我條team有2男4女，我同另外一個男仔都好怕同客人講錢，有時啲客經我哋請完人之後唔找數，account會叫我哋自己追咗先，因為由佢哋打畀個客就會好惡，不過我成日覺得講錢傷感情，係咪男仔都係咁上下呢😅？同team幾位女同事嘅字典裡面就冇「唔好意思」呢4個字，幫手打去追數嘅時候會軟硬兼施，好似好客氣，但句句都有啲骨，每次都成功收到爛帳。
呢幾位女同事又唔係無敵嘅，搵求職者方面佢哋就冇乜耐性，send咗幾份CV畀客人之後，如果對方認為唔啱就會開始發老脾，呢樣嘢反而係我強項。早排有客想搵個marketing，我同事搵到幾個大公司出嚟嘅candidate，諗住成竹在胸啦，點知全部ban返轉頭，我話不如畀我試下。
女同事：「唔使試喇，搵嚟搵去都唔啱，又講唔出想要咩，呢隻job超難。」
再麻煩嘅客都跟過，所以我本字典裡面真係冇個「難」字，睇完佢send出去嘅幾份CV，再同個客傾計摸摸底，我開始get到發生咩事喇，因為客人想請agency出身嘅人，貪佢哋接觸嘅產品多元化喎，今個月可能宣傳紅酒，下個月可能宣傳電子產品，最緊要周身刀，咁公司唔同product line都可以搵一個人做晒，所以in house出身嘅marketing全部唔考慮，係咪好奇怪呢？
結果我只係搵咗一個做開marketing agency嘅求職者，幸運地一擊即中。
我仲有位同事把口𠺘過油，捉埋佢去face to face見客永遠冇冷場，點解？Talk得囉！呢樣我自問唔得，所以有時見客會dead air，不過𠺘過油呢位同事啲英文就麻麻地，講中文天花龍鳳，出封英文email就即刻變返鵪鶉，唔難理解嘅，有時啲電郵要cc幾十人，用錯字或者打錯grammar都好麻煩，同埋佢緊張起上嚟就會連好普通嘅英文都講錯，最離譜嗰次聽過佢口快快講咗：「How time？」，咁唔掂喎，急還急都冇可能講得出「How time？」，定啲嚟吖老友。
每個人都有強項同弱項，同事本字典冇「唔好意思」呢4個字，我就冇「難」呢個字，𠺘過油嗰位同事嘅中文字典幾乎有齊所有字，但佢本英文字典就好多字都冇，搞到出封email都冇信心，其實最緊要都係互補長短啫。追數我可以叫同事幫手，搵candidate就即管交畀我幫忙，至於問英文就最好搵牛津英漢辭書個App啦，佢收錄晒《牛津高階英漢雙解詞典》、《牛津商務英語詞典》、《牛津英語同義詞學習詞典》，同埋《牛津英語搭配詞典》，即使你有中文要轉返做英文，例如想知「完全同意」嘅英文應該點講，除咗揾到有呢個意思嘅單詞外，仲可以揾埋相關例句畀人抄考，隨時隨地運用於職場，唔單止係查字典，仲可以學英文，啱晒我哋呢班打工仔。
人生字典所欠缺嘅詞彙，可以用經驗慢慢補充，再慢慢去學習，需要時亦可以搵同事幫忙，不過你本英文字典所欠缺嘅嘢，其實可以即刻下載牛津英漢辭書應用程式去解決，快過你開口問人，因為喺「捷徑」功能或「分享」功能將單詞從瀏覽器或者其他地方分享至《牛津英漢辭書》查閱定義同埋例句等資料，輕輕鬆鬆就搞掂晒，總之全文搜索又得，查找單詞都得，工作時就自然得心應手。
下載連結：
iOS: https://apps.apple.com/app/apple-store/id1326676194?pt=581182&ct=office-daily&mt=8
Android: https://play.google.com/store/apps/details?id=hk.com.oup.dicts&referrer=utm_source%3Dfacebook%26utm_medium%3Dkol%26utm_term%3Doffice-daily
如果你都喺辦公室聽過一啲同英文有關嘅笑話，仲可以爆過「How time？」，例如聽過人問「How money？」，歡迎你留個言分享下，因為夠爆笑會有禮物送畀大家，總共有20套一年免費試用嘅牛津英漢辭書App，呢個活動會喺10月25號晚11點59分截止，好嘢梗係要開心share。
#英文呢樣嘢都係信權威好 Oxford 牛津英漢詞典 #牛津英漢辭書
