［阿拉伯人被迫偷signal睇世界盃］阿拉伯國家對世界盃暫時八戰全敗，埃及沙特阿拉伯突尼西亞摩洛哥都係兩戰兩負（伊朗唔係阿拉伯呀下）。不過問題係：其實佢哋想睇國家隊出醜都冇機會，因為根本冇得睇
話說阿拉伯地區嘅世界盃，係卡塔爾beIN轉播嘅（我在杜拜睇過！）。原本諗住收返百五蚊美金位（濕碎啦）。但舊年卡塔爾同阿拉伯國交惡，阿拉伯國家實施禁運，所以連波都冇得睇
結果點解決？就係有人Hack咗beIN，只要你有個解碼器就有得睇啦，少少delay咁咯。公司當然就覺得係沙特阿拉伯政府默許甚至指示，因為係疑似用沙特政府有份嘅衞星公司轉播嘅。
好啦，然後又點？提提你，下屆世界盃係卡塔爾主辦，你估佢地會點對啲阿拉伯佬？
埃及就有啲唔同，有份禁運，但唔禁人民睇beIN．但因為太窮，百五蚊位嘅月費等於佢哋半個月人工。結果都係有免費波睇，但係，係收以色列台，不過照講阿拉伯文。同沙特偷beIN唔同，埃及收以色列台，似乎係以色列默許甚至幾大力推動嘅（否則何來有阿拉伯話？），似乎係以色列嘅軟實力手段。有埃及人就話寧願聽希伯來文都唔科水畀卡塔爾。嘻
呀，順帶一提，香港呢，就又唔係睇唔到，又唔係冇廣東話，亦都肯定唔係半個月人工。不過一樣好多人走去偷人訊號，甚至大把人支持，覺得唔應該拉。識睇記得睇留言。
（http://bit.ly/2Kgv9hJ 【盜看世界盃】首破用Apps非法轉播世界盃賽事 海關拘Now用戶兩叔姪 ）
有人問，中東油王咁富貴，自己又有份踢，做乜唔自己出錢？應該係最初卡塔爾代表晒大家投吧，但之後點知反枱啫，想再出價都唔得啦，已賣咗畀佢。叫其他人賣畀你？都應該違反合約的。
signal 被 hack 在 由於*91489861號碼WhatsApp* 被Hack ,... - Playkids～Play fun 的推薦與評價
Follow this link to join a group on Signal Messenger. ... <看更多>