【人民幣．港元資產】過去24個月「人民幣兌美元」走勢（深藍）以及「恆生指數」走勢（淺藍）
1. 先戴頭盔：任何經濟和社會現象，都唔會係「單因單果」關係；但從分析和預測角度，我們會想搵出關聯性相對明顯而強嘅因素，isolate 出來分析。
2. 我專欄經常講，匯率變化，尤其人民幣匯率，同港元資產價格走勢有極大關聯性。
3. 講多無謂，睇圖就最易明。我用「恆生指數」作為港元資產的 Proxy，無疑係唔夠絕對完全同嚴謹。不過，股市乃相對流動資產類別，短期內變化更明顯。至於磚頭，有太多微觀同政策因素影響，變化會更複雜。
3. 好簡單咁講，當人民幣走強，香港資產價格亦傾向強勢。我嘅解釋係對持有人民幣嘅投機者，又或者賺人民幣嘅投機者，人民幣越強，代表佢哋對港元資產嘅購買力越強。反之亦然。
4. 人民幣兌美元跌穿七算，對香港點都會有影響。就算撇開資產市場，近來連旅遊業都受到重創；資產市場同其他經濟環節緊密扣連。互為因果，但如果人民幣再跌，好明顯會進一步打擊香港經濟。
5. 雖然有中美矛盾呢個大前提，人民幣匯率下跌唔一定係人為操控結果，亦都可以係一種自然調節嘅結果。與此同時，人民幣下跌亦唔係話導致香港資產價格下跌嘅「原因」。正如我之前所講，兩個因素明顯有關聯性，即係英文嘅 correlation is not causation ；此外，經濟差同資產價格下滑，亦應作如是觀。
6. 市場預測來講呢，亦唔係咩精密科學。不過我嘅預測就係，人民幣會繼續跌，港元計價嘅資產亦會繼續跌，香港經濟亦會步入寒冬。以上三個現象，背後嘅因果關係唔係單向單一，但會同時出現。
今日分析到此為止，多謝收睇，好人一生平安。
人民幣兌美元走勢 在 人民币一年对美元升值10%，对经济利空还是利好？ - YouTube 的推薦與評價
订阅频道，获取更多精彩：https://bit.ly/2GzuCVG2021年以来， 人民币 对 美元 汇率双向波动明显，经历了下跌也出现过快速上涨。近期，央行等部门机构对 ... ... <看更多>