關於 小食牌照費用 ，我們在網路上蒐集到這些相關的討論、資訊與評價

呀 !!! 久違了的小旅行，輕背包重頭活動。我有份一齊行一齊諗的。
包飲包小食，名額得好少，
快啲去輕背包FB報名啦 🙌☺️
✌️👉 輕背包 Sherpas (已火速爆滿，加開9月5日團）

//【異　度　西　域】
#本地鬼故遊～～～👻🧟‍♀️

聽說，在香港島西區有一座山城，她靜悄悄地見證香港自十九世紀開埠以來的變遷，展現華洋雜處的特色。由一百多年前的荒蕪之地，演變成今天的多元小區。

在這裏，有香港最早設立的銀號、醫院、戲院、妓院、大笪地、遠洋船碼頭，更是1894年香港鼠疫爆發之溫床。

山城之中，流傳不少都巿傳說 —— 高街精神病院半夜怪聲、東邊街靈異車禍、二戰日軍重現太平山街、中區警署冤魂惡鬼⋯⋯

這個晚上，我們由大館開始，穿越時空，和大家一起細聽港島西域的前世今生，和一段段靈異經歷。

—— —— —— ——

🏴‍☠️ 行程：故事由中環大館（舊中區警署建築群）開始，西營盤佐治五世紀念公園作結，沿途會於旅遊主題cafe圍爐講故。夜幕低垂之際，一起匍匐於斜坡階梯，在微弱泛黃街燈下，訴說這個屬於每一個香港人，疑幻似真的傳奇歷史。

🧙🏽‍♂️ 說書人劉學成：獨立藝術家。帶領大家遊走於西區的大街小巷，在古蹟前娓娓道來我城的塵封往事，道出一段段靈異虛幻的故事， 從中探索城市中不由自主的變遷，在口耳相傳中留住被遺忘了的歷史、文化和人情。回憶裏一同探索人鬼之間的朦朧界線。

🧛‍♂️ 隨團旅人Franky：【輕背包】合夥人之一。喜愛以旅人視角去審視週遭一切。在世界新常態下，享受生活中的每一個當下。對山城情有獨鍾，尤其喜愛流連於中西區半山之橫街窄巷和榕樹牆下。

💀 日期：9月4日（星期六）#農曆七月廿八
💀 時間：7:30pm - ~11pm
💀 費用：農曆七月體驗價 HKD380。已包括旅遊主題cafe自選特色飲品及夜巿小吃、本地遊保險、小費

👽 人數：上限12位

請PM我們報名，先到先得，團滿即止

🔮 溫馨提示：生肖屬貓者，命格與本行程相沖，各位請自行評估潛在利益及風險

以上本地團之代理旅行社為「潛水遊有限公司」（旅遊牌照號碼：353926）；以上本地團及代理旅行社已獲”有條件豁免舉辦本地遊旅行團”之申請。//

【龔成問答信箱】（Q14781-Q14800）

Q14781：

你好，龔老師，好想知銀行月供股系點計？

龔成老師：

簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入盈富基金（2800），假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。

------------------------------------------------

Q14782：

龔sir 你好 有嘢想請教吓 小弟已經33歲 穩定月入4萬2 年年加薪約3-5% 由原本對投資毫無興趣嘅數學白痴一名

到上年年中睇完你本<股票勝經>及<80後百萬富翁>後 好似開咗竅咁 深知長線投資的重要性 亦對股票產生興趣了解 現階段亦拜讀緊你本<年報勝經>及<財務自由行> 同時持有股票:

1手 0939 $5.68入
1手 0285 $10.12入
1手 0388 $239.8入
1手 12 $37.75入
1手 1448 $6.49入
3手 1211 平均價約$39.23xx

問題如下

1) 其實仲想入多隻1257 不過佢嘅合理價係幾多？現時可入嗎？但同時想問你會否覺得我的組合已經太多？

還是每隻股票所買嘅手數太少？究竟一個人持有幾多隻股票先叫合適？自問小弟尚算後生 所以想偏向潛力股類別

2)另外 本人持有現金只有約15萬 因2017年嗰陣用咗50幾萬首期買樓收租 回報約3.4% 同時自己每個月儲$15000 另不定時還$10000畀屋企人(當初借咗15萬畀我買樓) 你覺得我應否將當中月儲嗰$15000扣多少少投資喺股票上？

