2020年入住The St. Regis Hong Kong
📍St. Regis最新優惠及預訂網址：MrMiles.hk/st-regis-hong-kong/
上星期都有提到，第二次入住St. Regis，上次入住已經係開幕日2019年4月11日。睇相睇片嘅係post內應該都睇過晒，住過或者想住嘅朋友應該都好清楚酒店硬件又或是早餐食啲乜，我都唔洗再多講，post內可以輕易重溫返。以下主要講返啲「感覺」嘢。
開幕到現時年半過去，真心覺得St. Regis進化得好快，開幕日入住嘅時候已經覺得酒店每個人係相當熱情，當時心諗開幕日啲嘢梗係會做足啲而年半後今天我覺得當時嘅想法係錯，因為今天比開幕日嚟講係有多無少。
每間品牌酒店都有佢哋嘅理念嘅文化，不只限於品牌上嘅區別更多嘅係每間酒店獨立自主嘅文化。開幕到依家酒店點去做可以叫做定咗型而我相信香港瑞吉都會以現有文化傳承及服務標準下去。所講嘅文化唔係官方social media出幾個好chok好型嘅post，更多係賓客入住嘅感受。我自己感受係酒店嘅服務真係俾到你好有「家」嘅感覺。年青有活力嘅butler 面對我像朋友但又不失對賓客的尊重，對長輩可以想像到應該都會以後輩的身份作為聆聽者。
Director of Room Ms. D由開幕到今日一樣有120分活力，傳說中的butler supervisor Ms. L搏命做到每個客人有驚喜令我擔心佢會捱病，F&B Manager Mr. E事事親為，絕對和藹可親嘅Gentlemen。香港瑞吉酒店嘅文化組成對我嚟講已經昇華至more than hotel。service，硬件，F&B experience各方面的極緻，賞心悅目，每每入住嘅賓客相信都好難失望。
我有點興幸香港St. Regis沒有Ritz-Carlton或Rosewood的景觀，否則價錢再上一級我真係唔捨得返去住喇🤦🏻♂️
P.S. 身體很誠實，check out當天就再book咗十月嘅下一個入住
（Rosewood嘅比較下回再分解）
