最近去咗上環荷李活道嘅一間泰國菜，其實呢間舖頭都開咗一段時間，亦都唔容易有位。多謝朋友嘅邀請。亦都多謝主廚 Chef Narisara。
先講下菜式。
前菜：
Larp moo - 開胃沙律前菜，當中有肉碎，豬皮，蔥，洋蔥，薄荷葉，芫茜。一個偏向地道嘅泰式小碟。唔會太過刺激，一般人都能夠接受。幾好食。
Pla Mauk Yung - 青辣椒和酸橙醬當中，加入了快烤魷魚沙律菜式。反而呢個有少少韌，食落有少少雪味，可能要配搭醬汁先可以完全配合。
Phla Thale 👍👍👍
香辣海鮮沙拉配檸檬草、薄荷、辣椒醬、糖醋汁。呢個反而最適合我口味，酸酸辣辣先至係我對泰國菜嘅情意結。可以Encore。
肉類：
Sai Krok Isan - 烤香腸、豬肉、大蒜。唔會太漏。
Gai Yang 👍👍👍
雞髀用咗大蒜、胡椒、芫茜醃製 24 小時，造成扒再烤脆。呢個有啲驚喜，雞肉幾滑，醃製過之後唔會食到雪味。非常好。可以Encore。
9 月特色菜
Massaman Gai 👍👍👍
慢燉雞腿、烤土豆、花生和青蔥的 Massaman 咖哩配 Rot
一壓落去就能夠輕易將雞肉分離，輕易拉到一梳梳嘅效果，配搭嘅醬汁都好嘢味，適合跟埋佢哋嘅包一齊食。
Khao Pad - 蟹肉、雞蛋，蔥炒飯
Phad Thai 👍👍👍
大蝦炒米粉、豆腐、甜羅望子醬。一貫泰國菜作風。
Kai Jiaw👍👍👍
泰式螃蟹煎蛋，蔥，士拉差醬汁。就當係 omelette 咁啦，幾好食，幾特別。
芒果糯米飯 - 呢個無食過，因為本身唔喜歡食。
香脆泰國香蕉煎餅 - 呢個食咗一啖，幾好食，不過都係唔睇喜歡食甜品。所以算。
ChaChaWan
上環荷里活道206號
@ChaChaWanHKG
@JIAGroup
@TheForksandSpoons852
@narisara_t
thai煎 在 Thai煎香蕉煎餅專賣店一中店 - Facebook 的推薦與評價
UberEATS台灣x Thai煎香蕉煎餅專賣店一中店 在家也能享受來自泰國的美味 讓我們掌聲歡迎【UberEats，吳柏毅】 快和吳先生來一場異國約會吧 ... <看更多>