未來呢兩年，無咩必要唔好買 Xbox。
因為連佢老細都俾唔到個方向你，連製作獨家遊戲嘅錢都無，大家可以玩住其他主機先，等 Microsoft CEO 搞掂佢個大戰略先。
【Xbox ONE X首發．四大腐皮】
.
淨係今朝已睇到四個關於Xbox ONE X首賣傳得好勁嘅負皮消息，本來諗好專欄寫「到底宜家仲有咩人買Xbox ONE X」，但我恐懼、我愧疚、我淆疆，唔想以後無專欄寫，所以…呢度寫算啦wakakakaka～
.
四大腐皮：
一．搵張小姐做首發嘉賓引發MICROSOFT宣傳部內訌，因張屋企明顯Xbox都無部，甚至佢some how已經成為PS4 symbolic icon。結果首發當日張真係在記者訪問時唔小心講咗「PS account」，雖即時改口，但覆水難收。
二．叫豐澤做網上預訂優惠但在百老匯做首賣活動，啲客過晒檔，結果有傳豐澤嬲豬決定以後唔賣Xbox產品，並以賤價$690發售舊款Xbox ONE。同行話齋：「平過迷你超任！」
三．首發場地擠擁，加上排隊首賣者逾百，選址旺角如此喧鬧之地，對Hard Core fans禮待不周，仲要比傳媒圍住影相，貼錢買難受。
四．首發會再一次無將娛樂記者同副刊記者分流，令採訪出現混亂，造成同行不滿。
.
仲有好多，例如真假粉絲難辨、強逼買家做「X」手勢影相、仲有「《FORZA》 x 歐陽若曦」呢個組合好似係幾個世紀前沿用到宜家。不過最嚴重都係百老匯事件，即係咁多個Channel幫你去貨，你就淨係so一家唔so對家，無理由唔反檯。
.
不過個人覺得佢哋已經去到點差都唔太緊要嘅狀態，點解咁講？因為唔止係香港宣傳部，其實連MICROSOFT本身都已經彷彿幾近放棄遊戲業務，試問出一部新主機（雖則係加強版），可以連獨家跟機大作都只得《FORZA》，講到識飛嘅「Windows Mixed Reality」（原名「Windows Holographic」）又完全無影，咁樣情況下出部Xbox ONE X，就好似生咗個B出嚟唔比衫佢著唔比嘢佢食咁，唔止係誠意欠奉，直頭係唔負責任。
.
而家嘅Xbox ONE X，有一份孤兒仔自生自滅之感。Project Scorpio 呢個名無改錯，有毒的。
windows icon製作 在 #圖(教學)打造屬於自己的電腦桌面圖示 - 女孩板 | Dcard 的推薦與評價
網路上有很多現成的ICO圖示包可是如果找不到自己想要的圖怎麼辦今天就要分享 ... →1點選要更改的檔案→2變更圖示→3瀏覽→4剛剛製作的桌面圖示檔→5 ... ... <看更多>