Search
好彩手寫寫得靚，啲字細細隻都好容易睇到尾
獄中義士屌尻劉細良同世七，一邊睇得好撚爽，另一邊真係讚嘆坐緊監都跟得咁貼，唔知有無網友可以將封信貼去城寨班撚樣個Page度，等國父回應下？不過多數都係會比細良世七屈封信係臥底老作=.=
Anyway再咁落去，D4隨時可以靠寫信成為全香港第一個石牆KOL──當然我更希望佢盡快可以變番一個普通網民
//柴劉細良大台損害到佢利益果時就左一句「搞分化」右一句「鬼」咁Label我-,-好啦依家做淆底獸啦著草啦，就拎我呢班「坐監手足」幫佢抬轎上機//
https://www.facebook.com/wind327/posts/2813424675565065?__cft__[0]=AZVPdRcMEnZShV2MbT0UYJO6QTaXbDL0vD07hv0MzNe961BATOuATnp_FpLHMcH7PbHR7xzFPz4hagwguD4x4RzXaydS0Nie0m0m9CvTczNNomPijIE-AHiB6LA8L7eCkls&__tn__=%2CO%2CP-R
//每次在飛機上看見第三和第四種的女性乘客時，我都會有種跟木頭溝通的感覺！因為跟她們打招呼又看不見她們的表情，跟她們交談亦看不見她們的咀型//
陳年遊記
《披着面紗的少女》
30/05/2008
在中東地區居住的都是以回教徒為主，可蘭經的教義是希望女性能穿着衣物來蔽體，是以保護女性為目的，不讓非親屬男性看到女性的肌膚。不過，當中的理解卻可以有很大的變化，就以埃及的女性為例，她們同樣是穿着幅蓋全身的衣物和頭巾，但卻不局限於Abbaya，她們的衣物都是由色彩繽紛的布料組成，就像馬來西亞的回教徒一樣！
話雖是長袖衣物，但很多時候她們的衣物都是有修身，甚至是貼身的！記得以前在新加坡認識的馬拉同事，她家中四個姐妹亦有不同的衣着，雖然大家都是回教徒，出生於同一個家庭，但始終是按照她們個人的意願去穿著，其中一位穿衣便跟非回教徒無異，同樣是不包頭巾，穿短袖緊身衣物！不過，就算四姐妹對回教法的遵守程度不同，亦無損她們在家中的地位或感情。
在阿拉伯半島和沙地阿拉伯，全黑的Abbaya可算是最普遍的回教女性衣著，不過，箇中的穿法也可有分為四種！第一種是只穿黑袍，不包頭巾；第二種是穿黑袍，包頭巾蓋着頭髮耳朵；第三種是穿黑袍，包頭巾，圍面紗，只露出眼睛；第四種是穿黑袍，包頭巾，再用一大幅面紗把整個頭蓋着，甚麼都不露！
頭兩種可算是較現代的穿法，因為在現今的社會，用「真面目」示人此終較方便社交和工作！就以我的工作為例，每次在飛機上看見第三和第四種的女性乘客時，我都會有種跟木頭溝通的感覺！因為跟她們打招呼又看不見她們的表情，跟她們交談亦看不見她們的咀型！這完全是單向溝通！
記得初來巴林的時候，看到滿街都是穿着Abbaya的女性，常常令我對她們的日常生活產生很多的疑惑！
先說說吃的吧，原來在中東地區，很多餐廳會有一種叫Family Section，是給一家大細的阿拉伯家庭使用的，它們的間隔是每張枱旁邊都有一塊布把桌子圍起來，方便那些戴面紗的女性除下面紗吃飯！但在商場的Food Court，或是飛機上，那有可能有那麼多「私人空間」給這些回教女性使用，由於不能夠除下面紗吃飯，她們的應對方法是用左手從下巴處揭開面紗，右手拿湯匙把食物放入口中！從外人看來，這樣吃東西當然是非常麻煩的事情，但這些回教女性也許自少就習慣了！
另外，在中東逛商場的時候，常常發覺大部分都是售賣各種時裝的商店，頂多有一兩間售賣Abbaya的商店吧，跟西方國家的商場其實沒有兩樣！開始時真的不明白本地女性怎麼購物的呢？
