關於 初四咁嘅樣意思 ，我們在網路上蒐集到這些相關的討論、資訊與評價

重溫：年初四咁嘅樣

《享受工作快樂的伯伯》

知唔知咩叫「年初四咁嘅樣」？簡單講，即係要返工，要重投工作地獄嘅頹樣，黃子華都話，講得出「我好鍾意返工」嘅人，一定係鬼上身。

但我今日，真係見到個，你望到佢都覺得佢鍾意返工嘅人，一個年過七旬嘅裝窗簾伯伯。

係未見到佢之前，我老婆已經同我講，裝窗簾個伯伯上次度尺時好有禮貌，今日佢一到，我打開門佢就一臉笑容，唔係連鎖快餐店嘅歡迎光臨式笑容，而係一種和藹可親嘅笑容，當我提提佢除鞋入屋時，佢已經除緊：「我見你對鞋都係門口都估到要除喇。」

然後佢問我借椅企高去鑽孔：「唔好意思啊，阿媽生矮咗幾寸，要搵野企高少少先裝到。」

一邊睇佢裝，一邊我問佢貴庚，佢話74歲喇，正當我想問佢點解仲唔退休時，我都係無問到，反而問佢裝窗簾裝咗幾多年，佢話十年左右啦，數一數，即係佢64歲先開始裝，原來佢之前係做工程，但年紀大做唔到太粗重工作，所以轉咗做窗簾。

佢手腳好快，十五分鐘就搞掂，仲幫我輕輕抹咗地下嘅塵，臨走之時，我一直打開門等佢著好鞋，佢著完之後同我講，大家身體健康啊，然後就拎咗消毒酒精出嚟噴，印象中佢入門都有噴到，最後同佢揮手道別。

屋企裝修，所以呢排見好多師傅同送貨，普遍我覺得，年紀愈大愈有禮貌同有講有笑，反而後生嘅做完就走，大家各行各路，有時仲唔問聲就一腳踩入屋。

望望鏡入面嘅自己，我覺得自己工作嘅時候一定無伯伯咁開心，到底我同佢有咩唔同？

或者我係為錢而工作，而伯伯佢心態係，今時今日仲可以工作，已經好感恩，對於肯搵佢做野嘅人，佢都心存感激，而老闆肯繼續搵佢幫手，可能都係呢種熱誠打動到佢。

自己又好，身邊人都好，有幾多個會開開心心返工，大家都係為生活，為錢而工作，最終目標係為咗唔工作而工作，但見到伯伯我會諗，退休嘅年紀，仲有能力工作搵錢，每日去唔同地方行下走下，比起係屋企退休唔知做乜，伯伯開心係正常嘅。

如果好鍾意返工，係鬼上身，咁鬼上身都唔錯，起碼唔駛成日年初四咁嘅樣。

享受工作快樂，到底係唔係老人家嘅專利，如果年齡唔係條件的話，咁我哋欠缺嘅，又係咩呢？

－－－－－－－－－－－－－－－－－－－－－
有興趣購買《弊傢伙，我女朋友有咗》的朋友，可以經以下連結購買：
Payme, FPS, Alipay連結：https://forms.gle/UEdH32PfVD2cp5nK6
掌鋪，可以使用Visa Master Card連結：https://maydreaming.boutir.com/i/WDnmnPAAA
舊作《那天，我出席了一個葬禮》《同學會重遇的那個人》《南極》亦可以同時購買，有興趣的可留言式inbox查詢

［拉闊音度］雙失情人節，二月最多人聽慘情歌？大數據係咁講

有話一月最慘情，至少北半球嘅人係。聖誕又過完，日短夜長，有排都未到夏天。有話一月第三個星期一係Blue Monday，全年最慘，即係我地「年初四咁嘅樣」

Economist自己做嘅數據研究（都話好多嘢睇），研究下到底邊個月份心情最差，就係睇你聽乜歌。結論發現，二月就最多人聽慘情歌。不過你可以話掉轉，心情差先要聽勵志歌，心情靚唔怕聽慘情歌。但實證上，我理解，其實係正相關嘅，多數啲人越頹越失戀先聽慘歌去自憐沉溺，人生得意時先聽勵志歌。

用嘅就係Spotify嘅數據，5000萬首歌，近3億用家，主要都係北半球，歐美。Spotify有演算法，去計首歌嘅valence，正能量，開心程度。開心歌就高分，慘情歌就低分。然後Spotify又會每日公佈200首最多人聽嘅歌，每個國家都有，就有得分析。個分析用咗30個國家，近5萬首歌，3000億次播放。

個圖就係結論，大把嘢可以講，快講下

右上細圖見到了，一月開始慘，去到二月就最多人聽慘情歌，之後谷底回升，去到七月就最開心（夏天放暑假同陽光玩遊戲？），然後又慘過，到聖誕就忽然亢奮（鬼咩，播足幾日聖誕歌），然後聖誔節後急速dur皮（要返工），頹到下年二月

仲有，你睇到了，香港人就最撚慘的。數據應該2017年先開始有，大可以講政治，但我就覺得係因為香港人係聽情歌，而聽情歌梗係失戀歌。而你見到以為好開心好樂天嘅菲律賓，尾二。民主大國美利堅尾三，香港人日日J嘅新加坡尾四，點講都係完美（除咗天氣）嘅挪威都尾五。好似冇乜特別結論？

另外，你會話，係咪同天氣有關？北歐天氣出名令人想自殺。但又睇下，呢個二月慘情七月興奮嘅模式，在南半球嘅紐西蘭澳洲都係咁。全年一季嘅新加坡都係咁。「所以我估都係情人節」。個別國家冇呢種月份模式，主要係南美國家，全年都聽拉丁音樂，而演算法認為係開心嘢

