盟友💞FYR
【反送中父母遊行指南】
多謝各位準備參與69反送中遊行嘅香港人！
呢幾日有啲父母pm我問，要準備啲咩帶仔女去遊行，我超開心感動！
唔知係咪大家嘅關注呢？我將一啲事前準備同現場嘅注意事項整合分享返出嚟啦：
【輔助工具】
使用hip seat/BB車比滑板車好（都要行3小時㗎）
著輕薄嘅白衫（dresscode嚟㗎）
風扇仔
毛巾仔
退熱貼
（退熱貼可以剪半，貼額，大脾，頸位。）
水
零食
替換衫/片/去廁所嘅樽（以防萬一啫😂，沿途好多嘢飲買/廁所位）
入草地要帶蚊怕水/蚊貼（謝謝網友@燕夕提供）
防曬系列：eg搽防曬、太陽帽、雨傘、雨衣(明天可能有驟雨)、小貼紙(獎勵用)、小書仔(等候時用)（謝謝網友＠Veornica Yeung提供）
餵人奶嘅朋友：帶餵奶巾啦。沿途側邊都有商場，商業大廈同埋餐廳，見到NGO啲中心借位都係可行的
eg 灣仔修頓球場、循道衛理教會，都係好選擇。
【出發地點】
如果想去維園出發，可以用維園草地「南路」旁嬰兒車區，可以早d出發。
不過，過去經驗，由於維園起步時間往往係未知數。我覺得如果擔心體力，我覺得可以稍後出發，例如考慮由銅鑼灣或灣仔加入遊行隊伍。同埋最緊要量力而為！
【第一次遊行嘅擔心】
第一次參與嘅朋友，聽到警方呼籲唔可以中途加入原來會有啲擔心。其實，每次警方都係咁講㗎！只要喺過馬路嘅位置就可以了順利加入到。
第一次遊行可能會有啲擔心，因為一般人覺得好危險，事前啲親友Whatsapp群組又會傳到好多暴民呀/武器呀/警方會用大量武力呀咁。其實遊咗咁多年，都安全無事，現場仲有啲感動tim。不過有時真係會有唔同意見嘅人出嚟口角呀，又有人唔知咩人喺度挑釁警方呀咁。
不過呢，大家當平時出街咁保護小朋友，注意小朋友狀態就ok啦，如果有唔舒服，中途去飲杯嘢/商場過一過冷氣，降溫，甚至提早離場，都係可以理解㗎。
我以你為榮呀！你嘅仔女未來都會！
如有任何疑問補充，歡迎留言PM討論~
（留言有廁所資訊、回收資訊等等）
【呼籲：各位父母，6月9日上街吧！】：
https://bit.ly/2Wnx4De
eg蚊怕水 在 #eg蚊怕水 - Explore | Facebook 的推薦與評價
防蚊用品 人氣投票 】. 踏入9月意味秋天又到喇！最近疫情放緩，假日郊遊可以除低口罩放鬆下 但記得都要保持社交距離 ❤️ 同時唔好忘記郊外地方仍會 ... ... <看更多>