後來弄明白了，誰說回教女性都只穿黑袍呢，原來那件黑袍底下都是一件件華麗的時裝，因為她們在公眾地方時才會披上Abbaya，在家中和其他親朋戚友相處時，又或是出席一些純粹女性的聚會時，便是這些回教女性真正「爭姸鬥麗」的時候了！
不過，到現在我還是不能理解的，當滿街上都是穿着黑袍的女人時，小孩子若果一旦跟自己的媽媽走失了，他們是怎樣找回媽媽的呢？除了高矮肥瘦不一樣外，莫非真的只能靠眼神交流？
《空姐阿四 我的超囧航班》系列
https://chomelodie.blogspot.com/search/label/空姐阿四 我的超囧航班?m=0
［Facebook今次幾頭痕。但，應該冇事掛？］因為實在客戶實在太廣了
TL：DR—大品牌齊齊杯葛Facebook（雖然可能只係一陣），影響當然緊要過你啲網友杯葛。但，Facebook 最大嘅100個客加埋，都只係佔佢6%收入。你唔落，大把對手爭住落。
1. 本人一向係Facebook （隻股票）忠粉，2018年3月Facebook爆鑊，劍橋「泄密」風波，甚至「賣用家私隱賺錢」。當時唔少人聲稱Delete Facebook，甚至有人話「霸權崩潰第一步」。當時股價亦急插15%。本人同意係公司面世以嚟最大危機，但當時仲幾老定，覺得根本唔會有事，亦寫過文（https://bit.ly/2Af0776）。睇死你班友，好似小學雞離家出走咁，過兩日就返返嚟啦。結果估中，好快就冇事，股價早排先創新高。
2. 但真係好似羅樂林咁，法治可以死完又死，香港最黑暗的一天一年都幾十次，今次Facebook，就真係更加大危機，一鑊畀一鑊勁。當然正如我一路講，成功嘅企業有邊日唔係面對挑戰？係你啲窮撚網友先以為大公司坐定定收錢（收租可能係嘅）。美資公司，邊間唔係關關難過關關過？你投資，就係相信嗰一萬蚊，公司會用得好過你—咁人地梗係勁過你啦。
3. 不過，今次真係相當大鑊。股價兩日就跌12%。
4. 好啦，今次咩危機？又係有人杯葛，但今次係廣告客戶杯葛，咁就大鑊好多啦！仲要唔止一間，係好多間，仲要係大公司—即係，你啲仙都唔仙嘅濕鳩網友話杯葛，少返一萬幾千個，小朱不知幾開心。但落廣告嘅大客，另一樣嘢。
5. 故事都有啲長，但某程度上，都係由Black Lives Matter（BLM）引起，遠因就係美國（甚至全世界）相當極化。好簡約地講，因為某啲友（主要係侵侵）寫啲嘢好具爭議，唔少人認為係hate speech，煽動仇恨，有其他平台就封鎖呢啲友，或者屏蔽，或者標記係有問題 – 但Facebook堅持唔制。Facebook理據係，大佬，我唔係真理仲裁者。咁，任由呢啲hate speech出現，就令某啲企業唔高興，話有違佢地核心價值云云，加上亦都有人發現呢個運動，於是企業唔再在Facebook落廣告住，咁話。有啲就其實係完全唔再在社交平台落廣告。
6. 慎防有人唔知Facebook 點賺錢，你玩Facebook好似係冇畀錢的，啲KOL經Facebook賺錢一樣一個仙都冇分畀小朱。咁公司點賺錢？Senator，we run ads（https://bit.ly/3idb1ew）．Facebook同好多科企一樣，好靠Network Effect，越多人用就越值錢，所以佢唔收用家錢—但聚到人，自然可以向落廣告嘅商家收錢，原理同免費電視差不多。
7. 事情可以好多角度拆解。但首先，唔少牌子本身在BLM都有其立場，你可以當係行銷嘅一種，咩都好。咁如果照樣在容許hate speech嘅Facebook 出廣告，難免會畀顧客話 — 咁不如反客為主，先將一軍。
