【ViuTV《大叔的愛》係歷史性嘅突破】
首先香港好少買外國劇翻拍 綜藝比較多
點知一買 就係BL劇
雖然日版《大叔的愛》雖然開播時
都好多香港人睇
但由香港去拍BL 呢件事真係好新
BL…腐女…其實呢啲字都係美化咗成件事
轉返字眼…就係大家會好避忌嘅『同性戀』
你哋睇緊『同性戀劇集』喎！
大家係大台睇到同性戀嘅劇情係點？
仲記唔記得？
多數都係著開胸衫短打 勁彩色/桃紅/粉紅衫
之後係gay吧行嚟行去 勁姣 或者兩個攬住摸嚟摸去
甚至gay就去殺人 同 有變態行為
睇完呢套戲
唔會因為主角們『好gay』而唔鍾意佢
反而仲多咗幾分可愛
同性戀一直被香港人 比大台醜化咗
(男)同性戀唔代表係男人都鍾意
同性戀唔代表會當街行為過火
(其實我成日係街見一男一女激吻先至激到唔知想點…)
而呢套戲 好似令全香港(大部分)人一夜變晒腐女咁
大家冇反感之餘 反而仲睇得好開心
雖然唔代表香港人對同性戀 睇開咗
至少仲有某啲議員對同性戀十分反感同反對
但起碼踏出咗好大步
阿牧阿田 甚至阿田KK 都可以好正常拍拖
佢哋鍾意對方 有阻住你咩？
以翻拍睇講…
與其講『神還原』 不如話『香港化』
雖然我覺得係有不足地方
例如：有啲位為加而加 劇情有啲拖
梓芊Louis約會 明明一次過…但就斬開兩次
平平被呃 上去講數又係分開咗兩次 好長氣
但『港式化』嘅位都好有心思
例如：第一集巴士屈田田非禮個阿姐
日版係有道歉
港版阿姐死都唔道歉 仲要繼續鬧
攞返個尾彩
日本人 同 香港人真係好大分別
又例如：
日本人真係好有禮貌
部長介紹緊新同事嘅時候
其實田田見到阿牧係好想叫佢
日版只係眼神相認
港版當老細冇到 大叫出嚟
文化差異 所以角色都有唔同
呢樣野令香港人好易代入
有個朋友連頭像都轉咗做阿牧同田田
佢之前明明同我講過最憎睇BL劇
但佢都入咗坑
港式化咗真係易入口好多
呢套戲真係好成功！
最後就係…日本電視台購回翻拍版播放
呢件事真係好威！
我見台灣娛樂新聞都有報導呢齣劇
台灣網絡電視亦都有播
期待電影版！！！
期待多啲放閃畫面！！！
期待香港人變得更開放 更自由！！！
#大叔的愛 #大叔的愛香港版 #ViuTV
#田一雄 #翟國強 #凌少牧
【大叔的愛(動態) Sticker】
https://whatsticker.online/p/476562PguUq0m/HK/zh
咁大件事冇人講sticker 在 平和坊出sticker咁大件事冇人講？... - 東華三院平和坊戒賭熱線 的推薦與評價
2022年9月30日 — 平和坊出sticker咁大件事冇人講？ 冇人講咪小編講囉！ 嚟緊#歐洲國家盃除咗睇波之外都要記得“ #睇波不賭波”呀不過大賽咁開心梗係搵嘢賀賀佢啦！ ... <看更多>