因我睇過你啲書知道現金只會不斷貶值 另現時又係咪轉按之好時機？

因依家息口較當初買樓時高 我上會嗰陣只係H+1.28(轉按呢家嘢我毫無認識)

3) 我有少少大想頭 我想10年內供滿層樓(上咗會30年) 或者未來兩三年内換樓(因層樓已有30幾年樓齡 想換新啲嘅自住) 甚至唔計層樓 想盡快儲到100萬 你覺得我財富鋪排方面應該如何是好？

因我記得你啲post講過 唔好諗自己做唔到 而係應該去諗 點樣做到

最後 我真係好想多謝你教識我呢啲原本對股票毫無概念嘅人 咩係股票 何謂正確嘅投資理財方法 雖然現階段仍有待改善

但眼見自己身邊唔少朋友 投資股票年資耐過自己 但就講到自己買親邊隻都輸錢(輸成10幾萬都有) 又或者覺得短炒好刺激 我就知佢哋用錯方法

所以好慶幸自己睇完你啲書 先去接觸股票呢樣嘢 希望你嚟緊繼續出多啲新作 小弟一定會大大力支持 祝身體健康 謝

龔成老師：

投資知識的確好重要，你要繼續保持增值自己。另外，你現時持有的股票，都是有質素的，可以長線投資。

1）如果你年輕，潛力股比例可以較多，不過，潛力股由於要求你的投資技巧較高，因此你要有一定的知識，先可以投資較多。

至於持股是否多，要睇你現時總現金比例及股票比例，現時大市合理區，你最好留3-5成現金在手。初步睇，你應該是合適的。

中國光大綠色環保（1257），這股有潛力的，現時在合理區中下部，雖然有長線投資價值，這這都是潛力股類別，我唔希望潛力股佔你組合太多。

2）你現時的$15萬現金，不要動用。至於每月的資金，部分可以做月供，部分儲現金。$10000月供可以。

至於轉按，你可以問下一些按揭中介機構，佢可以幫到你找市場上較著數的計劃，你應該已過左罰息期，一定要問，轉按可能有著數。

3）如果你有一個大目標，就要想「如何做到」，首先，要多少資金，然後，以你現時的儲錢速度能否做到。

我會建議你加強投資知識，同時在這黃金時期，努力儲多少少錢。投資上，你只有一年投資經驗，而股市可以變化好大，因此，一定要加強學習，同時要有風險意識。

如果單靠儲蓄投資未必做到，你就要想一些開發收入的來源，好多野我地每個人都可以做到，但就是無去想，無去做！加油！

------------------------------------------------

Q14783：

成哥，請問九龍倉置業同利福集團點睇吖，前者適合入貨，後者適宜溝貨嗎？謝謝指教！

龔成老師：

兩隻都有質素的。

九龍倉置業（1997）持有大量優質物業，有長線投資價值，不過受香港中短期不利影響，現時股價合理，可以投資。

至於利福（1212），本質有質素，前景正面，不過中短期同樣受香港情況影響，會比較弱，但現價合理區中下，如果你之前貨不過多，現價加注，可以。

------------------------------------------------

Q14784：

龔老師，你好。我已經報咗你的班 ，期待與你見面。但上課前 想請教你一啲財務分配事情。

我先生做生意，我也兼職幫手。 月入大約13-15萬不等。
另外有第二間鋪等接手。
到時應該家庭月入30-35萬。
我先生支出費用：現時每月6萬
到接手第二間鋪時：支出費用大約14-16萬
兩年前，我負責打理佢嘅財務。

我（33y)而家幫我先生(36y)月供20000 (6 , 1038 , 270 , 2388,66,2800,1928)

另外儲蓄（首期置業+生意流動資金用+想大跌市時入注用） 50000-55000/月，現在大約有70萬左右。
另外銀行有個定期200萬 ，十年後可取回300萬。
這筆定期是幾年前先生佢做的
另外，會準備大約100-120萬給兒子3年後 英國留學用。

