「As I began loving myself, I could see that everything that surrounded me was inviting me to grow. 」
當我見到呢幅圖同呢句quote既時候有好大感覺，我覺得好靚、好溫暖、好可愛... 佢令我諗起身邊我愛既人、我既朋友又或者素未謀面既你地。
吾知道究竟係因為呢兩年發生左啲特別既事情，定係呢啲只係成長中必定要面對的階段。先吾提我自己"極奇" 多愁善感、成日會惹來奇怪事，好中意鑽牛角尖但又成日懶開心正面既性格，呢一兩年面對住我身邊所愛的人、朋友面對傷心既事同難關，我完全吾識處理！我連自己既事都吾知點算，每日既情緒都好氾濫，連簡單既呼吸都吸吾好，成日都覺得自己吾夠氧氣，甚至會諗「下一秒我會死去嗎？」到見到朋友，佢地分享自己既近況，好多都係一啲無辦法解決而且令我心痛既事情，我用番我一直以來熟悉既方法，就係去深切感受佢地既處境，一得閒就試下身處佢地既位置去感受佢地既悲傷，我以為身處同樣既位置，就會安慰到佢地，我癱瘓左，去到一個位我無辦法再回覆朋友們既說話同訊息。太多既情緒、太多感受，我吾想要呢啲感覺，我覺得我好重，透吾到氣...... 我好想幫佢地，我吾想佢地要受呢啲苦難，點解大家吾可以好地地，風平浪靜咁生活。但風本身就係多樣性的、浪也從不是靜，係吾係我既要求太過自我呢？我以為我總係會有辦法幫到佢地，所有野都有解決既辦法，但我發現吾係所有野都要被解決。我諗左好耐，我可以做啲咩呢? 盲左既人吾能夠入火場救人， 泥菩薩也不能過江。
係我自己要好好地！（我一路甚至會有一個諗法，就係如果朋友們吾開心，我如果無吾開心，我會內疚，佢地亦會憎我。）但依家我知我要首先好好守護既係自己！某一啲好神奇卻又輕易擦身而過既時刻，仲係會提醒我生命既美好，例如我食到啖好好食既意粉、聽到一首好好好好聽既歌、一陣溫柔既微風掃過我、睇見美麗既日落、一個感受到連繫既對話，呢啲都係一啲美好到令我輕易落淚既時刻😢
所以，吾洗好用力好俾心機抓住呢啲moment，有時候放過自己，但吾好放棄感受真正屬於你嘅當下一刻，等自己好好咁俾呢啲感受餵飼，會有愛同精力去繼續生活，亦都可以繼續支持番需要你地既人。（將來我吾記得左既時候，你地都支持同提醒番我好嗎？）We will eventually see the big picture that everything surrounded you was inviting you to grow. Look at those flowers😊!
Illustration | Iuliastration
#grow #selflove #love #bigpicture #illustration #healing
