大多數人上網都有自己的 preference，有人鐘意用 Chrome 作為瀏覽器；亦有人用 Safari；甚至 Internet Explorer 同 FireFox 都大有人在，但原來你用邊種瀏覽器都可以反映到你工作的態度。
美國有個經濟學家之前做過項研究，發現職場上慣常使用 Chrome 或 Firefox 的同事，對工作投入度比用 Safari 或是 IE 的人高；而且請假次數上，前者亦比後者的次數也較少。同時用 Chrome 或 Firefox 的如果從事銷售工作，銷售額亦會較高，顧客滿意程度也會高一點。其實呢個結果都唔係無原因，諗深一層，Safari 和 IE 其實都是預先已經安裝係電腦裡面，Windows 裡面本身default 就有 IE，而 Mac 的話就是 Safari，兩個都是買部電腦返黎一打開就有的瀏覽器，可以話係比咩你就用咩。但相反，Chrome 和 Firefox 就唔同，你想用呢兩款軟件，首先心態上你要有足夠的好奇心，認為有更好的選擇，先會去搜尋下有無更好 replace，搵完再去 download 同 install 。
講真，用邊款軟件唔會令你工作表現上有咩唔同，但就反映到使用者的心理差異。辦公室入面，有啲人傾向接受世界原本的樣貌，希望保持原狀；而有啲就有求變的心，唔會安於現狀，甚至會去諗吓件事有無其他更好的方法去完成，如果有就即刻付諸行動。套用到工作層面上，認為現狀不可改變的人，或者會比較不會在工作時去解決問題，他們只會忍耐著現有的情況，直到佢地忍受不了而最後辭職。
世界不停改變，如果你有去質疑現狀的特質都幾重要，多多少少對自己都有所進步。
睇完望望自己用咩瀏覽器，你又會唔會試下改變？
#MrBusiness
ie瀏覽器mac 在 MAC的瀏覽器需要IE 11模式 - Mobile01 的推薦與評價
各位好，請問，在MAC上，需要使用IE 11模式的瀏覽器，我在Safari上啟用了開發模式，加入自訂的使用者代理，但是關掉後就消失了，請問，有方法可以讓這個設定永久存在嗎 ... ... <看更多>