1，想請問如果想購入800萬左右既樓，首期準備 應該預多少？
2，想請問現時的儲蓄或投資分配適合嗎？
3，想請問15年後，我先生的被動收入每月有沒有80000元？（因他最近問及我）

另外，想分享的是 由於我先生好早前 炒股輸咗錢，所以佢對股票好有戒心，所以我一直都唔敢理佢既資金去投資。

但我最近專注看一些投資書籍（巴菲特傳-永恆的價值、富爸爸窮爸爸、非常潛力股、價值投資勝經和你書單中的 秘密天天練，當然我每天都有留意你在fb分享的資訊）

看我最近這樣，他有點好奇，所以我膽粗粗咁分享「價值投資」既概念 同介紹你比佢認識。 佢開始有啲改變，我相信這是一個好開始

最近你分享 一個年輕人月入七萬時 引起一些起哄。
（話你作故事）

其實我和先生連中學都未畢業，而且好早結婚生仔（我19，佢22，仔仔現在15歲了）
我和先生都係由零開始。

我好同意你之前分享的內容
「只要你想，而且向住個目標前進，不斷努力」

而因為你既經驗分享，和拜讀巴菲特傳所賜，令我最近有意想頂一間小食店舖 ，再創造多一些資金的想像力。

多謝你，你的努力為很多香港人得益☺️
祝你身體健康

龔成老師：

1）你地可以運用高成數按揭去買入，7-9成都可以，視乎你地自己的風險度，以及按揭保險的金額，8成都是適合數。如果8成，你要準備$150萬-$200萬首期。

如果銀行定期部分，能中途取部分，當然較好，但如果唔得，就只有自己動用資金。

2）你現時月供及儲首期現金的模式，都是適合你地的情況，保持進行就得。

雖然月供金額比較少，但如果你地要買樓，都是合適，只有在完成買樓後，才增加月供金額。

3）如果要被動收入$8萬，即是一年$96萬，假設到時投資6%回報的收息股，到時要有的資金就是$1600萬。

我假設你地每月可投資$50000（平均計，因為當你買樓前較少，買樓後較多），投資15年，回報率10%，15年會滾存到$1800萬，相信能做到你地的目標。

最後，多謝你的支持及鼓勵！大家都要加油！相信自己，就可以完成到好多目標，你要保持知識及各方面的追步！

------------------------------------------------

Q14785：

龔老師，我是澳門人，請問下橫琴樓買得過嗎？因為樓價都唔平，我之前投資個寫字樓，到現在都放不出
所以有保留

龔成老師：

我相信，橫琴樓有發展的，不過，都要留意平貴。

這是一個有潛力的地區，但這刻未必完全展現到出來，中央話會加強發展，是重點區，同時近澳門，當澳門土地不足，而又要發展時，周邊地區就會有得益。

因此，橫琴樓不是睇這刻，只能睇前景。但這些因素，一定存有不確定，所以選地方時要小心。面對這類投資，唔可以盲目。

------------------------------------------------

Q14786：

你好老師，最近拜讀了你出既50值博倍升股，對書介紹一隻金界控股有開始留意。

我本身31歲，自己小本創業，有物業租金收入，有穩定現金流，之前都睇你fb而買入了長建，金沙，中銀香港等穩健股長線投資。

自問自己都可承受風險，故想投資少部分買入一些潛力股，你認為金界控股可作長線投資嗎？現價屬於合理或貴嗎？

因自己未完全了解評價股票平與貴，謝謝老師解答。

另外想問埋1177中國生物制藥應該什麼價位入比較穩健，謝謝老師

龔成老師：

如果你未能掌握投資知識，如企業質素評估、企業估值、投資時機等，你集中在平穩增長股，再加上小小潛力股，是較合適的做法。

你上述持有的，都是有質素，可長線的類別。而你可以加部分潛力股。

金界控股（3918）有質素的。現價合理中上部。

佢是柬埔寨最大的酒店、博彩及娛樂運營商，旗艦NagaWorld是金邊市唯一的綜合式酒店及賭場娛樂城，持有為期達70年至2065年的賭場牌照，NagaWorld僱員人數超過5500人。

