關於 呃蝦條犯法 ，我們在網路上蒐集到這些相關的討論、資訊與評價

［被炒記2.0 序：當年相戀意中人］（＊）回力鏢。埃汾25年前嘅 Ex，P小姐，至少廿年冇見，十年冇傾過計，而佢忽然在地球另一端Message我—「你畀人炒咗？咁啱嘅。我都係喎。我唔開心，有嘢想問你」

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，正式失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

1. 哇哈，正呀，國家卒之記得我！真係結他低泣時，「如果未嫌棄～～～我即賓近你」　—　好心啦，幾廿歲人仲咁多性幻想？

2. 嗯，原本我已經諗定被炒記2.0嘅開頭點寫。原本係：「如何避免輸錢？唔好買股票」「如何100%避孕？唔好做愛」—咁所以，「如何避免畀人炒？ 唔好返工」。

3. 但結果就在我好忙好憤怒，卒之在龜坑飲返杯凍奶茶補數時，忽然間就有人PM我。我甚至以為係點數黨騙局，因為，真係稀客。原來有人畀人炒咗，哦。但佢又發現我都畀人炒咗。就問我點解我可以處之泰然，若無甚事，甚至打鑼打鼓。的確，我第一時間就WhatsApp 各方好友，然後亦在Facebook Page ig Patreon通知大家。

4. 但我亦過咗「傷痕文學呃蝦條」嘅年紀。真的，以前成日寫啲唔開心嘢，或者係我屋企嘅嘢—後來固然發現冇乜咁大不了，畀我更大鑊嘅人更多—但當年講呢啲呢，幾好的。首先女有母性啦，你見N咁多無知少女都鍾意古惑仔，貪佢有錢？係覺得自己可以「改變」佢呀。二來，就算冇蝦條，都有掌聲，以前寫親「論盡我老母」系列，收視必定爆棚。但不了，冇咁嘅必要。

5. 哦。而佢覺得我係「畀人炒嘅專家」（我諗起摩連奴同雲加）—但我更正佢，我都只係第二次，同佢一樣，而佢仲後生我四年。邊個先係專家？

6. 對我嚟講，最高透明度。有嘢咪講。我唔係小學雞咁滿江紅鬥低分好光榮，但真係事無不可對人言。畀人炒，咪畀人炒咯。有乜難以啟齒？第一次就有感覺啫，第二次有乜感覺？你見工或乜問起你，你er er er，咪更心虛。《英雄本色》豪哥（狄龍）去堅記車房搵堅哥（曾江）咁，「我係台灣忠伯介紹嘅，我在台灣做生意嗰陣呢……」「痞監就痞監啦，做乜鬼生意？」

7. 當然仲係好多人屌我虛偽，Everyone (else) is a Hypocrite．但天地良心，我都係比較直接嘅。正如無數HR都同你講唔應該咁講，但我見親工，有人問我點解離開星展，我都係照答：同個老細唔係好夾得嚟（咁當然，我唔會講：條臭西乜撚都唔識仲一個仙花紅都唔出畀我，我忍撚到8月先走已經覺得要拎諾貝爾和平獎）

8. 不如都係講返我舊愛。

9. P小姐係我第二個女朋友，時為回歸之前，1996年。我幾多歲？有人唔知我邊年出世？所以重點係佢幾多歲！佢當年應係14？或者15歲？「嘩你個人渣」。但，唏，襟芒，幾時法律上或者道德上，原來同未成女少女拍拖係犯法或天地不容嘅？嗰時人人都知喎，冇人拉我或者的我去浸豬蘢喎。拍拖咋，你諗咗去邊？犯法嘢我係唔會做的。

10. 而我知你想問乜，你鍾意問到篤嘅，我咪寫過《失身記》咯（https://lkdin.io/3KwS），1998年2月14日嘛，我讀緊大學啦施主。我係一個會講大話嘅人？我連蘇斯克查將海報都仲記得。所以呢部份唔使深究了。

11. 當然我懷疑以上嘅嘢我寫得咁詳細，P小姐會唔鍾意。但我唔寫，你地一定會問。而講真，雖然我經佢同意先貼呢段message，不過，之後我寫文，佢鍾唔鍾意，你覺得我會care？「咁多舊愛咁我出個Post要 seek幾多人approval」？

