【有啲鞋都係留返俾高手著 - The North Face Flight Vectiv】
因為之前對 Infinite 太好，所以引誘我入手埋對 Flight Vectiv，賣得咁貴，應該會勁啲掛？點知，上咗史上最大賊船⋯
有著過碳板跑鞋，應該都會明白，全幅碳板會令整個鞋底硬度增加，犧牲轉向嘅穩定性。將碳板應用喺山鞋係乜嘢概念？個概念叫做搞唔掂。
睇片就好清楚，當踏上不平嘅石頭，碳板會帶動整個鞋身傾側，由腳尖到足弓到足踝成個側晒！頭段夠力都仲頂到，持續一段時間後，就變成極容易拗柴嘅狀態。
個腳感係，有時成個中底會飛咗上腳掌內側，有時又會飛上外側，好似玩緊海盜船咁，腳踭設計到幾貼都好，都係會離晒罩。
琴日玩逆走50，早段已經一、兩次小拗，中午俾太陽用明火燒成乳豬全體，體力開始下降，到牛耳石終於嚟個大拗，好彩對襪夠support，幫手頂一頂。繼續捱，落山已經無可能跑，一踩石就有機會再拗，時間慢咗好多。
對鞋仲有另一個低級問題，就係內側 upper mesh 同 Matryx 連接位會𠝹腳，都係嗰句，好彩對襪頂一頂。
總括嚟講，係我未夠功力駕馭呢對鞋，都係留返俾輕功水上飄嘅高手啦⋯⋯
#thenorthface #flightvectiv #tnfflightvectiv
