Search
#網友詢問｜6K 手機怎麼挑
-
▪️使用需求：
1⃣️ 很少用來通話
2⃣️ 出門常用來看地圖
3⃣️ 拍照表現希望好一點，尤其開啟相機要快
4⃣️ 有 3.5mm 耳機孔
-
▪️考慮名單：
realme X3
POCO M3
vivo Y20
vivo Y20s
OPPO A53
-
▪️選購建議：
realme X50（沒有耳機孔）
➡️ https://www.sogi.com.tw/products/15276
OPPO A72（有耳機孔）
➡️ https://www.sogi.com.tw/products/15435
紅米 Note 9T 5G 64GB（沒有耳機孔）
➡️ https://www.sogi.com.tw/products/15677
-
#你會怎麼選呢
小米旗下嘅 POCO 喺 2021 年 3 月 22 日嘅發佈會上，發佈咗 POCO X3 嘅升級版－POCO X3 Pro，呢部機喺處理器及讀寫速度方面，都有唔少嘅升級，等我哋一齊睇下！
POCO X3 Pro 採用 6.67 吋 FHD+ LCD 開孔屏幕，支援 120Hz 更新率同埋 240Hz 嘅觸控採樣率，無論打機定睇片，都會有順暢同低延遲嘅表現。佢配備咗 2021 年旗艦級嘅 4G 處理器－高通 Snapdragon 860，比起 POCO X3 嘅高通 Snapdragon 732G 處理器更好。呢部 POCO X3 Pro 支援臉部解鎖，而機身側面嘅電源制，亦可用作指紋辨識解鎖。佢預載 MIUI 12 for POCO 介面，而儲存方面，佢選用咗存取速度更快嘅 UFS 3.1，大大縮短大家 load Apps 或遊戲嘅時間。
另外，呢部機備有 3.5mm 耳機插頭、雙喇叭、同埋紅外線發射器，支援 NFC 技術。同時佢亦使用咗 LiquidCool 1.0 Plus 液冷技術，有效降低使用時候機身嘅溫度。
手機鏡頭方面，POCO X3 Pro 嘅前置鏡頭有 2000 萬像素，而後置四鏡頭就由 4800 萬像素主鏡頭、800 萬像素 119 度超廣角鏡頭、200 萬像素微距及景深鏡頭組成，支援夜景模式，及前後鏡頭同時錄影等等功能。
呢部電話擁有 5160mAh 嘅電量，支援 33W 快速充電，官方稱 59 分鐘內就可以差滿 100% 電，滿電後可以連續玩 11 小時遊戲，或睇 18 小時嘅片，對日常生活綽綽有餘。
POCO X3 Pro 有內置 6GB RAM + 128GB 儲存空間、同 8GB RAM + 256GB 儲存空間兩款版本，顏色方面，有幻影黑、金屬青銅、及藍色 3 款選擇，官方建議售價為 199 歐元及 249 歐元，香港會唔會推出同埋賣價就有待官方公佈。
#香港5G #2021手機評測
小米旗下嘅紅米手機一直都係性價比之選，佢哋喺 2021 年頭推出嘅 5G 手機 Redmi Note 9T，喺入門 5G 手機市場入面，叫座力都幾好，今日就同大家做個開箱睇下！
Redmi Note 9T 機背用上有特別紋理設計嘅塑膠機殼，使用時一隻手拎都無問題。機身右側有附設指紋識別器嘅電源制同音量鍵。下方有 Type C 充電口，同 3.5mm 耳機插頭。左側有真三卡設計嘅卡槽，可以同時放入兩張 5G Nano Sim Card，做到 5G + 5G 雙卡雙待，再加多張 MicroSD，就可以擴充至最高支援 512GB 嘅儲存空間。