12. 對話中佢有順手講到對我嘅文好多意見，但我只係十分婉轉地講返我一直嘅核心信念，唔鍾意，唔好睇。To be honest，佢一路都話覺得我好有才華（Translation：唔靜仔又冇錢不過有啲嘢嘅），但從來都唔鍾我意啲文（但又話一路都承認我好有才華，well，可能覺得我唔應該寫文應該去打NBA？）。如果佢鍾意我寫嘅文，就唔會十年冇同我傾過計啦。我FB 都加咗佢十幾年。

13. 仲有一樣嘢，我有同朋友講過，亦有同佢講過。P小姐係我咁多個女朋友之中，最靚嘅一個。「埃汾太除外」。諗落都幾大鑊。唔係佢唔靚，而係之後我都冇乜同過靚女一齊。「埃汾太除外」。好似啲球星（葛斯？）咁，年少成名，世界盃都捧埋，你以為係見證傳奇嘅誕生？原來已是終結。

14. 咁但，當然我唔會貼佢相啦。況且，都啤咗三件（好似）。而講真，再講一次，廿五年前嘅事，廿年冇再見過（難得佢有一次返咗香港），十年冇Message，你覺得會可以點？唔通山水有相逢咩。睇少啲周星馳。

15. 但我諗個引子係，佢相信我（雖則飛咗我），咁有人信你總係好事。佢問，我咪答。佢唔問，講真，發生任何嘢我都唔會畀意見，唔係我恨佢（廿五年前啦大佬！），而係unsolicited advice 係極之討厭的。

16. 佢問我，點解我畀人炒可以處之泰然，我諗呢個係幾好嘅討論題目。正如我問返佢，咁做乜佢要咁煞有介事？

17. 我嘅被炒記2.0，就由呢樣嘢講起。放心，篇文唔會同佢有乜關係。只係佢想知我點解處之泰然，咁啱我又係想寫，咪順手拉埋佢落水。反正呢個引子夠吸睛。

18. 我甚至唔肯定，佢睇完會唔會反面—或者睇完呢篇preface已經反我面。但都係to be fair，我會唔會需要特別去討好一個廿五年前同過我一齊 而家啤咗三件嘅幸福媽媽呢？佢問，我咪寫，反正都想寫，但我唔保證佢睇完會開心。

19. Stay Tuned

20. 我知應該唔少人想八掛呢啲故事，但再講一次，「咁多女朋友個個都寫我咪好唔得閒？」。況且，今日大家天各一方啦，佢在地球另一端，佢有佢嘅生活，我有我繼續我嘅磨碌。三十年前嘅事啦大佬（四捨五入），人地B都啤咗三件啦。仲記住大家一齊聽隻《愛與交響樂》（唔使Google都知係1996年）大家依注，仲有乜意思？

21. 所以，嚟緊都係寫返被炒記2.0。我先係主角嘛，睇女嘅，大把地方啦。例如科勞我ig （@ivanliresearch）．「你係女咩？」「唔係，但我科勞好多女」。Ig當然係用嚟睇女，唔通睇啲小朋友教我理財？

22. 有人話我啲文飄嚟飄去唔知寫乜。嗯，係的。但，讀者就係鍾意睇呢啲嘛！

23. 講真的，打從嗰杯凍奶茶後，你見我寫多咗好多嘢，好多咗唔係投資嘅嘢。但無論如何，我而家好似街邊江湖術士表演完拎個兜出嚟咁，大家支持下個Patreon—你唔睇金融嘢？你睇但覺得我寫得唔好？都冇所謂的。而家就靠讀者支持架啦。實情唔少人都訂咗唔睇的，係為支持我寫呢啲文亦得。

（＊）《當年相戀意中人》亦係一套戲，Broken Flowers．標梅利去搵返啲舊愛。好睇的。

＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。年費仲有85折

【盆菜風波道出革命失敗的原因】

過反收例風波後我已經覺得香港原來很多蠢人，竟相信假新聞、竟相信831有死人、竟相信警察殺人強姦人……到最近見到黃色經濟圈的「盆菜風波」，真的再次證實香港傻人特別多。但一個願打一個願捱，關你們外人甚麼事！所以警方無論多努力宣傳網騙或電話騙案也沒有用，因為這班人是心甘情願受騙的。

國安立法後，黃人沉寂了許多，氣焰亦收起了。在什麼訴求也爭取不到的情況下，支持一下黃店便當自己革命成功了。無論食物質素如何差劣，總有一班盲粉追隨。難吃價錢貴並不是重點，最重要是食風骨、食理念。

