米迦 Micah：Hey Italy, I have some news for you~
武漢肺炎肆虐全球，地球都無乜邊個角落可以倖免嫁喇。而最近意大利嘅確診個案突破一萬關口，其政府喺昨日隨即下達意大利全境封城嘅指令，希望盡量避免人與人之間嘅接觸，控制疫情。
不過問題係，意大利人一向以中意戶外活動見稱，佢哋嘅文化入面有一種 “Aperitivo” 嘅習慣，意思姐係話放咗工之後同朋友或者同事去飲杯嘢先返歸食晚飯，同我哋香港嘅Happy Hour都好類近。咁當呢個全境封城措施實施咗之後，所有酒吧同食肆都被勒令要喺每日晏晝六點收工果陣，咁你叫意大利人喺屋企無所事事又有咩可以做呢？
喺呢個時候，「心理救援隊」就派上用場喇！著名成人網站Pornhub 就向意大利人提供咗一個極吸引嘅福利。佢哋宣布：凡係意大利地區嘅使用者都可以喺三月入面免費使用佢哋嘅Premium服務，而且佢哋重會捐出佢哋其中一個項目喺三月嘅收益，用嚟支援意大利嘅醫療機構添。無論橫睇掂睇都係咁人道嘅措施，真不愧為成人網站界嘅龍頭大佬，真係犀利。
不過遠在亞洲嘅赤色大陸上面，其實依然都有唔少城市都係封緊城，唔知佢哋見到意大利有啲咁嘅福利，又會唔會覺得好羨慕呢？我就覺得佢哋都唔需要呢啲福利啦，因為佢哋大可繼續打開佢哋嘅電視，睇住CCTV對住維尼個樣Ace Combat快打咪已經夠哂爽囉，係咪？
嗱唔好問我邊度有好用嘅VPN啊，暫時都無VPN揾我賣廣告，所以你哋都係自己上網揾啦。
#意大利封城
#福利真好
#VPN想賣廣告請Call我
vpn想賣廣告請call我 在 iPhone 瘋先生- Vpn One... - Facebook 的推薦與評價
Vpn One Click延長兩年方法公佈，請正義魔人勿入內觀看，感覺不錯請幫忙點選一下廣告來支持瘋先生能夠繼續營運下去唷！ ... <看更多>