-
今晚係世界盃決賽，你地支持邊隊先？拿，支持還支持，唔好賭波，做個真球迷！
.
#平和基金 #睇波不賭波 #非法賭波唔好制 #健康齊踢波 #不賭盃足球四角賽2018 #hkig #hk #football #worldcup2018
.
#bauhaus_hk #toughjeansmith_hk
唔好賭波 在 Kenji Wong Facebook 的精選貼文
同時也有121部Youtube影片，追蹤數超過9,460的網紅動漫廢物電台，也在其Youtube影片中提到，有人平時會睇到啲電話咭或者歐國盃宣傳廣告 有人平時會收到啲衫褲鞋襪既宣傳廣告 而阿Man呢？佢好仔啊，唔賭波唔賭馬…… 係，其實你想知我哋講乜？咁你要加入我哋Patreon www.patreon.com/acrubbish 成為我哋施主收聽喇...
「唔好賭波」的推薦目錄：
- 關於唔好賭波 在 Kenji Wong Facebook 的精選貼文
- 關於唔好賭波 在 辦公室日報 Facebook 的最佳解答
- 關於唔好賭波 在 辦公室日報 Facebook 的最佳貼文
- 關於唔好賭波 在 動漫廢物電台 Youtube 的精選貼文
- 關於唔好賭波 在 FanPiece Football Youtube 的精選貼文
- 關於唔好賭波 在 Smart Travel Youtube 的最讚貼文
- 關於唔好賭波 在 唔好賭~輸死你啦 - YouTube 的評價
- 關於唔好賭波 在 賭波點賭最好？場場賭真的必死嗎？電腦Excel示範 ... - YouTube 的評價
- 關於唔好賭波 在 艾蘭路樂與怒's photo 的評價
唔好賭波 在 辦公室日報 Facebook 的最佳解答
外圍的核心內圍《最終回》
【賭仔永遠都係輸家】
山哥一聲令下，全部人出發去夜總會，我哋被安排喺VIP大房，大到點呢，大到根本係另一個酒吧咁，有桌球玩、有卡拉OK、有5個廁所、有舞池，仲有換完一批又一批嘅小姐。
不過劇情並唔係好似電視劇咁，啲小姐唔會坐埋你身邊，而係喺呢間咁大嘅房四處游走，目測個玩法係十分荒淫，如果有人睇中個小姐，就會拉佢入廁所交易。呢個時間亦多咗好多唔知乜哥物哥出現，係我之前未見過嘅，亦唔知喺邊度捐出嚟，總之一個二個都會行埋嚟同山哥打招呼吹兩咀，而我唔知點解山哥係全程Mark實我坐，一路9up好多無謂嘢，例如夫妻相處之道呀、鷹哥前列腺有事呀、施政報告呀、八達通呀......想賣甩佢睇下啲小姐咩樣都唔得，因為嗰度其實都幾黑。
之前咪話有個古惑仔打算keep起山哥啲零用錢，返香港換港紙自己用嘅，呢晚佢又嚟料，行埋嚟問山哥啲小姐使唔使畀錢。
山哥：「DLLM，你會唔會為興趣去做鴨吖？梗係要另外畀錢啦！咪畀咗零用錢你囉，睇啱你就帶佢入廁所，賭少啲啦你！」
原來佢咁慳家，係因為之前輸波輸得好甘，甘到冇咗層樓，冇咗個老婆，我好奇怪咁問：「我哋咁多料收都會輸？」
山哥：「貪心囉，輸錢皆因贏錢起，平時冇假波料嗰陣佢都照賭，世界盃又賭，英超又賭，德乙又賭，中超又賭，澳洲波又賭。」
「咁佢輸咁多還晒未？應該要Cut佢個外圍戶口啦，一陣佢又輸多啲。」
山哥：「Cut咗啦，佢咪一樣去合法嗰啲賭，阿聶，我真係同你講呀，唔好賭波，成日話咩外圍咩合法，其實多餘啦，喺邊度賭都好，咪又係嗰啲波，咪又係會做假，所謂合法，只係攞咗牌嘅外圍，無論喺邊都好，你一賭就注定要輸。」
又啱喎，正如大耳窿同埋財務公司一樣，啲息都係還死你，分別只係有牌定冇牌，睇清楚啲息口，分別根本唔大。
山哥：「你有冇諗過點解有啲地方嘅聯賽咁冷門都有得播？」
「推動足球吖嘛，等球迷多啲選擇。」
山哥：「屌，多L餘啦！第一，根本係莊家幫電視台出錢買直播權，睇下開咩時間先，下晝係畀班廚房佬落場賭架！搭通晒天地線先搞直播畀你班友玩啦！」
如果呢啲說話由一個輸波輸錢嘅人講，我一定唔信，但係由一個靠搞賭波起家嘅人講，仲需要質疑啲咩？
「不過有好多人都鍾意話自己贏錢，又贏幾多幾多，應該都有人贏啩。」