Redmi Note 9T 採用咗 6.53 吋 FHD+ DotDisplay 開孔屏幕，設有AI人臉解鎖功能，而處理器配備咗 聯發科 天璣 800U，內置有 4GB Ram。等我哋試下睇片先！畫面出到嚟都算清晰，而顏色就比較鮮艷，再開多個新聞資訊節目睇下，喺多行走馬燈之下，畫面都保持到流暢，收貨啦！值得一提嘅係，佢機身上下側都有立體聲喇叭，喺打機睇片嘅時候，都有比較好嘅音質體驗。
再試埋 Redmi Note 9T 主打嘅 5G 雙卡雙待先！喺室內嘅情況之下，兩張卡分別出到嚟嘅速度都算穩定！配合埋佢嘅 Wifi 熱點功能，隨身帶住當 5G Wifi 蛋用都無問題。
呢部 Redmi Note 9T 嘅前置鏡頭有 1300 萬像素，而後置三鏡頭就由 4800 萬像素主鏡頭、200 萬像素景深及微距鏡頭組成，最高可以拍攝 4K 30fps 影片，有微距模式、人像模式、同夜景模式等等選擇。好! 等我試下影張相先，影出嚟嘅相絕對冇問題，日常生活應用嘅話，呢部機應付都有餘。
電量方面，Redmi Note 9T 有 5000mAh 嘅電池，支援 18W 快速充電，只要差滿電，用足一日甚至兩日都無問題。
呢部機香港已經有售，4GB Ram + 64GB 或 128GB 內置儲存空間版本，分別賣緊 HKD $1,599 同 HKD $1,799，有日暮黑同晨曦紫兩隻顏色選擇。以呢個價錢嚟講，仲要有 5G 雙卡雙待，同 5000mAh 嘅大電量，都算抵玩。
小米旗下品牌 POCO 早前發佈嘅 POCO X3 NFC 主打實用性同打機功能，以高性價比號稱嘅佢，究竟拎上手用落係點樣呢，我用咗一排，我哋一齊黎睇下！
POCO X3 NFC機背使用聚碳酸酯物料，雖然無玻璃設計睇落咁高貴，但拎上手一啲都唔膠。機身上，右側有內置指紋辨識器嘅開關鍵同音量鍵，底部有喇叭、充電位、3.5mm耳機插頭，而左側就有雙卡槽位，用家可以選擇雙卡雙待，或一張Nano Sim卡配最高256GB嘅microSD卡。
POCOX3 NFC 配置咗高通 Snapdragon 732G 處理器，使用6.67吋 FHD+ DotDisplay 開孔式屏幕，最高可以支援 120Hz 嘅屏幕刷新率，同240Hz 嘅屏幕觸控更新率。等我哋睇片試下先！畫面色彩自然，夠sharp之餘，喺120Hz刷新率下亦都十分流暢。我哋再開埋個新聞資訊節目睇下！喺有多行走馬燈嘅情況之下，都保持到順暢，真喺唔錯！
考慮到唔少人會用呢部電話嚟打機，咁上網速度固然重要啦！咁等我試一試個Wifi速度先！OK唔錯！再試埋Sim卡上網，喺室內嘅情況下都有呢個速度梗係收貨。
鏡頭方面，POCO X3 NFC採用4鏡頭設計，包括 6400 萬像素主鏡頭、1300 萬像素 119 度超廣角鏡頭、200 萬像素嘅景深同微距鏡頭，而前置就有 2000 萬像素鏡頭。喺日光環境下，相片質素大致唔錯，放大睇亦都唔會太曚。喺夜景拍攝嘅情況下，畫面顏色會比較鮮艷，雖然細節位會比日間曚，但以呢個價位嚟講，合格收貨有餘。
呢部機有 5160mAh 嘅電量，支援 33w 有線快速充電，只要唔係長期睇片同打機，電量都可以使用兩日。佢亦都支援NFC，可以配合 Google Pay 使用，方便晒大家出街俾錢。
另外，呢部機都支援 Wifi 分享功能，手機 connect 住一個 Wifi，之後仲可以用呢部手機開埋 Wifi Hotspot，好方便㗎！
POCO X3 NFC香港已經有售，6GB RAM加128GB內置儲存空間版本，賣HKD$1699，有灰色同藍色選擇。對於日常經常睇片同打機嘅人，呢個價位絕對值得入手。
