《我在冰島渡過2019》
上年兩丁友孤令令喺埃及過聖誕新年，難得今年意佬有得清年假，我哋好想過一個屬於我倆嘅冬天。
由於意佬鼻哥窿太大，佢好怕去凍嘅地方因為啲冷氣會迅速大量走哂入佢個大鼻窿度令佢好易頭痛。兩年前，我哄咗意佬好耐，佢先肯同我去瑞典追極光。好記得由上飛機到回程落機，佢都係loop住嗰句：「綠光之嘛，咪同演唱會fing fing 吓嗰啲一樣！洗乜咁大龍鳳走去天寒地凍嘅鬼地方啫？」「重點係咩啊？係乜都睇唔到吖嘛~！」
好想兜巴車過去之餘，心諗我係咪咁符碌全意大利唯一一個咁挑釁嘅男人俾我揀咗。
認識我嘅就知本娘想做到的事情，我係冇咁容易放棄嘅~哈！
機會嚟喇！家陣有假放，難得大鼻子表示唔介紹去呼吸冷氣，我嗱嗱臨導遊上身，介紹有幾北得幾北嘅地方，目的就係去繼續我嘅追綠光夢！
最後決定去~冰島~😃一連五日嘅行程，環島遊、藍湖、斯克加瀑布、國家公園、地熱蒸氣山谷、維克鎮、鑽石沙灘、冰川行埋🧗♀️、連冰洞都捐埋！偏偏…仍未遇見我最想睇到嘅綠光😔
腳踏瓦特納冰川(冰島語Vatnajökull, 讀音類似fxxker yogurt 啦🙈)，我有少少失落。意佬從後緊握我手，望住只有4小時日光，萬里無雲嘅冰島天空：「唔好擔心，天公不造美我來造。以後每年冬天若有機會，我會繼續陪你四處覓光，直至我哋睇到綠光為止。」
聽到我鼻都酸埋🤧，原來意佬決定衝破大鼻窿界限，願意一直陪伴我追尋我嘅綠光夢。
「愛情，就是一對愛的人互相陪伴。
陪伴，就是愛一個人最好的禮物。」
陪奶奶食完聖誕大餐後趕住出發，意佬送俾我份聖誕禮物仲未拆，但其實上天賞賜俾我嘅大大份禮物，已得正正喺我面前。
幸福非必然，2019有意佬陪住我，仲唔埋單收貨？
攝於：Vatnajökulsþjóðgarður
即係：冰島冰川下的鑽石沙灘
#無咩事我返埃及睇DVD演唱會綠光
#大鼻哥會吸多些冷空氣
#5日sung咗三包紙巾 #兩行鼻水直流
#冰島綠光之旅
#VatnajökullGlacier
#鑽石沙灘