山哥：「個個都鍾意吹自己贏錢，輸錢就收埋唔講，搞到有種錯覺啲錢好易贏，不過都好既，冇呢啲人，我哋又點搵到食，個個都當自己係足球專家架啦，阿叻都話佢買乜贏乜架，係就唔使出嚟襯啦，呢啲人唔使點醒佢，啱架喇，要認叻咪由佢哋認囉。」
呢個時候嘅山哥已經飲到愈嚟愈醉，好似當咗我係小姐咁，一隻手長期搭住我膊頭，都有少少擔心自己個菊花，不過最擔心嘅反而係佢一句說話。
山哥：「阿聶，總之我同你講，如果有一日畀差佬拉，唔好同差佬爆其他兄弟，安家費我哋會界足，你唔使擔心，出番嚟會畀嘢你做，大佬都有得你做呀！」
喂，我外賣仔嚟咋，呀，唔係，我資料輸入員嚟咋，點解差佬會搵我呀？安家費有幾多呀？但係我犯咩事要入去坐先？
當晚嘅對話令我好不安，我已經決定返香港之後求其搵個藉口辭職，點知返到香港之後，山哥話公司要暫時解散，原因係另一個股東瘦骨仙穿櫃桶底，香港盤數唔清唔楚，所以各手足出埋啲糧先，等山哥籌組新office再上路。
事隔一個月之後，山哥果然一諾千金，好多同事都返咗去，只係公司地址變咗，不過我就順勢轉咗工喇。呢份工令我眼界大開，而且從另一個角度睇足球，可惜道不同不相為謀，我始終唔係山哥世界嘅人，但無可否認佢係一個好人，如果你唔賭波的話.......因為佢今時今日咁有錢，獨立屋同埋名錶名車，一切都係靠班賭仔供養。
而家見到啲人賭波，好想同佢哋講一句：「唔好賭啦，真係害死人架，何況人哋一早有晒劇情，你根本唔係賭緊波，你係賭緊故事橋段，十賭九輸，今日贏，聽日都一定輸返，莊家係必勝架，佢唔怕你贏，最怕你唔賭。」只係萍水相逢，唔通我落投注站傳道咩。
世界盃就到，賭開波嘅人一定繼續賭，咁大嘅盛事隨時連唔賭波嘅人都湊熱鬧，與其倒錢落海，不如用呢啲錢食餐好，甚至買份禮物畀身邊嘅人。
我明白好多人賭錢只係想搵快錢，甚至賺啲基本開支生活使費，例如卡數差一萬，你手上得五千蚊唔湯唔水，想搏一鋪賺埋另一半卡數，不過你信我，如果你賭波，只會連手上呢五千蚊都冇埋，寧願找咗先，然後再諗辦法，希望唔一定在明天，但賭波就一定冇明天。
如果你係真球迷，唔好理有冇假波，純欣賞就得喇，就同做人一樣，有啲嘢知得太清楚反而無癮，自得其樂，唔好畀吸血莊家賺你錢！若然呢個世界冇人賭波，所有球賽一定更加精彩。
#教育文少like都要做
#唔好有人跳樓先嚟做
#世界盃又嚟喇
#唔好賭唔好賭唔好賭
#幫襯外圍同有牌都係賭
#噚晚歐聯卡列奧斯唔係假波
#卡列奧斯只係屎波所以要原諒
#人誰無過
#但歐聯決賽先至連番犯錯
平和基金戒賭熱線
http://www.donotgamble.org.hk/tc/index.php
香港戒賭中心
http://www.hkgamblers-recovery.org/
香港明愛家庭服務
https://family.caritas.org.hk/zh-hk/services/view/13…
社聯 - 戒賭熱線總覽
http://webcontent.hkcss.org.hk/hotlines/service.asp…
《第一回》
https://www.facebook.com/officedaily/posts/522113084902184
《第二回》
https://www.facebook.com/officedaily/posts/523911894722303
《第三回》
https://www.facebook.com/officedaily/posts/524287718018054
《第四回》
https://www.facebook.com/officedaily/posts/524860727960753
《第五回》
https://www.facebook.com/officedaily/posts/525366114576881
唔好賭波 在 辦公室日報 Facebook 的最佳貼文
外圍的核心內圍《第二回》
