📘
#在日落前交換日記
0614《拜咁耐關公都冇公關》
語言係用嚟表達自己所想嘅，但係語言唔好就會表達唔到，堂堂一哥，居然可以話其實我嗰時講咗A，但係其實我係想表達B，我諗連佢肚裏面條蟲都唔會估得到佢嘅意思，呢一個就係我哋香港警察嘅領導人。
上樑尻嘅下樑Kai，因為知自己語言都真係唔好，一班退休警務人員亦都搵咗一個代言人去為佢哋發聲，佢哋搵咗邊個？劉馬車。屌你個腦，咁都諗到，真係撚醒王👍🏻警察同劉馬車到底有乜關係呢？話說英國嘅警察就係揸馬車嘅，呢一班退休警務人員好明顯就有戀英藉情意結，借馬車懷緬昔日皇家統治時期，實在係身在曹營心在漢，如果唔係有冇咁弱智會搵劉馬車先？
到底你哋搵劉馬車之前，有冇做過些少research ？或者有啦，呢條友都同送中有好密切嘅關係，話晒佢都叫有經驗，喺大陸坐過下監，由佢嚟支持警察，未免太有說服力，加上佢哋都係同一類人，又或者警察就係劉馬車經常口講嘅嗰三個字，拜咁耐關公都冇公關，真係食得屎。
搵代言，Marketing真係好重要，不過唔怪得你哋，你老細marketing都唔係話標青，連賣港都唔識賣，要公開問市民：「我點樣賣港呀？」，可能見啲marketing搞event佢又有樣學樣啦？event係就係搞得大啦，但係佢請咗啲咩KOL去呢？有人就話見到灣仔一向佢大晒嘅山雞、為民主勁fight嘅競輝、連福祿壽嘅fuk都去埋，人就夠啦，但係你請嗰啲KOL都唔幫你po相嘅，有鬼用呀？
市場學 檸
