［澳洲🇦🇺 英國 🇬🇧港女的Lifestyle ]
近日最最最熱門嘅話題一定係關於五眼聯盟其中兩眼提供一個逃生門比香港人。港女有幸喺英國🇬🇧WorkingHoliday生活咗兩年，亦暫時仲喺澳洲🦘生活緊。
等港女分享下喺英國同澳洲生活嘅感受先♥️
［頭盔⛑帶一帶］以下為港女自身經驗。如有雷同，實屬巧合；如有不同，實屬人生際遇不同。
先講最主要嘅食🥪🍜🍣🍔🥗
#食對港女嚟講極為重要
🇬🇧：⭐️⭐️
港女提及過好多次英國係「美食沙漠」，喺英國食嘢真係好貴☹️ 仲要唔好食唔好食唔好食！#又貴又唔好食 #經過多人認證 不過，亦因為咁樣會練到一手好廚藝
🇦🇺: ⭐️⭐️⭐️⭐️
澳洲食方面，對比起英國嘅話真係又平又好味又多選擇，始終亞洲人嘅移民、學生都多，餐廳方面真係要乜餐有乜餐，由於競爭比較大，餐廳嘅食物質素都好好👍🏻 同埋叫外賣太方便，所以不自覺會成日懶惰唔煮飯🤫（只怪太多叫外賣Apps啦，個個都爭住做優惠😆）
至於價錢方面，我覺得差唔多佢哋食物嘅價錢數字上差唔多一樣㗎！不過一個嘅單位係用英鎊，一個單位係用澳紙咁囉😂
（£英鎊今日兌緊 1GBP: 9.77)
（$澳紙今日兌緊 1AUD: 5.38）
住屋方面🏡
因港女孤身一人，所以都係以租住「一間房」為主
🇬🇧：⭐️⭐️⭐️
以London為例，平均一間房大約£7-800一個月，當然睇你住邊區、間房幾大、包唔包私人洗手間等等都會影響個價格！
想知更多可以Download #SpareRoom 個app 根據自己想去嘅地區去搵下房間作價格參考
🇦🇺：⭐️⭐️⭐️
以Melbourne CBD 為例，平均一間房大約$800-1000一個月。因為澳洲比較多背包客，所以有時啲房間都可能會兩至三個人共用一個房間，最緊要揀啱自己想要嘅房型！不過，澳洲真係有太多唔同嘅亞洲人，成日網上都有好多關於房東與租客嘅故事/呃錢的故事，所以租房相對地都要小心啲呀
所以房租方面英國比起澳洲可以話係翻倍，都係嗰句，數據只供參考，最好都係跟返自己個想要嘅房型去查詢返啊啦😆 #唔好問我買樓啊我唔識㗎
行 🚗🚄🚞🚖
🇬🇧：⭐️⭐️⭐️⭐️
英國嘅火車系統都好好，想去英國邊度都得（但火車偏貴小小🙊）喺大城市入邊比如倫敦入面巴士地鐵都去到所有嘅地方，但要撇除佢哋耐唔使都罷工、修路軌🤷🏻♀️
🇦🇺：⭐️⭐️⭐️
澳洲比如Melbourne CBD都交通好方便，火車巴士電車乜都有，都好方便，但係遠離咗City，就大鑊啦，你最好就有車～ 當然都有巴士嘅！以港女住嘅地方為例，開車30分鐘到嘅話，坐巴士要90分鐘先到🤭 又或者開車15分鐘嘅地方，坐巴士要轉兩次車坐50分鐘咁樣🤭🤭
#所以識揸車同有架車喺澳洲生活真係係好緊要
喂呀！最緊要嘅旅行✈️✈️✈️
🇬🇧：⭐️⭐️⭐️⭐️⭐️
英國境內嘅旅行地方都OK嘅，但飛去附近國家來更來得吸引♥️ 你絕對可以喪去歐洲旅行，佢啲廉價機票簡直係唔使錢，最平£20已經買到來回倫敦去歐洲嘅機票😆✌🏻放幾日連假，或者星期六日放假去個短trip，勁正㗎真係🤤
🇦🇺：⭐️⭐️⭐️⭐️
澳洲嘅話就調返轉，境內旅行好方便，好山好水、風景如畫，鍾意上天下海RoadTrip嘅一定覺得澳洲好正！放假開架車求其去個國家公園都已經開心 #嗱嗱嗱 #都係嗰一句 #最緊要係識揸車同埋有車😂
工作：📒📖📌
（作為一位拎WorkingHoliday簽證、疫情發生前為例）
🇬🇧：相對來講好容易搵工，因為港女搵Sales 工，基本上你識英文又識講中文已經好大優勢，強國人始終消費力比較強，間間鋪都需要mandarin speaker咁濟，而且啲品牌公司嘅待遇都唔錯㗎♥️
🇦🇺：相對地喺澳洲搵工就真係難啲，例如繼續搵sales嘅工，一嚟呢啲留學生多，識講中文講英文周圍都係，另外顧客群Local為主，亞洲人一般都已經識講英文，加上簽證每半年要轉一份工，所以都碰咗好多釘😥
#死啦港女長氣到好似阿婆咁
#打下打下打咁咗篇論文出嚟
#睇曬嘅話聲我聽
#不久嘅將來喺英國或都澳洲見啦
#都未諗好將來嘅路點樣行
#英國WorkingHoliday #澳洲WorkingHoliday #WorkingHoliday #打工度假 #英國 #澳洲 #兩個港女去英國 #兩個港女去澳洲 #UK #Australia
workingholiday中文 在 打工度假中文版- 旅遊新體驗‧Working Holiday ~~~打工渡假 的推薦與評價
旅遊新體驗‧Working Holiday ~~~打工渡假. ... 打工度假中文版is on Facebook. To connect with 打工度假中文版, join Facebook today. ... <看更多>