賭業本身是高毛利行業，而金界壟斷了金邊的業務，加上業務平穩，財務穩健，沒有未償還借貸及債務，企業有一定的質素。

但要留意，金界所發展的是較新興的市場，若然比較澳門的賭業股，金界的增長及潛力較大，但當中的風險同樣略高，因為業務難免存有不確定性，這點你要明白，亦因為這原因，若投資此股，在注碼上不能去得太盡。

至於中生製（1177），$10以下先合理，如果現價入，只建議月供。

------------------------------------------------

Q14787：

老師，我好奇一問，你現在那麼富有，在你為金錢奮鬥時，你身邊有朋友的支持鼓勵嗎？

離開了中學又不是大學生的我，彷彿沒有了可交心的朋友，泛泛之交則多不勝數，令人倍感唏噓，想訴苦，又不想讓以前的中學同學知道自己有多失敗。

反之，中學的一個老師竟成了我訴苦的對象同時成了我的指路明燈，老師，你覺得我失敗嗎？

朋友又無，書又讀唔好，錢又無，一事無成咁aiii好唔開心

龔成老師：

我一向都有一些知心朋友的，部分由小時候已識（我以前住公屋，建立了一些由細玩到大的朋友），讀書時期都有知心朋友，反而到出來做野，真正交心的，就開始少，現時好朋友都是結識了多年的。

其實，每個人的情況、性格都唔同，你唔可以話自己失敗，只是某些地方不算強。

你這刻要做的，是多欣賞自己，找到自己的興趣、強項，集中發展。同時，你可以多睇正面書，多做運動，對你的積極性都好有幫助。

加油呀！你先由你自己的內在情況開始改善，之後就可以改善外在的環境！

------------------------------------------------

Q14788：

成哥，我之前聽你說投資科技板塊，月供富蘭克林環球科技基金二年，每年境然有＋10％，我好感激，想投注多另一板塊，求指引

我兩妹和同事都冇買你書，各有得著，易讀易明，但我工作忙不許上網，跪求你推介多一個板塊

龔成老師：

如果你無時間選股，管理股票，投資基金是一個不錯的選擇。

不過，科技類是潛力類別，同時有風險，因此，你不能佔組合全部，只可以佔一部分。

我會先建議你投資穩健部分，例如盈富（2800），以及一些地產類別，之後如果可以承受風險，就加小小在潛力行業，例如醫藥（我相信長遠有增長力，不過，中短期會比較波動，因此，投資宜分注，長線，唔好單睇一年回報，要耐心等多年）。

------------------------------------------------

Q14789：

龔成老師你好,

本人30歲，上了你的股票班，今年會上你的進階班!

目前月入5.5萬儲一半,有一定備用現金應對大跌市, 希望可以50歲左右財務自由,每月有五至六萬被動收入

策略:
1. 月供+
2. 價值投資於個股低位或大跌市時分注入優質潛力同平穩增長股+
3. 發掘潛力股+
4. 儲存到的首期轉為物業

打算今年一月開始月供股票$15K:
盈富#2800 $5000 (水桶 2)
港交所#388 $2000 (水桶 2)
港鐵#66 $2000 (水桶 2)
保誠#2378 $2000 (水桶 2)
銀河#27 $2000 (水桶1-2)
中生製藥#1177 $2000 (水桶 1)

現在持有40萬股票組合:
2手恒地#12 (水桶 2)
3手吉利#175 (水桶 1)
1手港交所#388 (水桶 2)
1手騰訊#700 (水桶 2)
2手長實#1113 (水桶 2)
2手中生製藥#1177 (水桶 1)
2手比亞迪#1211 (水桶 1)
2手福壽園#1448 (水桶 1)
8手中銀香港#2388 (水桶 2)
16手環球醫療#2666 (水桶 2)
1手盈富基金#2800 (水桶 2)

我打算將組合比例逐漸調到60％水桶1，40％水桶2
1. 請問我月供股的選擇同比例是否恰當?
2. 我現在持有的股票選擇同比例是否恰當?
3. 我每隻股票水桶(1/2/3)的區分正確嗎？
4. 如果之後有加拿大物業，應該比例上香港地產股要少D嗎?

