月初收到 Botanic Pretti5 的來電，話有壞消息，聽完之後，我反而好開心，替呢個香港品牌感到好開心。
原因係佢地得到一個國際購物網站垂青，要做佢地香港 exclusive 網上購買溝道，所以十月開始就要從 FLUZBEAUTY 下架。諗返起當初佢地介紹自己產品，香港小品牌，好有心機去日本研發配方、搵廠製造，我同同事試用，二話不說立即上架，銷售成績一直喺網站名列前茅，收返嚟嘅都係好評，仲幫我帶動不少返頭客。
之後佢地開始喺各大雜誌不斷攞獎，同好多國際大品牌平起平坐，再衝向國際，作為香港少數一開始就同佢地合作嘅網站，我真係好開心見到佢地嘅發展。所以呢個「壞消息」，我只會覺得係一個祝福，希望佢地可以喺未來大展拳腳～
最後十日， FLUZBEAUTY 聯同 Botanic Pretti5 推出 Farewell 優惠，全線7折發售，買任何兩件產品仲送好大枝嘅旅行裝洗面膏，大家快啲嚟支持啦﹗
