品酒聖地Auckland
同你講好短去一個地方旅行，
然後話自己了解個到好多一定係呃狗你，
我自問就唔係好了解好多地方，
所以都會通常會做定research，
其實，我係去感受下唔同地方，
所以我唔會話自己係旅遊達人，
最多話自己係去玩達人😂
我都仲知醜，唔係呀豬呀狗有隻腳就叫旅遊達人。
講開有個地方，其實我想explore好耐，
可惜每次去到都只可以留好少時間，
連訓都唔夠時間。(其實我本身個人要訓好多先夠)
Auckland奧克蘭，
Downtown勁細，但佢既郊區真係好大，
如果唔怕悶鍾意山山水水，其實係一個好岩移民既國度，
因為當地人好好(我覺得)，不過有啲慘既就係當地物價同澳洲一樣，
俾移民先驅搞到乜都貴哂，
但比澳洲黎講係無咁歧視，不過依家武漢肺炎後就好難講。
Auckland既郊外名勝我去過一個，
係好容易就去到既Waiheke Island，
Auckland基本上要去既名勝都係位於好遠既郊外，
所以我搵左個唔使揸車都去到既地方，
中文叫激流島！
Waiheke Island係downtown個Ferry Terminal Pier 2搭大約40分鐘船就會去到，
如果你追求刺激行程既話，Auckland真係唔岩你去，
但如果你鍾意飲酒既話，Waiheke就真係岩哂你，
因為佢地有好多酒莊，天然地理環境好適合種提子，
我記得個時第一次見到啲靚提子口水都流埋，
最重要既係好多酒莊只要俾少少入場費都有試酒，
10幾蚊紐紙就可以飲佢menu上既飲，開開心心又1day。
只要買張hop-on hop-off既乘車券，島上所有巴士都搭得，
佢地有time schedule，唔好好似我咁柒，
因為miss左班巴士，行就要行好耐，
大家可以隨便去唔同既酒莊對比下有乜分別，
早啲去，因為Auckland啲野好早收。
去完酒莊都可以照翻到downtown遊走下，
反正都無乜野睇，
Downtown有個Sky Tower好出名，
可以望Auckland全境，仲可以係入面間餐廳食野，
仲有賭場，不過我對呢啲全部無乜興趣，
因為好多地方都有類似既野，所以我寧願用下啲錢去下food truck買burger就算，
順帶一提，Auckland有樣野我好鍾意食，
就係mussels，每次去我都會去餐廳食，
雖然我會俾人笑我依家無人特登再去食mussels，
不過我覺得Auckland d mussels大隻肥美，
比其他地方既好食得多多聲，
有機會大家去Auckland不妨試試🙌🏻
安德魯艾豬：https://www.instagram.com/a.drewy/
PS我個時真係好年輕
ferry pier中文 在 梅窩渡輪碼頭跳水Diving Near Silvermine Bay Ferry Pier ... 的推薦與評價
... <看更多>