明明依家移民台灣最重要係要投資做生意，但係好多朋友都PM問里奧樓價，唉…大家會唔會誤會咗里奧既工作，以為我係房屋仲介呀？🤣🤣🤣
好啦好啦，既然大家咁想睇樓，里奧就再享下堅貼地既價錢但離地之選既「透天別墅」啦。
話說上星期幫里奧媽買完爸媽住既電梯透天之後，今日就輪到里奧親妹和妹夫「賀成交」。
里奧爸媽拿到身份證後就會第一時間申請埋里奧親妹和妹未嚟台灣一家團聚，眼見最近呢一年台灣政府不停地收緊移民政策，里奧相信遲早港澳條例都會取消或再收緊，到時候可能連依親移民都受影響，所以里奧爸媽就盡快嚟坐移民監再依親申請里奧妹同妹夫過嚟。
人都未到，里奧媽就成日捉里奧去幫妹妹去睇樓，里奧媽好想我地可以大家住係附近好照應，又為咗保持大家親近但保持少少距離，所以決定分開住，最後就搞到一家一橦透天，4-5層高近2000呎既透天只住倆個人，其實真係離曬地，不過睇返個價錢又真係唔想買大樓lor .
今日里奧幫妹妹買既係一橦全新4層高臨路透天，咩叫「臨路」呢？就係車庫向住條街「好似地鋪咁」所以就叫臨路透天。
里奧妹由細到大都有一個唔多現實既夢想，就係佢好想開一間「腸粉店」，係我地細個時，里奧媽會帶我地去街市買$10/3條再狂加醬嗰種，乖既時候里奧媽再加多$3魚蛋豬皮，食到里奧妹以賣腸粉為人生目標🤣
嚟到台灣又未退休咁係咪真係可以賣腸粉為生呢？🤣🤣
呢個生意既問題我就唔講住，但今次幫妹妹買既臨路透天就真係可以用個車庫嚟做地鋪，係台灣呢種臨路透天，車庫都可以用嚟做鋪位，做埋公司登記都得架。
但條街都冇咩人行，咁又點做生意呢？
就以賣腸粉為例，呢橦臨路透天雖然位置唔會人來人往，但勝在附近全部都係住宅，純做外賣Uber eat 真係有可能會殺出一條血路㗎，前鋪後居又係自己物業，等里奧妹嚟到台灣就要陪佢度掂呢個賣腸粉大計，希望佢地夫妻可以係台灣落地生根，全家都嚟曬就開心曬。
講返間屋既資料先
四層高
一樓客飯廳 全層大約500呎
二樓主人套房 500呎
三樓兩間套房 每間250呎
四樓一間套房 250呎 洗衣戶外區250呎
不連車庫大約2000呎 成交價台幣 1500萬
請分享 請分享 請分享 請分享
#里奧唔係房仲
#里奧係營商顧問
#里奧既興趣係做小生意
#里奧買既樓全部都係自用
#唔識炒樓唔識投資物業
#大家問我做生意既問題啦
#收租佬里奧唔識做㗎
#日希移民
#創業家簽證
#投資移民 #移民台灣
uber eat公司登記 在 May Kao - 如果ubereats,在台灣沒有合法的公司登記 - Facebook 的推薦與評價
指控Uber Eats網頁詐騙美女立委也上當| 中國廣播公司| LINE TODAY. 近兩年美食外送越來越夯，連帶衍生的消費糾紛也越來越多。立委高嘉瑜今(19)日以受害者身分開記者會… ... <看更多>