#贏就一齊贏輸就一齊輸 #點五步
作為點五步參與3rd cam咁多日，唔出句聲講事實就比一篇文抹殺左四十幾日既努力。由未開始拍我已經知道係得兩百萬，睇完劇本之後，已經準備好心情同兄弟們一齊做呢部片。
做一輪澄清先，首先邊個講拍到冇飯食？早午晚飯宵野全部食飽，車馬費又有收。邊個講到學院強逼學生參加點五步拍攝？又話唔去扣學分？拍咁多日，監制一開始就已經講「黎到就黎，黎唔到做你野先啦，唔緊要」。學院甚至比你合法走堂去拍添！從來都冇關係過學分問題。早期首映個陣，製片每個crew問要幾多飛，邊個講連crew都冇飛？
導演監制都只係像徵式收幾蚊「薪金」，你冇睇錯係幾蚊！事實仲要倒貼。公司都係拍攝前為呢部戲成立。大家一早知唔可能比到市價薪金，所有人都知情。
《點五步》係大專組 首部劇情電影計劃，做番二百萬級數既電影根本唔會有人睇，亦浪費左呢個咁好既戲本。真正仆街既，係一班明明夠budget 但縮數減人工既大公司/監制，而又肯接黎做既，亦訂明不可以搵其他資金，肯做而留得低既，都係為著對電影既熱誠，仲有來自導演同監制全程投入既精神。
老實講人工就好低，但係能夠聚集到前後過百人既力量，唔通咁多人都係痴線既？點五步係部幸運既電影，用盡監制導演以前儲落既人情卡，比人消費熱血？我又唔覺喎，反而導演有記住班crew。
點五步入面，滿足感有時仲高過有budget既片，我可以試自己野，親手去試去做。做幾年先有機會接觸到既野，我都提早接觸左。手痕既劇照，竟然用左做封面😃
大家做crew既，一開始都抱住懷疑既心去做，連上唔上到院線銀幕既希望都睇唔清楚。分唔分到紅都到等上映完票房情況。但都做左先算，學到既都係自己既。亦都為自己入行進左一大步，目前安穩在拍攝行業開工，點五步帶來既經驗同人脈都幫助緊我。
老屎忽講既「比個機會你黎學野仲講人工」，三年黎上上下下從未聽過，麻煩你地唔好再老屈。《點五步》並唔係各位老細cut budget既理由！當提供到合理工資而唔比既先係真正既仆街，槍頭唔好指向點五步，因為對點五步既情況黎講好唔公平，要鬧唔該用比得起而唔比既公司！行業既走數／縮數情況我都試過亦見過，亦同意一定要改善。一般工作價錢是否合理我諗我地班crew好清楚，我個人黎講唔合理就唔會接。但問題《點五步》現實就係得二百萬，改劇本一定會大改，但仲係點五步嗎？與其浪費份劇本，點解唔盡力完成，