先謝謝龔成老師!

龔成老師：

基本上，你現時的投資策略、方向都是正確的。保持月供以不斷增加優質股票，同時儲現金，在現時大市只是合理區，未到平宜區的情況下，留一定現金等機會入市。

1）你現時股票，以及月供比例，大致都適合你的年齡，如果你想將組合調整到水桶1有6成，你月供的部分，要加翻多少少在水桶1。

水桶1類別由於風險略高，因此比起一手手模式買入，月供能更有效分注，因此，如果你本身打算組合變成6成水桶1，月供部分都要增加翻水桶1的比例。

2）持有的都是有質素的股票，基本上比例適合。

3）大致正確。

我相信騰訊（0700）是水桶1、2之間。

4）如果本身有外地物業，地產股的比例的確會少翻D，因為當我地考慮組合的分配時，會考慮整個財富組合的比例，如果平衡風險。

------------------------------------------------

Q14790：

我想買樓，但壓力測試差少少，想請教有無方法可以解決。

小妹29歲，月入29k, 股票50萬，現金30萬，我睇黎梗半年股市會升完，到時我會放晒股票，而且樓市現時已跌到我認為合適既價格，想將畢錢用作首期，買400-450萬既樓。

但400萬樓，借8成，壓力測試都要31k,我差少少先meet到，唔知有無方法可以解決呢？

龔成老師：

你可以找「擔保人」，這都是常見的做法，佢最好無負債在手，你可以向銀行了解多D具體情況先，銀行會考慮佢的入息與負債水平。

另外，你現時現金$30萬，即是要賣出股票先能有足夠首期，建議你分段賣出，不要一次過在買樓前才賣出。無人知之後股市會升定跌，特別是短期。

因此，你一次在等半年後才賣，若不幸到時股市下跌，對你資金會有影響，因此，我會建議你在這半年，分開幾次套現，這會比較平衡風險。

------------------------------------------------

Q14791：

老師，我有一個情景想請教: 如現在持有一層450尺兩房單位，值得加按去買多一層520尺兩房嗎？

而個idea係你其中一個書提及過，450尺可以放租，等租客供，520尺現在800萬，我會以八成上車，我的工作穩定，供得起的。老師你會點睇而件事？會唔會唔太值得去變多層出來？因為樓市的回報的確不及股票市場

龔成老師：

現時的香港樓市，投資價值都有，但不算高，自住價值則較大。如果你本身已有物業，就不用心急做這動作。

你的方向是可以的，但考慮到現時資金的回報率，股票仍比物業高，加上你進行上述動作後，會令你財富組合較集中在物業，風險會有所提高，因此，你都要對應提高翻「要求回報」先得，即是要等物業再跌多D，先會考慮。

如果物業再跌多8%-10%，我相信你這行上述動作的值博率會更高。

------------------------------------------------

Q14792：

你好成哥，我是一個對股票O認識我想試下月供股想知道應該是怎樣買同埋應該邊到做好銀行定股票行，因為我想儲返D＄所以學下投資我應該怎樣開始

本人已經四十歲三位兒子媽媽，好想學下投資

龔成老師：

簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入盈富基金（2800），假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。

你可以去匯豐、南洋商業銀行，都有提供月供股票的，進行前可了解佢地的手續費先。

以你的年齡情況，我建議你初期只供盈富（2800），每月投資部分資金，不用太多，慢慢等你有知識後，先增加其他股票及金額。

------------------------------------------------

Q14793：

Hi 成哥，本人有一筆六十萬銀行貸款已借，息率約4里.分5年還 本身亦有每月約1.5萬收入，想睇睇有咩建議利用這筆錢最為合理或可追回貸款息率.