8. 呢度帶到第二點，我自己估嘅。但，相信好多牌子，甚至其他傳媒，對Facebook早已恨之入骨，只係因為誰大誰惡誰正確，唯有一路鬧一路用一路落。有人第一個企出嚟杯葛，一呼百應啦。
9. 當今參加嘅，實在有好多公司。最初係North Face，Patagonia．但之後仲有電訊龍頭Verizon，FMCG（＊）龍頭聯合利華（Unilever，P&G死敵，Lipton同 Dove嘅主人），可口可樂，星巴克。驚未？部份唔係只杯葛Facebook，係停晒所有社交平台，有啲就post照出但唔畀錢推廣告（幾咁仆街！）。有啲只係停到七月底（好有誠意！），不一一盡錄。
10. 我？都仲係樂觀嘅。
11. 首先，Quartz 有文寫過（https://bit.ly/2NETcqV），對收入影響唔係太大。固然Quartz篇文寫時未有可口可樂同星巴克加入，但入面講嘅大約都啱。因為Facebook真係太無敵。
12. 你以為大牌子惡？Facebook 仲惡。就算100大企業加埋，都只係佔廣告金額6%，你睇呢間公司嘅customer concentration risk幾咁低！廣告貢獻最多嘅，係啲中小企—諗下都合理，我大牌子冇廣告其實都有人識，但，中小企想上位，梗係勁落廣告—你大企業唔落呀？多謝晒，我借機會搶你份額添（雖則未必得）。Facebook 800萬個廣告客戶，全世界不同地方，大陸都有（是的！大陸理論上上唔到Facebook，但大陸公司一樣進貢唔少），點齊上齊落？我估唔少公司唔介意借呢個機會搶廣告時間。
13. 另外，你見到有啲公司（開名啦，星巴克），十分搞笑，Post照出，只係唔再畀錢落ad．個感覺就唔係割席，就似係一路唔妥Facebook多啲，照用，但唔畀錢你賺。正。又，好撚心啦，聯合利華出嚟扮正義企業。我真係醉了。
14. 同時，你見我寫咗兩次，有啲公司，係停晒所有社交平台—呢個緊要。證明，唔少公司唔係只係針對Facebook—而係唔想捲入呢啲政治爭拗。固然支持BLM好似係王道，但唔好忘記侵侵都一大班粉絲，亦都唔少人（包括香港人）覺得BLM係左膠嘢，只係唔多敢出聲。即係，企業好可能點都會得失人，咁不如唔搞好過—反正仲可以慳錢，而呢排公司啲筆直又緊，生意又未必好。
15. 雖然見到越嚟越多公司加入，但我覺得，要好多公司齊上齊落聯手杯葛，都實太難了。總有人唔怕呢啲嘢，你唔落就我落。你諗下，其實現代人而家最寶貴嘅，就係時間。無數咁多公司就係爭你嘅時間睇廣告，但你一日就係得咁多時間，你再有錢都係咁多。你聯合利華唔玩？咁我P&G多謝晒先。就當P&G都唔玩，咁我大陸牌子就落咯。
16. 事實見到，Facebook嘅廣告收入，非常之resilient —例如之前因為肺炎跌咗，即時就有班原本歐筆嘅人補上。
17. 個關鍵係，今次同2018年3月相反，企業杯葛，但啲客一路上緊Facebook，唔見得短期走人。咁，對手落，你唔落？你頂得幾耐？定考慮去返TVB或CNN落廣告？不如諗下登報紙？或者賣紅隧廣告？
18. 本人相信，收市後先爆咩可口樂同星巴克都唔落，Facebook股價就再會插，加埋之前都升唔少，近排市況亦差。照計會繼續跌。但你話廢都好，我都係嗰句，屌，貴嗰時又話升咗好多唔敢買，但跌落嚟又話唔敢買唔知見底未。好呀，你叫見底嗰時小朱發個私訊畀你丫。原來好多人係幻想，間公司係會無啦啦平五折畀你去買的。
19. 下篇我會再講下，點解twitter好似咁勇猛，夠膽死搞侵侵（明明侵侵就係twitter代言人，未有佢之前應該一半香港人都唔知係乜）。但Facebook就唔敢搞佢？呢個未必同咩老細立場有關，而係兩間公司business model唔同。下篇講。