而適逢大時大節，大家又不能外出用膳或外遊。蘿蔔糕、盆菜、到會、買賣市集等需求大增……眾多黃店當然不會放過這機會搵大錢吃人血饅頭。結果有搞眾籌呃錢、有市集攤位因偷手兄設計做產品而引起駡戰、為生意「龍門」鬥「渣哥」更是見怪不怪，而訂了「黃人盆菜」的那班更不是味兒，大年初一要「酸餿」渡過！一大堆黃人盆菜被投訴貨不對辦。原來所謂的「盆」只是一個7吋的「兜」，新年流流要「揸兜」真是大吉利事！以為有鮑魚大蝦瑤柱？結果只是燒賣魚旦，有些更是發霉發臭又酸餿。最恐怖竟夠膽把生蘿蔔和生菜墊底，再把其他熟食材鋪上面出售。原因竟是怕蘿蔔黐底！生和熟的食物又怎可放在一起？沒有煮過的蘿蔔又怎可以做盆菜？生菜是否應該分開另上？似乎製作盆菜的人對盆菜的烹調一點認識也沒有便去賣。我其實也有教做盆菜的，請不要那麼懶惰上網搜尋一下，現在大家是否後悔沒有到「美心」或「燉」去訂盆菜與家人開心過年呢？

原來一句「年輕人」、「手足」便可任意莽為，負責人一句「經驗不足」便可以解釋一切！當初革命失敗又是經驗不足、現在轉營賣盆菜結果一鑊粥又是經驗不足……可笑的是消費者連想投訴的自由與權利也沒！投訴的便被駡是搞分化、偽黃絲，還叫要幫手足的應當捐錢無事發生絕不割席。

原來做「同路人」便會有特權！無論他們放火刑毁、私了市民、非法集會、恐嚇襲警……黃人都覺得沒有問題，更把他們捧成英雄，還反指責執法者使用暴力、濫捕。現在從良去搞飲食，食品質素差劣、違反商品說明條例、更涉嫌無牌出售食品……黃人又可以隻眼開隻眼閉！甘心情願大時大節食酸餿盆菜、燒賣、發霉魚蛋、無味豬皮過節……大家是否想與被囚禁的黎智英齊上齊落，特意吃得差一點？但相信他在獄中的那頓加雞髀的飯一定比你們的好吃！

在黃人眼中只要是「同路人」便等於可以顛倒黑白、盲目附和，請問你們究竟是幫他們還是害了他們？一班所謂年輕人去犯法、求求其亂做生意你們不責不教繼續鼓勵，你認為他們以後會認真地去做事？會有進步空間？會走入正途嗎？一班人連是非黑白都不分，更可憐到連一句中肯的忠告也不敢說出！「有錯便要認，打便要企定。」你們聲嘶力竭地鬧政府多處不是，但對自己人卻盲目縱容附和。為什麼你們的寬宏大量及包容不可以對其他人或政府？這不正是你們經常說的雙重標準價值嗎？你們的革命失敗之最大原因便是這一點！以為自己是最自由民主、為人民爭取權益？可惜你們卻只是另一撮獨裁思想的崛起。別人不認同你的就是敵人就是無良知，完全不懂尊重不同意見立場、不懂商量妥協只強迫別人完全聽從你們……這樣偏頗的理念請問如何叫別人去認同你們？罵別人獨裁的自己是否才最獨裁？這樣的革命試問又怎會成功？你以為國安法拖垮你們？其實是自己歪了的價值觀害了你們。

要成為一個頂天立地的人，三觀必須正確。爭取什麼也沒有問題，因為這是香港人的自由權利，但絕對需要在守法及公平的情況下進行。請不要再將一班違法的暴徒吹捧成英雄；亦不要再把一班不認真工作、不用心做生意的黃人，吹捧成有志氣，盲目縱容只會害了他們一生。支持黃色經濟圈卻成為了別人眼中的「水魚」，招搖撞騙卻不敢批評，大家可否清醒一點做回一個精明的消費者？甘心受騙不是有風骨只是被利用吧！

