《喺銅鑼灣行行吓商場竟然可以坐下來嘆個輕食和飲品好chill呀。Snow Peak Eat 》
和朋友行希慎睇行山用品，點知竟然見到其中一個行山品牌Snow Peak 佢有輕食賣，而且仲可以坐低慢慢嘆😝，我哋一定要試下😋其實佢在賣行山用品的位置旁邊劃左一個區域，擺放左一啲露營帳幕同埋枱櫈，營造到感覺就似去左户外露營咁⛺️感覺好chill呀！
Menu都係一啲簡單輕食和飲品爲主，好似Pizza, 沙律，三文治咁，作為下午茶啱哂！款式不算多，但每款都好似幾吸引咁，價錢都唔算貴啵，最後我們揀了一個蘑菇鮮蝦薄餅（$79），一份牛油果田園沙律配油醋汁（$59）和2杯特飲，一杯是野莓特飲（$32），另一杯叫無酒精mojito（$32） ,一陣告訴你是什麼東東😅
先上一份牛油果田園沙律，就咁睇顔色都知啲沙律材料新鮮，上面有半個牛油果，西柚，無花果，橙和沙律菜，其實我很喜歡食牛油果🥑係呢個沙律食到佢覺得好正，而且加上佢配的油醋汁，酸酸甜甜好開胃，幣！開左胃搞到我又好肚餓喎🤣🤣
好彩即刻有個pizza上，我簡的蘑菇鮮蝦Pizza，趁熱食蘑菇的香味四溢，鮮蝦亦很爽，上面仲有啲羅勒葉和芝麻葉，很清新😋👍不過傾左陣計之後，食個凍左薄餅皮竟變左脆身，好神奇喔😋
野莓特飲中間有一串大大粒藍莓，飲落不會似藥水味，酸甜清新😝，另一杯叫無酒精mojito ,其實姐係青檸薄荷梳打，薄荷味超出，係勁薄荷，但又不會似牙膏味，加上青檸的清爽幾好飲喔👍
估唔到行行下商場都有得坐低食下好西😋食完叉足電再有力氣行去血拼了, 哈哈🤣
___________________________________________
店名:Snow Peak Eat
環境🏝：8/10
服務💁🏼♀️：7/10
價錢💰：7/10
食物質素🍝： 8/10
整體🙆🏻♂️：7.5/10
地址:
銅鑼灣軒尼詩道500號希慎廣場6樓i.t blue block
#吃貨玩樂在銅鑼灣
#吃貨玩樂
#snowpeakeat