20. 小朱做嘅，其實亦只係將嗰啲文label返，但你依然可以睇到。可以算係中間落墨，好過冇，但好過乜都唔做。最後，可能都係企業施下壓，Facebook又做下嘢，大家繼續打牌 — 畢竟你諗下呢啲咩種族呀貧富不均呀，嘈咗幾十年。
21. 講金融嘅去到呢度完，想聽我講多兩句政治之類可以睇埋。當然我唔係好想啲討論集中在呢部份。最好就睇完自己諗下算。
22. 又，真係覺得Facebook會死嘅，咁就買Google啦。是但一間，實中一間。唔通真係返去TVB賣廣告咩。
23. ————————————————————————————————
24. 如果叫我估呢，固然呢啲咁嘅種族呀，不公呀，社會兩極呀都存在。但，侵侵的確係一大助燃劑。正路地（睇賠率睇其他model啦下），侵侵應該就冇得連任。到時拜登做場戲又好乜都好，點都玩大和解大團結。即係，呢波咁嘅嘢，照計去到十一月，點都收皮。我咁估。
25. 另外，我係傾向支持Facebook做法的—你地貼乜，關我鬼事？如果係犯法嘢當然要下架，但唔犯法嘅，點去執行？正如之前都有好多人話，假資訊偽科學要ban—咁請問咩係假資訊？香港地N咁多人信咩動物傳心，嗰啲係偽科學啦掛。咩自然療法呢？周兆祥呢？中藥呢？鍾嘉欣老公呢？你問我全部都偽科學。我當然唔信，亦恥笑，但人地有冇言論自由？人有冇戇鳩嘅自由？好似應該係有的。我係Facebook，我點去仲裁？有人話中移動數據證明大陸死撚咗幾千萬人，你證點明冇？同樣地，咩叫hate speech？叫人蝗蟲係咪？黑警死全家呢？打曱甴呢？耶撚正仆街呢？KOL呃鳩錢呢？係咪hate speech？點解冇hate speech嘅自由？
26. 然後又要講，「言論自由」。話你知，好多人拗到老母都出埋，根本大家唔係講同一樣嘢。你講最狹義嘅，「言論自由」只適用於公權力—即係，你唔會講完句嘢畀人收監。但唔包你唔會講完句嘢失業，唔包人地唔會屌你老母杯葛你唔去你間舖。
27. 咁理論上，你可以話，Facebook只係等於一個私人平台，我可以有自己規則，我個平台就係唔畀人鬧黑人，得唔得？好似得。問題係，當你某啲私人平台大到一個點，就變咗有公共性了。Let’s say，我係互聯網渣fit人，我可以隨時令到一個人上唔到網，我就係唔畀人鬧白人嘅，得唔得？就唔多得了。因為現代社會，上網係人權，你上唔到網，近乎你嘅聲音就消失。相反，如果你只係某個群組，就另一樣嘢。
28. 大約係咁，Facebook搞到大，就自然會有呢啲問題。再唔係以為成班哈佛仔物化女性畀分嘅小手作了（所以其實，根本Facebook本身就係厭女企業，做乜唔杯葛？）。「原來做億萬富豪都咁辛苦嘅」「聽朝準時返工啦」（埃汾唔使，放假中）
（＊）FMCG，Fast Moving Consumer Goods是也，零食化妝品洗頭水等等，唔同你買部洗衣機用幾年（定一年？）咁。呢啲字唔識，就畀人拋到了。當然用得太多個人就會膠。所以學會佢，但唔好成日用。
————————————
多謝你睇到呢度，而家到你救我全家了。新搞作。同Homeblogger新合作，以往得文字，而家玩短片。第一炮當然係你最關心嘅，下半年個市點睇。港股，美股，樓市。暫時斷次買。80蚊，講足半個鐘。你請我食一次飯一定唔止，我好大食的，食你七八舊水都得。
入面有埋圖，有埋恒指標普目標價，教埋資產配置，有埋6隻心水股。有港股有美股有大有細。
請去呢度睇：https://bit.ly/37S4iC5
課程編號：CC002
客服whatsapp: 63832145
【香港仔】現在可在各大平台下載:
iTunes: http://goo.gl/6G9QPL