龔成老師：

利率4%，一般的收息股股息5%、6%，未算有足夠的投資值博率。

建議你投資平穩增長股，盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。

不過，現時大市只是合理，不算平宜，你唔好用盡資金，部分分注入，部分等機會，先有較高回報。

如果可以承受風險，可在組合加少少潛力股，才可以有效提高回報。

以你的情況，建議你多增加投資知識，在選股、企業估值、投資時機上落功夫，對你財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q14794：

老師你好，我依家26歲，月薪15k左右，現時月供盈富同港鐵，各2000，供左7個月。手上股票仲有中國鐵塔（14000股），流動資金大約15k。我想問下，我投資方向正確嗎？

另外，如果我想十年後可以儲到300萬，照依家咁投資方式，可行嗎？或者需要更改投資策略嗎？謝謝你

龔成老師：

你上述3股都是有質素的股票，而前兩隻是平穩增值，中國鐵塔（0788）是潛力股，分配是適合你的。

如果你想10年後有$300萬，你每月要儲到$15000以上，加上投資，才有較大機會做到。

你可以做幾樣野，第一，增加收入，你要有本金，有本金先可以滾大財富，你要盡一切的努力，開發新收入來源，同時盡力慳錢，儲更多的本金。

第二，提升投資知識，如果你要打上$300萬，就要有較高的回報，建議你在選股、企業估值、投資時機上落功夫，對你長遠財富有好大影響。

第三，每星期研究一隻股票，你要花時間去發掘股票，要不斷選股，以分析企業的方法進行，仔細睇企業的發展，尋找有潛力的企業，在市場發現前投資，如果你想要有高回報，就一定要花時間進行這一點。

------------------------------------------------

Q14795：

老師，想問下345維他奶，之後高位39元入了，但現價越來越低，而且市場對佢前景不看好，你意見如何？請指教

龔成老師：

維他奶國際（0345）本質不差，佢其實在質素上，無大變過，前景仍是正面，不用擔心。

只是市場對佢期望太高，一直估佢有高增長，現時發展佢原來只是一般增長，因此，股價受壓。你的買入價在貴水平，就算現時股價回落，這刻股價仍未算平，不過，這股有得守，但就要耐心一點，因為要上翻去貴並不是短期能做到的事。

------------------------------------------------

Q14796：

老師，係米每隻買入的股票都要長期監察分析住佢？好似滙豐甘，都估唔到而家得$60。好多人都覺得呢間公司有質素，即係公司質素會一直變？

另外我而家月供緊比亞迪，還可以繼續嗎？

龔成老師：

對，我地要持續睇公司的。

我地買股票，即是買入企業，我地要持續關心企業的業務情況、前景，因此，企業的質素、估值，都會因時間而改變。但這穩變的速度，不會象每日股價般變得咁快。一般來說，每半年都會再檢視一下企業情況，又或發生大事都會檢視。

匯豐（0005）的情況，就是這股由10年前，處於好優質、好好賺的企業，變成之後的優質度中等的股票。這刻仍有質素，但增長力不強，只是收息股。

至於比亞迪（1211），這是潛力股，要睇長線，你可以長期月供。

------------------------------------------------

Q14797：

您好，阿sir，之前您提過股票組合同一類型唔好多過30%，請問個比例係咪用買左幾多手股票再乘以現價去搵出佔成個餅既比重？

已經買入
66 - 2009股
270 - 1000股
1211 -1000股

現時留意緊1448，12，178。因為唔可以月供，所以好努力儲錢中!

