆蘇菲有一個超級好嘅模範家庭，
基本上所有認識佢哋嘅人都會讚好！
有一日忽然尼克失蹤，
然後網上出現一段片，
就係尼克對住鏡頭自白，
話自己係一個仆街，
呃過無數咁多女，
仲要殺過一個女人。
雖然一睇就知係被綁架，
但條片講到，
只要過5,000,000view，
尼克就會死。
究竟呢個係咪惡作劇？
定係尼克真係一個仆街？
模範家庭只係表面？
呢一切就等你自己睇嘅時候慢慢揭曉。
只可以講句劇情峰迴路轉，
喺度就唔劇透喇。
咁有咩好睇之處呢？
就係呢個故仔好立體！
眾所周知，
一個故事要交代得好，
每一個角色嘅人設要做得好詳細，
當觀眾睇嘅時候，
如果某個角色嘅反應，
同之前某集唔一樣，
你就要用返啲篇幅去描寫佢嘅轉變。
而且越多角色故事先至會越仔細，
但每個角色嘅情緒轉變，
又好難用同樣嘅篇幅去寫，
所以好多時拿捏唔到就會變成混亂！
但今次呢套劇極度聰明，
佢每一集都用一個有關係嘅人物做主軸，
例如第一集用個妹，
第二集就好似係個警察，
第三集就去到個老婆，
第四集就去到個記者咁，
用唔同嘅角色，
唔同嘅角度，
但係仍然都圍繞着尼克呢個人，
所以成件事極度立體，
亦都唔需要特登去寫啲嘢，
去改變一個人嘅處事方法同性格，
因為自然有其他角色可以做到，
所以喺故事描述上面激順同立體。
然後就係懸疑劇最大嘅難題：
「合理性」
懸疑劇好睇之處，
就係要你不停去估結果。
邊個係好人邊個係壞人？
邊個隱瞞真相？
呢啲氣氛嘅營造先係懸疑劇最好睇嘅嘢。
而呢套劇嘅懸疑位，
仲要並唔係單一角色身上，
每一集都會少量解開一個人嘅秘密，
但係嗰件事又會推進到主線嘅前進，
寫故仔我覺得就應該係咁樣。
再嚟就係題目嘅貼身，
整件事嘅起因係因為影片去到5,000,000 View，
尼克就會死。
假如呢條片係現實存在，
一條引起極大部份人話題嘅影片，
對當事人，
又或者係對當事人嘅家庭有啲咩大影響？
係你睇緊嗰條片嘅同時，
你係咪就係幫兇？
你會做啲乜嘢？
你做嘅嘢又有啲咩影響？
所有一切呢套戲都有提到。
所以如果你鍾意懸疑類嘅劇情，
不妨睇吓呢套，
真心不騙。

click bait 在 How to Avoid Posting Clickbait on Facebook 的推薦與評價
Read this Business Help Center article to learn more about Facebook's Publisher and Creator Guidelines regarding clickbait. ... <看更多>