多謝網友Yiu Fu開心分享這個申請STV的詳細情況，有興趣的可以一看！
我地剛剛成功申請到呢個簽證, 12月中就可以飛了!! 所以我地嘅資訊算係相當新鮮~ 但之後泰國政府嘅要求可能會有更改, 大家正式申請前最好都再check 下泰國領事館網頁 http://www.thai-consulate.org.hk/web/3015.php?s=4300 *STV有效期90日(由申請日開始起計, 而不是出發日, 所以第一次實際只有2至2個半月有效期), 可以續2次, 共270日 首先, 要申請呢個簽證係有幾個條件: 由於呢個係一個長期旅遊簽證, 所以申請時需要提供簽證期間的住宿證明, 例如: 你或你親屬持有泰國物業的證明/FULL PAID酒店receipt. 要買泰國保險公司的保險, cover 40,000THB 門診, 400,000THB 住院 & 100,000USD Covid-19. (https://longstay.tgia.org/home/companiesstv ) 要訂15晚泰國政府認可的隔離酒店(listed below), 唔可以經Booking.com之類的網頁訂, 要經email加電話或LINE去訂, 因為酒店要出一封Confirmation letter比你, 你要帶同呢封信去領事館. (酒店LIST https://thaiest.com/blog/list-of-alternative-state-quarantine-asq-hotels-thailand ) 如閣下願意滿足以上的要求, 就可以攞齊以下文件, 上泰國領事館申請了 (地址: 金鐘東昌大廈8/F, 辦工時間: MON-FRI 09:30 - 12:30, 泰國領事館除了會放香港假期, 仲會放泰國假期, 上去前請查清楚) 2張填好的Visa application form https://image.mfa.go.th/mfa/0/GaxRwJjWVH/Form/visaApp.pdf 2張6個月內的證件相 2張PASSPORT 影印本 2張身份證影印本 1份填好的 Certificate of Entry (CoE) declaration form https://image.mfa.go.th/mfa/0/GaxRwJjWVH/%E0%B8%A3%E0%B8%B9%E0%B8%9B/%E0%B9%80%E0%B8%AD%E0%B8%81%E0%B8%AA%E0%B8%B2%E0%B8%A3/2_1__DF__Non-Thai_7_July(1).pdf 泰國保險公司出的證明信 隔離酒店的確認書 物業證明/租約/FULL PAID酒店收據 Flight Itinerary 費用: 2000THB(現大約HKD600), *呢個簽證只是單次入境, 出境後就會失效了. P.S. 訂酒店時最好有Flight Itinerary, 因為確認書上面會寫; 而夫婦可以同住一房, 但要SEND結婚證書比佢地. 而物業證明上面如果無申請人個名, 就要出示證明(例如結婚證書)去proof 你可以住嗰間屋. 所以如果夫婦一齊申請, 就記得帶埋結婚證書影印本, 以備不時之需. 如閣下嘅結婚證書無英文或泰文的話, 請預先去做翻譯&認證. 領事館絕不提供影印服務 大家記得預先影印定所有文件 集齊以上所有文件, 就應該可以好快申請到STV, 呢個簽證最少要出發前7個工作天申請(唔計泰國假期, 香港假期&星期六/日), 而穩陣起見, 我會建議大家在出發前一個月左右申請 (即係機票酒店嘅日期定喺一個月後), 成功申請之後, 起飛前仲會有其他嘢要搞, 不過領事館職員會同你講GA喇~
itinerary翻譯 在 「Itinerary」跟「Schedule」有所不同？「行程表」的英文用法 ... 的推薦與評價
「 Itinerary 」跟「Schedule」有所不同？「行程表」的英文用法～ 旅行用的英文【每早一口英文】. 962 views962 views. Jun 24, 2018. ... <看更多>