【Adidas 手套進化史】
話說Adidas 嘅龍門手套喺咁多年黎都係陪住各位成長，包括版主岩岩學打龍嘅時候第一對嘅貴套都係Adidas。
最初嘅Adidas 手套係叫Response Pro，版主第一對手套就係2009年嘅版本，當年係由施治做代言。不過質素相當麻麻，乳膠玩三個月就開始氧化，仲要係咁甩膠。咁結果都用左好幾年。
去到2014年進入大轉款，名字就由Response 轉做ACE 。由相對「笨重」嘅身型再清減。推出嘅款變得好輕好薄。而2014年起就轉用另一款新乳膠。印象中當年嘅設計係手指同手掌係兩款唔同乳膠。其乳膠嘅質素係大大提升。變得更加耐用，黏度都大為改善。
由2017年為當年興起洗碗套熱潮，推出嘅版本再減磅，手感亦變得似無套款式。其後2018-2019年款式，就偏向一般傳統剪裁，本體用料開始轉為彈性針物料，令手套帶落更貼近皮膚。
直到2020年正式改用洗碗套設計，而且將傳統腕帶設計裁走。但其實該設計令部分職業球員難以適應。最後Adidas 為贊助球員提供SMU版係設有腕帶。不過一般出售嘅款式係不設腕帶。如果要去搵番傳統剪裁，相信只得Predator Pro Ultimate 版本，對似一對傳統手套。
2020年款乳膠轉用URG2.0版本，即係版主測試中嘅乳膠，而為贊助球員特別訂製嘅SMU版本，採用URG1.0版本，1.0版本乳膠較2.0更具黏度，但耐磨耐用度更低。所以大家一般買到嘅款只係2.0。
Adidas 嘅手套用2009年至到2021足足經歷12個年頭，的確用料係同第一代係差天共地，而且喺手套設計上都作出多次重大改變。作為用家，除左洗腕套，都希望多啲傳統手套款。令到大家有更多選擇
#手套進化史 #Adidas手套
smu測試 在 順英科技透過NI SMU 建立創新的LED 多點測試機 - YouTube 的推薦與評價
... <看更多>