每次返去同阿媽度食飯，我例牌會喺屋邨周圍行下，呢度一景一物都充滿回憶，幼稚園小學中學喺呢條邨，初戀又喺呢條邨，今次再特別啲，因為撞返個中學同學，佢結咗婚做埋老竇喇，原來又係返嚟探父母。
中同：「記唔記得呢間辦館？咁多年都冇變過。」
我：「梗係記得啦！」
中同：「咦，嗰間茶餐廳仲喺度喎！搞錯呀，咁都未執！」
我：「仲嬲緊呀？」
呢位中同曾經喺度做時薪兼職，個老細出名衰，成日當住大庭廣眾鬧啲做part time嘅學生，有次中同因為補課遲咗兩分鐘返到茶記，老細扣咗佢一個鐘嘅時薪。
中同：「所以抵我請你食雞髀薯條同豬扒包。」
兒時回憶返晒嚟，我哋喺嗰間茶記門口哈哈大笑。當年我落嚟食嘢，呢位中同只會喺張單度寫一杯凍華田，不過就會拎晒啲薯條、雞髀、豬扒包嚟請我食，成枱都係食物，但全部冇落單，換言之我食飽出去埋單都係畀一杯凍華田嘅價錢。
我：「細細個真係咩都夠膽做，如果時光倒流我唔會睬你。」
中同：「你好似係既得利益者喎，仲話唔睬我？當時特登唔寫單㗎，等到你食完先擺低杯凍華田同埋開返張單，原來我細細個已經咁識得部署。」
每個人喺成長旅途上都做過反叛嘅事，而家大個梗係唔會啦，大家千祈唔好學。
我：「好掛住當時嗰杯凍華田，仲有當時嘅日子，舊同學都結晒婚搬晒出去。」
中同：「我都掛住，但淨係掛住阿華田嘅味道，唔會眷戀呢間茶餐廳。」哈哈，放下啦施主。
結果我哋買咗盒阿華田坐喺公園傾計，呢包係阿華田新推出嘅「特濃朱古力麥芽牛奶飲品」，保留咗經典味道之餘，朱古力味更濃郁又唔會太甜，同舊朋友分享固然別有一番滋味，但我相信平時喺office飲都好啱，因為做嘢太忙太趕喇，難得有少少Me-Time除咗要歇一歇，更需要一包有營養又好味嘅飲品。
我：「記唔記得班同學仔成日爭論點讀阿華田，點解唔係讀『阿』音，係讀『柯』音。」
中同：「記得，坐我哋後面個肥仔仲猛咁問阿Sir，問到阿Sir都唔想理佢。」
冇辦法，阿華田一直陪伴香港人成長，一講起就大把話題，忽然覺得手上嘅「特濃朱古力麥芽牛奶飲品」好有意思，保留初心，又不斷求變，似唔似我哋出嚟社會工作之後嘅心路歷程？
阿華田香港 Ovaltine HK #阿華田 #Ovaltine #OvaltineHK #瑞士麥芽經典 #阿華田特濃朱古力麥芽牛奶飲品 #好味回憶 #GoodTasteGoodMemories
office time意思 在 [辦公室英文] 我不在辦公室I am out of office的各種寫法參考最進 ... 的推薦與評價
I will be returning to work on 日期and I will look to respond on my return. out of the office的意思有可能是因公外出，或是休假，反正我就是 ... ... <看更多>