日頭返工做學徒，夜晚返夜校進修，晚晚訓得5、6個鐘！
好彩阿sir您時不時發放正能量為我打氣，多謝您，感恩遇到您

龔成老師：

我地計算比重，會用現股價計，你持有該股市值計算，由於股價每天都會變，因此，大約就得。

另外，在累積財富的初期，因為資金少，所以就算集中少少，都可以。但之後就要建立更平衡的分配。

現時持有的，以及打算買入的，都是有質素的，整個投資策略，長期進行就得。

你要加油！將來的你一定會多謝今天的你！

------------------------------------------------

Q14798：

老師，你好。我之前平均價28.4買入左4000股金山軟 3888 ，坐左好耐，見佢升返啲係咪應該放。

同埋我好傻咁77.5入左2000股滙豐 0005 ，求老師賜教建議，謝謝。

龔成老師：

金山軟件（3888）業務有質素，有發展潛力，不過現價唔平，處略貴水平，而你的買入價同樣略貴。

這股潛力不少，但考慮到貴的情況，只建議小注，如果你本身持貨較多，建議賣部分。如果持貨不多，長線持有無問題。

至於匯豐（0005），雖然有質素，但增長力不強，只是收息股。要睇你是否接受，這筆資金往後會保持股息，但就無乜增長力，持有，還是轉其他有增長力的。

------------------------------------------------

Q14799：

龔成老師你好！受親友紹下得知你的專頁，看過後改變了對股票的看法。現時正月供2800，想找一隻潛力股月供。

請問老師對新天綠色能源 （0956）有何看法？ 謝謝！

龔成老師：

盈富（2800）是很好的月供，你最重要是保持長期進行。

新天綠色能源（0956），業務與潛力不差，但這股有風險，如果你本身投資知識與經驗不多，不建議供這股，建議你先找其他平穩增長股去月供會較好。

------------------------------------------------

Q14800：

龔成老師，你好，想問下我宜家有10萬現金，想一年內翻倍，可行嗎？

應該如何投資？
謝謝

龔成老師：

一年內一倍，這是一個好高的回報，會比較難。

首先，當你要求較高的回報，要承受的風險度往往都會提高左，你要明白。另外，你要有一定的選股等知識，例如你要比市場早一步找到潛力股，但這要經過學習，在選股、企業估值、企業質素評估都掌握，同時要不斷分析企業，先有機會做到。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

呢個行山Package幾正喎 !

https://www.facebook.com/566461650500243/posts/676136192866121?sfns=cl

【🍁 秋日健行 🏞專家分享行山前準備】

秋天快到，又係行山好季節。熱愛行山嘅你，如果已經行過香港無數山峰，不如挑戰日本近飛驒高山嘅上高地？邊行邊欣賞沿途嘅日本阿爾卑斯山脈，影吓相，健康又寫意！ Humansa仁山優社 康健專務 將於11月舉辦「6天日本上高地健行之旅」，屆時有行山專家盧慶陽博士擔任行程策劃及領隊，有興趣參加嘅朋友可率先睇睇行山前準備。

行裝
‧以輕便簡單為主，建議揹背囊
‧帶備行山仗作支撐，可減輕雙腳嘅負擔

衣物
‧宜選舒適、透氣度高及快乾物料
‧由於位處日本阿爾卑斯山谷之間，所以氣溫比山下較低，建議隨身帶備輕薄嘅羽絨或外套
‧上高地嘅山路屬於易行路線，一般舒服嘅運動鞋已可應付；如果想加倍保護雙腳，可穿有避震效果嘅行山鞋

補給
‧視乎當日行山時數，應帶備足夠嘅水
‧登山後沿途只有極少補給點，建議可帶朱古力、果仁、麵包或能量棒等小食

***** 6天日本上高地健行之旅 *****
日期：2019年11月3-8日
參加者：40-75歲
名額：20人
費用：$18,000/位（已包機票、稅項、住宿及導遊費）
2人同行：可享共$400回贈

***** 上高地健行之旅行程簡介會及健行安全講座 *****
日期：2019年9月23日（星期一）
時間：2:30 - 4pm
地點：九龍觀塘鴻圖道73-75號 KOHO 9C Eureka Nova
費用：免費

***** 攝影技巧工作坊 *****
日期：2019年10月19日（星期六）
時間：10 - 11:30am
地點：九龍觀塘鴻圖道73-75號KOHO 9C Eureka Nova
費用：免費

活動詳情：http://bit.ly/2PWHFXJ
預約查詢：http://bit.ly/2XgpDPv
有關Humansa：http://bit.ly/2XkBOLq

旅行社：專業旅運有限公司 (牌照號碼:350709)

----------------------------------------

#健行 #行山 #秋日 #秋天 #日本 #上高地 #日本行山 #行山專家 #行山前準備 #日本阿爾卑斯山 #運動 #日本上高地健行之旅 #行山好季節 #Kamikochi #Japan #hiking
#Humansa #仁山優社 #康健專務 #醫養合一
#CentresAroundYourWellbeing