上回講到我喺一間體育資訊公司門口徘徊，結果入埋去interview，最終成為員工，而請我嗰位主管叫阿明，為咗令大家更了解成個架構，以下係真實中角色人物分佈 (PS：呢間公司嘅人對我好好，我唔想佢哋身份曝光，所以將所有人名都化咗)。
👉🏽終極Boss鷹哥 (好少返公司，有啲似加藤鷹，所以化名鷹哥)
👉🏽Boss山哥 (金主，大股東，好人，成日返嚟公司Hea)
👉🏽瘦骨仙 (細股東，同佢冇乜交接，不過最後因為佢而冇得做)
👉🏽阿明 (管理晒成個Office)
👉🏽Ricky (管理資料輸入組)
👉🏽一堆嘍囉 (包括我，隸屬資料輸入組，入下足球賽果，打下賽前賽後分析)
公司大約25 ~ 30人，一半以上都有背景，唔係邊個邊個大佬啲手下，就係乜哥物哥啲親戚，是但得罪一個都好麻煩。
Ricky係我直屬阿頭，廢人一個，冇一樣嘢落手落腳做，大部份時間執死雞同埋認叻，喺老細面前扮到好能幹好有衝勁，佢有一句口頭蟬，就係「明白」，每當Boss同佢講嘢，Ricky就會扮晒一臉認真咁聽，每隔幾秒就好似機械人咁答「明白」。
阿明一早睇穿Ricky係閪佬，有一次開會講緊公司行政嘅嘢，Ricky又係咁答「明白」，人哋嗰句說話都未講完，Ricky已經答定「明白」，阿明終於忍唔住扯火：「明明明！你明乜L嘢呀？」當時我哋班嘍囉喺半瞓著嘅狀態都嚇醒，只見Ricky面都青埋，我真係好心涼呀。
社會有千千萬萬個Ricky呢類人，廢唔係重點，識得擦鞋，拉關係同埋阿諛奉承就自然搵到食，我哋都見慣不怪，我只係想多番一兩個阿明呢類主管，心水清之餘仲夠膽爆你一鑊，可惜我之後幾份工都遇唔到，Ricky呢類就大把。
Boss山哥係公司金主，五六十歲，據聞海外業務係賭波公司，所以非常有錢，主力係享受人生，真係唔使做但係大把錢嗰隻，得閒返公司坐下，身邊好多江湖中人，但佢其實冇乜江湖味，仲要幾好人，有啲爸爸feel，會同我哋班嘍囉傾閒計，講下做人道理，佢自己係咁賭波，但就一直叫人唔好賭波。
山哥對上係終極Boss鷹哥，唔知係咪江湖中人特別敬重啲大佬，所以山哥口中嘅鷹哥係十分猛料同浮誇：「聶仔，你知唔知鷹哥好有face？費格遜會打電話畀鷹哥，同佢講曼聯嘅出場陣容，佢哋兩個好friend架。」
當年曼聯領隊仲係費格遜，但你打死我都唔信費Sir會Call鷹哥報告出場陣容，我自己開波前上網都睇到曼聯出咩人啦！另外我想問下鷹哥同費Sir係用廣東話交談吖，還是用英文呢？當時我只係覺得山哥幾廿歲人傻得好可愛，點知隔離有啲嘍囉仲要補多句：「係呀，鷹哥同費Sir好熟架，嗰次打嚟同佢講加利尼維利同碧咸會正選出場。」嘩，原來一個二個都係Short架！古惑仔唔係應該好古惑架咩？點解可以Kai到呢個地步？
我唔敢笑，一來未過試用期，二來我知佢哋背景，笑咗我驚冇命返屋企，我唔肯定鷹哥係咪勁到會同加利尼維利周圍食咖哩，我淨係肯定呢間公司啲人係痴根嘅。
呢班老粗字都唔識多隻，佢哋從來都唔知英文字母有26個咁多，數嚟數去都係數到E，所以吊過下鹽水同埋食過下夜香嘅我好快就上到位，喺呢度識得用「You are」好叻架喇，佢哋真係夠膽用「You is」、「How money」同埋「How time」架。
由於山哥覺得我好幫到手，所以十分願意同我傾計，講好多足球圈嘅真實情況畀我聽，後來仲帶咗我去馬來西亞參觀佢個外圍總部，呢啲機會真係有今生冇來世，下回話你知我喺馬拉有咩奇遇。
#賭波害人一生
#唔好賭波
#曼聯
#費格遜
《第一回》
https://www.facebook.com/officedaily/posts/522113084902184
唔好賭波 在 動漫廢物電台 Youtube 的精選貼文
有人平時會睇到啲電話咭或者歐國盃宣傳廣告
有人平時會收到啲衫褲鞋襪既宣傳廣告
而阿Man呢？佢好仔啊，唔賭波唔賭馬……
係，其實你想知我哋講乜？咁你要加入我哋Patreon
www.patreon.com/acrubbish
成為我哋施主收聽喇
唔好賭波 在 FanPiece Football Youtube 的精選貼文