同樣係北歐，挪威很慘，瑞典冰島都慘，比全球平均慘。但芬蘭偏偏例外。而芬蘭向來都特別奇怪，語言都同其他四國完全唔同，亦係北歐唯一用EURO嘅

然後可以講民族語言之類，你見日耳曼語系嘅英國德國荷蘭，都係比較開心嘅。

仲有，見到了，真係同窮富，甚至有冇民主，貧富懸殊未必有乜關係。最開心嘅，全部係啲南美國家，巴西阿根廷智利墨西哥。拉丁音樂嘛。連帶西班牙都係。呢堆係寧寧晒晒特別開心嘅

北歐國家係起落最大嘅，相信係同日照時間有關。幾明顯見到日照時間長嘅日子聽嘅歌就開心啲，另外，落雨就冇咁開心

作為港仔等我提出一個問題：就係，只係聽聲音去判斷慘情定勵志，在廣東歌或華文歌未必work。眾所周知廣東或華文歌，往往詞大過曲，詞先判斷到首歌慘定唔慘嘛，應該整多個演算法睇歌詞。

一時唔係好諗到例子，但，《我一個人住》同《我不是一個人住》明明就同曲唔同詞，意境都唔同。另外，陳慧嫻嘅《傻女》同《傻女的新衣》，又係同曲，但意思相反喎！仲有《閃著淚光的決定》同《懷著笑意的決定》

當然，最經典嘅，就梗係「熱烈地彈琴熱烈地唱」嘅《喜氣洋洋》，原曲明明唔係開心歌喎，咁點計？

（最尾呢兩段真係出賣晒年紀）

年初四有個習俗叫「新年扔窮」，
即係將一啲過去負面嘅嘢掃走曬嘅意思！
如果想新一年過得更好...
唔再比過往嘅事情影響束縛住我地
你可以做以下 3 件事...
.
.
.
如果你企係依家呢個人生交叉點，
你好想將自己嘅前路穩穩咁掌握喺自己手中，
你需要嘅唔單止係拋卻過往嘅思想束縛，
你更加要重新為自己注入能夠幫你勇往直前嘅...
成功人士擁有嘅強者心態！
點做先係最快最有效？

立即參加網上大型演講會
【Create Destiny Virtual X】
兩日極速幫你重拾目標同衝勁！

唔係講書咁簡單，而係透過互動練習，
由 Brian 帶領你同全球超過 1000+ 個 Achievers，
一同經歷、一同學習，你會得到好多實戰技巧同方法
同最深刻直接嘅切身體驗，
當你遇到人生中嘅種種挑戰，
你都能夠信心滿滿咁去應對、跨越！

了解活動日期同參加方法：
https://www.briancha.com/2021-live

P.S. 早鳥優惠倒數最後 1 日，唔好再猶豫！立即行動！

#CreateDestiny #VirtualX #BCM #briancha #motivation #success #business #mentality #mindset #coaching #consulting #life #motivational #onlineevent #goals

.
.
.

Brian Cha 車志健 是一名具影響力的激勵講師、創業家、銷售專家及亞洲唯一擁有三項不同運動世界紀錄保持者。30000+學員遍佈20+個國家及地區。教導他們怎樣達到人生目標及事業成功。

►Facebook : https://www.facebook.com/BrianChaMotivation
►Instagram : https://www.instagram.com/brian_cha/
►Website : http://www.brianchamotivation.com/
►Linkedin : https://www.linkedin.com/in/brianchamotivation
►Email : support@brianchamotivation.com

全新一季 The Brian Cha Podcast - Daily Motivation 已經推出

Apple Podcast/Spotify/Telegram 每日激勵信息
立刻按連結收聽
►Podcast : https://www.briancha.com/podcast-links

歡迎為我的影片提供字幕
令我既影片可以有更多人認識
我會萬分感謝的
http://www.youtube.com/timedtext_video?v=3HDybVd82YI&ref=share

◎Instagram: https://www.instagram.com/iam.manson/
◎Facebook Page: https://m.facebook.com/Iammanson-1463381420592597/
◎工作聯絡Email:manson_yee@yahoo.com.hk
◎電話聯絡：55956635

不經不覺原來我已經有一個月嘅時間冇更新YouTube，呢段時間比自己好好咁休息，好多觀眾都問我究竟幾時更新？今日年初四決定回歸YouTube，肥團同大家拜個年同大家有一個好熱鬧嘅新年
如果大家上年聖誕節有睇過我哋交換聖誕禮物嘅，應該都知道我嗰陣有提過年28大掃除嘅時候，將屋企唔要嘅物品攞出嚟年29嘅時候抽獎！我相信大家睇完呢段片一定會感受到好多嘅喜悅，過咗一個不一樣的年初四，大家可以參考下其實除咗聖誕節交換禮物之外，新年同朋友家人團拜嘅時候都可以交換下禮物?
如果大家睇完呢段片覺得開心嘅話，不妨留言話俾我哋知，你覺得最好嘅禮物係邊個呢？最伏既禮物又係邊個呢！
過埋個新年我會努力剪接我大阪同高雄嘅旅行影片，成日要大家久等真係唔好意思，雖然我成日都不定時更新YouTube，但係你哋都一直不離不棄地支持我多謝你哋！因為我想隨着自己嘅心情去經營自己嘅YouTube平台，唔想比自己規限一個時間更新影片！我哋下條片再見?記得留言啦