KKbox:http://goo.gl/QnsjoC
MusicOne: http://goo.gl/fa8yFk
3Music: http://goo.gl/fprdit
EOLAsia: http://goo.gl/J7tTyu
Hong Kong Records:http://goo.gl/Xiox5v
Spotify:http://goo.gl/HTqqOd
【香港仔】
主唱：RX黃浩邦
作曲：RX黃浩邦
作詞：RX黃浩邦
編曲：Anton WONG／ DON 劉兆年
監製：Anton WONG
Beatbox：RX黃浩邦
Mic check 12345678
Ladies and gentlemen girl”s & boys is RX
In the house right now In the back sit in down
Please stand up係無耐之前我記得
曾經有個訪問咁樣介紹過我出場
以下落嚟呢位嘉賓可能有啲唔正常
佢除咗口技了得 佢係亞洲第一
嗱呢啲我唔認架 名次呢啲嘢患得患失
佢最勁係佢帶太陽眼鏡
咁有太陽帶太陽眼鏡有乜咁出奇
佢有太陽無太陽佢都帶太陽眼鏡
吓唔係話事不宜遲請佢出來
我帶住超四圍騰 我想做男神
點知比人當左我係盲人
先生你邊位當自己係大明星
我從來都無咁諗過我要再次澄清
可能LOCAL個label無料到
連帶超都比人藐到串到一棟都無
我唱RAP用你同我都熟悉既廣東話
點知一比你聽完你就話
黃皮膚 黑眼睛
LOCAL香港仔邊有市場
represent HONK KONG我勸你趁早收檔
無謂再獻世啦拎番去雪藏
黃皮膚 黑眼睛 LOCAL香港仔邊有市場
同族為乜打仗 同伴又為乜點相
香港幾時先會變強
D鬼仔室內帶超so cool係自然
香港人室內帶超so poor 係癡線
鬼仔係街唱歌係藝術係自由人
我Yoyo 聲話我有書唔讀似足流氓
d鬼仔撘你膊頭你就話佢份人nice
我撘你膊頭你就話我係咸濕鬼 賤格
我着衫多啲layer你又話我浮誇
話我扮G Dragon你著起龍袍都似太監咪扮韓仔啦
係呢個香港地個個都睇唔起自己人
有理冇理都當左你係MK
自問 香港嘅文化 ah 係咪真係咁差
外國做乜都NO.1香港做乜都係次等
一班圍埋bilibala你一句我一句
高登Brother post 你上高登公審你郁佢我郁佢
香港本地文化想再次萌芽要靠大家
咪睇都未睇就dislike話香港人算吧啦
紅色?中間一朵洋紫荊花
香港七百萬人都係住係同一個家
我呢段rap唔係要對外國文化Reject
我只係想香港人對自己多番D respect
Yo如果你下次見到我帶黑超又或者
聽到我RAP 你就咪再話
黃皮膚 黑眼睛
LOCAL香港仔邊有市場
represent HONK KONG我勸你趁早收檔
無謂再獻世啦拎番去雪藏
黃皮膚 黑眼睛 LOCAL香港仔邊有市場
同族為乜打仗 同伴又為乜點相
香港幾時先會變強
Right now
一起身我就帶住黑超 你地咪洗指意叫我除左副黑超X4
______________________________________________
© Zero8music 2014
Instagram:RXbeatbox
RX黃浩邦 facebook
https://www.facebook.com/rxbeatbox
RX黃浩邦e-mail:
hkbeatbox@gmail.com
RX黃浩邦個人網頁:
http://www.rxbeatbox.com
RX黃浩邦sina:
http://t.sina.com.cn/ricoxenophon