睇波總會有時想玩番兩手，但係足球比賽往往就係出人意表，你點估到列斯聯同車仔一球波都冇入，又點估到熱刺會畀英超Top 10嘅阿仙奴反cup。除非你估到，如果唔係你真係估唔到。
忠告：沉迷賭博 倒錢落海 細細地玩下好喇
#本週新派台歌
賭英超 連環不幸事件（原曲：E先生 連環不幸事件）
主唱及強行填詞：
輸咗50蚊嘅曼迷 ＠隆仔2.0
輸咗60蚊嘅列迷（前阿迷）＠檸檬 Lemon Ho
輸咗幾舊水好似輸晒副身家嘅曼城迷 ＠ArLok
#連環買錯
#有誰會咁不幸
#衰咗畀裁判囉咪就係
#今週贏錢嘅出嚟講兩句
#E先生連環不幸事件
唔好賭波 在 Smart Travel Youtube 的最讚貼文
大家可以透過Payme, 支持下我同貓貓阿Cash, 打賞打賞鼓勵鼓勵:
https://payme.hsbc/smarttravel
?合作邀約請洽
gold7778@gmail.com
https://www.instagram.com/gold7778t/
成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。
馮盈盈近期話題緋聞多，除舊愛Martin的婚訊外，馮盈盈早前因被傳媒拍到與賭王四房長子何猷亨開船上派對被指「釣金龜」，又搬屋入住豪宅、贈送名貴禮物給助手和出入皆揹名牌訂製的Hermès手袋，以致馮盈盈常被網民指「忽然富貴」。而近日馮盈盈終於在節目《#後生仔傾吓偈》為自己平反，更反駁外界對她「貪慕虛榮」的種種指控。早前由馮盈盈主持的節目《#後生仔傾吓偈》以「貪慕虛榮」為主題，同為主持搭檔的陸浩明立即指馮盈盈便是「貪慕虛榮」的代名詞，而馮盈盈立即黑面否認，更為自己詳盡解釋近3分鐘時間。
馮盈盈表示身為藝人的她，當工作量與名氣增加時，便容易被批是貪慕虛榮，感覺十分不公平，馮盈盈更說：「通常貪慕虛榮嘅人，只會focus（注意）喺別人擁有嘅嘢，例如係財富、資源，但如果自己冇所批評嘅特質，你根本唔會喺其他人身上見到呢個特質。」言下之意，是指網民「葡萄」（妒忌）馮盈盈所有？
如果喺自己辛勤工作換番嚟嘅呢！，應該唔喺『貪慕虛榮』範圍內囉，你只可以Comment（評論）我嘅消費習慣！但如果喺佢嘅選擇、佢嘅錢，又冇犯法，咁關你咩事呀？
馮盈盈
那時馮盈盈更立刻上網查詢「貪慕虛榮」的定義，而同場也常被指「貪慕虛榮」的戴祖儀也力撐馮盈盈表示，如果靠自己努力去買心得好，是沒有錯的。但其實貪心或許未嘗不是一件好事，因為適時的貪心或會令人對生活變得更有動力，而這份所謂的「貪心」可能會成為一個人挑戰自我一把利刃。
但人們也需要謹記過份的貪慕虛榮，輕易令人迷失在貪婪的世界，令其一生不斷只為身份、地位和金錢等去追逐，失去自由，容易毀壞個人形象與人際關係。12星座中，誰最貪慕虛榮？屬於雙子座的馮盈盈在「12星座貪慕虛榮」排行榜中只屬第8位，而雙子女所貪心的不是錢，而是這個？相反個性真實又對人非常好的這個星座，竟會為達到某種目的而做出讓人意想不到的事情？甚至為了虛榮心也可以忍心犧牲所有？
唔好賭波 在 賭波點賭最好？場場賭真的必死嗎？電腦Excel示範 ... - YouTube 的推薦與評價
激抵！只需$50 一堂【DSE MATHS 精讀班系列】CORE數學 https://go.afterschool.com.hk/GAaLJM1/M2 https://go.afterschool.com.hk/57ZvY唔夠 ... ... <看更多>
唔好賭波 在 艾蘭路樂與怒's photo 的推薦與評價
「列斯聯假波研究專家」唔好一廂情願覺得派強陣就好想贏波先得架要杜絕球壇假波，除非每一場波都捉班球員教練和球證去老廉飲咖啡，用測謊機諸如此類嘅方法盤問呢班友仔 ... ... <看更多>
唔好賭波 在 唔好賭~輸死你啦 - YouTube 的推薦與評價
Comments · 足球投注攻略 · 黑社會成員直播講江湖事自稱佐敦揸fit人識盲亨、崩牙駒、上海仔昨日涉嫌自稱三合會成員被捕｜Channel C HK · 我話說完誰贊成誰 ... ... <看更多>