朱庭萱

師生戀唔係問題，但呃自己學生蝦條就肯定係仆街

頭盔︰我唔討論單嘢真定假，只係討論世俗關於師生戀道德倫理等嘅爭議。

#咩係道德問題？

所謂道德，大部份都係由social norms約定俗成而成，其實又唔係一定啱晒，只不過係大部份人都覺得應該咁做就會世界和平咁解。

除咗純種動物生產工場之外大部份社會都唔接受亂倫，因為傳統嚟講亂倫會影響下一代嘅質素，例如生出遺傳病或致命缺憾畸胎，直接造成社會負擔。

但倫理學家就提出問題，如果一對成年父女或者母子佢哋唔生仔，絕晒育，佢哋好鍾意交配(having sex)，咁又有無問題先？佢哋好清醒了解自己做緊咩，係咁嘅層面下，其實交配同打網球都係運動嚟嘅啫係咪？點解你外人要反對佢哋先？

咁其實我雖然覺得好噁心，但又真係無理據反對佢哋喎。

#師生戀問題係邊？

好多人搞錯晒，以為今次問題出在師生戀。但等陣，師生戀有咩問題先？

而家嘅師生關係好短暫，長嘅可能六年，短嘅得幾個月，好快就畢業啦。

作者女校出身，母校大把(>3)男老師同母校畢業生拍拖，最後結埋婚，咁大家又點睇？係咪都覺得既然畢咗業就無問題？咁未畢業個問題係邊？

唯一最有可能嘅問題，係因為兩人戀人關係而影響老師嘅專業操守，例如之前個光頭校長咁，所以學校反對師生戀好正常。

但如果佢哋保持到專業操守，又或者根本無利害關係，仲係唔係道德問題？我認為唔係。

問題係邊？#問題在於呃人就係仆街

師生戀唔係問題，咁個問題係邊？點解咁多人反感？

抽離啲講，任何一個人做人老師，佢知個學生鍾意佢於是佢利用個學生嘅感情呃學生拎著數就係仆街。

呃人錢呃人買傳銷係仆街；呃人感情呃人同佢上床一樣係仆街。

#點解呃人係仆街？

呃人嘅前提係對方信佢，唔信佢嘅人係唔會俾佢呃到。

例如你話你會還錢，朋友信你所以借錢俾你，你拎佢啲錢遠走高飛，你就係仆街。

例如你話你會愛老婆一世，老婆信你所以嫁俾你，然後你廿年後迷上青春肉體一野飛咗佢，你就係仆街。

係，呢啲唔係法律，但呢啲就係約定俗成嘅道德。

你可以話無犯法，但無犯法唔代表唔仆街。你做咗傷害其他人嘅事，就一定會俾社會譴責你係仆街。

而當你利用咗一個未成年人對老師嘅信任，利用埋佢嘅愛情呃佢同你上床，就算唔講專業操守問題，都必然係仆街。

#點為之呃？#點為之你情我願？

實有人會話個學生係自己送上門，唔帶眼識人，唔係老師責任。
當然個學生係傻，但咁並唔會合理化個老師做嘅嘢。

學生︰「你都唔鍾意我，點解想同我上床？」
老師︰「唔係喎，我鍾意喎」
學生︰「真係？」
老師︰「係呀」

以上叫呃。(雖然個學生係傻豬咁都信，但明呃都係呃嘅一種)

學生︰「你都唔鍾意我，點解想同我上床？」
老師︰「係唔鍾意架啦，但我想上床呀嘛」
學生︰「唔鍾意都上得床嘅咩？」
老師︰「係咁架啦，好出奇呀？3p都仲得呀！」

或者

學生︰「你都唔鍾意我，點解想同我上床？」
老師︰「係唔鍾意架啦，我當叫雞咋，3000 ok？」
學生︰「ok 成交。」

呢啲就叫自願。

#咁呢啲呃蝦條故事日日都發生架啦，有咩值得討論？

咪就係因為呃蝦條果個係老師囉。

中學生by definition就係入世未深傻豬仔架啦，佢哋信個老師好合理，而個老師利用呢樣嘢呃佢哋，咪就係比其他呃蝦條仆街更仆街囉。

做得仆街就預咗要俾人聲討架啦，social norms係咁架喎，咁大個人仲要人教？

===分界線===

最後好想同班妹妹講，呢個世界真係好多仆街，唔好咁輕易信人，唔好以為跪地餵豬乸對方會愛你。

唔會。你放得自己越低，對方只會越當你係地底泥踩多兩下。

大個女啦，唔好再用耳仔聽對方講愛唔愛你；要由對方嘅行動去睇佢愛唔愛你。

見到啲擺明呃蝦條嘅仆街，打唔過就快啲走，去搵一個真心愛自己珍惜自己嘅人啦。

#多謝仆街讓我們長大系列