【一圖學識點睇保單】
你人生其中一個重要決定，可能就係幫自己或者屋企人買咗一份保險。咁當你收到份保單正本嗰陣，千祈咪就咁掉埋一邊，不妨跟住以下幾個方向，check多次份保單嘅要點：
1. 核實基本資料：如投保計劃、保費、保障額、保障期、受保人及受益人嘅個人資料等。
2. 認清保障範圍、不保事項及條款限制：記住保單先係你同保險公司之間嘅正式合約，日後索償都係以保單內容為準，你應該確保自己對保障範圍嘅理解清晰無誤。特別要留意保險公司核保之後，有無响你份保單加入不保事項或者你必須遵守嘅條件，呢啲項目都會影響你日後嘅索償。
3. 記住關鍵時間：如冷靜期、等候期、索償期限，保費寬限期等。
4. 了解退保機制：如退保價值及保單復效等條款。萬一將來要退保，保單價值可能會少過已繳保費架﹗
記住，見到有咩唔明，要快啲問清楚保險中介人或者保險公司。如果買嘅係人壽或者自願醫保保單，會有冷靜期條款，即係保險公司將保單或冷靜期通知書交畀你或者你嘅指定代表起計嘅21 日內，保單上有咩內容同自己當初投保時嘅預期有出入，係可以响冷靜期內取消保單架。
#AreYouReady #保單唔係用嚟裝飾嘅 #保單係要睇嘅 #燕嗦日常 #蓋世保鑑
