關於 打 完 飛機 做運動 ，我們在網路上蒐集到這些相關的討論、資訊與評價

深夜，又說一點真話。

有些被訪者我是由心的佩服的。

像威廉，得絕症，死不去，所有人都會認得他。做生命鬥士，面對我不能理解的壓力，面對那些麻煩的行政程序，他看過的生生死死死死生生，再可怕再低劣再賤格再齷齪的人，他都可以四兩撥千斤。

而他的理性，比我還要瘋。真心說一句，很多人說「不想看假新聞」，是假的。他們想聽假新聞，他們想聽他們腦內已認定的事情　真的。

只有他，可以如此直截了當，正面面對這些奇形怪狀的打氣／飛機post。

～～～～～

睇到呢個post，尋日同朋友講起《誣罪審判》，911那個嫌疑犯什麼的，聽咗兩個電話就坐三年了。

現在你跟我說制裁制裁到仔仔女女仲有得遊山玩水，去美國大學受高等教育？講出黎都笑死人啦。

連現實都認唔清，然後就話自己想改變世界。我估我大概想像到大家諗乜野。呢個想講好犬儒，講出黎都唔會多like。唔講啦。我今日畀人教訓我做人要現實d，唔好真係以為大家中意聽真話。香港人痛到而家剩係想畀人呃，唔好再迫佢地面對現實。總之以後出 post 有like 先好出。

我有時會覺得，好多自稱捍衛言自由既人，其實面對藍藍黃黃各式衝兵，都係話到口邊留十句的人。我唔會話佢地虛偽，我只會話佢地成熟，同埋容許「自己」無聲無息咁消失啫。

我做人最錯既事，就係咩都認真做。面對世界我認真，面對讀者我認真，面對朋友我認真，面對做人底線我認真，而唔知點解到今日仲有d 朋友（有時見到d 網民係度同我真果d 朋友放毒針，話同我frd 會害死我果d，佢地知唔知我同果d人真係朋友，就唔會畀你一兩句離間到？sorry sorry，我真係比佢地想像中多朋友同相信朋友，有d朋友到今日仲對我不離不棄，有d就利用完我就算，我都睇得清清楚楚既），我先可以接受呢個難捱既世界。

十二年前，我同當時最好果兩個朋友係新宿飲野。我記得我講過：「如果我而家將我屋企所有人同所有朋友搬去東京，我覺得我ok既。生活得ok，錢唔賺得多但我每日都覺得自己有d進步同學到d野。」你呢？你會唔會搵到一個生活方式，係你覺得你每一日都有d進步，同埋每一日都學到d新野？

今日，我收到個message，我覺得呢一句好精彩，好值得送畀大家，就當係六月過去，七月到來嘅小禮物：個個係ig 都睇埋d 心靈味精水，話要見字飲水，見字坐直，好好做人，好好做運動。屌，有幾多人真係好好做運動？你一日行到半個鐘路你已經好叻啦？真係有好好飲水，坐直，做運動既人，做半年你一定有d成績畀大家睇。日日對住個面書同埋telegram 哭喪有用咩？成日話你講野冇用冇用，咁真係叫人好好做人，好好生活，好好做運動，好心果d人，做下先啦。做完知有用，好似我咁，咪幾好囉。若然佢地做人認真d，睇完心靈味精水之後一日可以做一小時運動，半年都做左150個鐘至少。我唔信佢身體會冇改變囉。」

＃好好做人
＃好好做運動
＃心靈味精水

第二回－房事

【2021年香港房事排名位於亞洲倒數第二，平均每月3.7次，一星期不足一次，僅比日本的三次多一點，離婚之夫妻房事數值均低於平均數，擁有一個健康和穩定的性生活是每對夫妻不可為缺的部份。

檢測到過去一年，劉俊文及李倩盈夫妻只進行過六次房事，達到滿足標準的次數為零，危機級別是最高等級，發放特別新手任務。

任務目標：達到一次雙方滿足級別的房事一次
任務獎勵：新手特別禮包
任務時限：一星期
失敗懲罰：婚姻系統將宣告二人失敗，建議離婚處理】

比起系統發放嘅任務，劉俊文更在意嘅係，原來過去一年嘅房事，竟然連一次滿足都無：「李倩盈你都幾好演技喎，唔係系統話我知，我都唔知原來你一直都係唔滿足嘅，即係有幾次你都係扮出黎啦！」

「劉生，我唔滿足你怪我啊？點解你唔檢討下自己？我唔滿足仲要扮滿足去令你有成功感，講我都覺得自己可憐兼偉大啊！你估我做戲唔攰啊？明明唔開心仲要扮到好享受，你次次都問我黎未啊黎未啊，爽唔爽啊，你勁唔勁啊，大佬啊，你依家係做訪問定扑野啊？我要答問題定要享受啊？唔通你問我黎未，問我爽唔爽，我答你有排啊！！唔爽啊！！！你唔勁啊！！！！咁啊？依家好啊，系統幫我講出心底話，我只可以同你講，劉俊文我真係對你無期望好耐喇！」李倩盈將心底說話完全講出，個人係咁震，係激動同舒暢嘅震，呢堆說話佢想講好耐，只係無機會同無勇氣去講出黎。

劉俊文都激動咁講：「你唔舒服唔享受，你講啊，你唔講我點知，你講我咪改，我可以慢慢黎可以跟你意思做嘛！我又未做過女人，點知點先為之舒服，點先為之滿足啊？男人好簡單，射左就係完成，女人無路捉喎，你演技又咁好，呃我之餘呃埋你自己，咁你對於呢件事嘅解決方法咩？」

「其實你知唔知你有咩問題呢？成日都要預約先至做，點解要講明聽晚要搞？有心情都比你搞到無心情啦？呢種事係自然發生，唔係要約嫁！」

「喂小姐，我返工好攰有時又要OT，我知道聽日得閒可以收早，我同你講定你又唔喜歡，然後有時我突然同你講話想要，你又話我變態，話聽日要返工，唔想，咁即係幾時？我係男人黎，我有性需要嫁，你知唔知有時我喺你訓左之後喺你身邊打飛機係幾唔開心，我有老婆都仲要打飛機，連朋友都唔敢講啊，我怕講出黎會比人笑啊！」

「你返工攰又唔比我攰嘅？女人唔係要發洩，係要情調要情趣，你突然間話想要就要，你當我係咩啊？飛機杯啊？」

「講真我真係用飛機杯都好過求你，起碼飛機杯唔會又呢又路，比人拒絕你估開心啊？其實你係唔係有性冷感呢？如果係嘅我都易理解少少。」

「我性冷感？不如話你自己毫無情趣又無耐性，點解你從來都唔檢討下自己，將所有問題都歸咎比其他人呢？」

【經系統評測，劉俊文先生性能力係正常，而李倩盈小姐亦無性冷感問題。】

「嗱，你就性冷感啊！」

「我夠性能力正常！」

【資料上顯示兩位宿主都曾經享受過滿足嘅房事，希望宿主可以搵出原因，達成任務】

「哈，要做唔係問題，但滿唔滿足唔係我可以控制，劉生如果你想完成任務就麻煩你比少少心機檢討下自己。」

「我檢討？好啊，不如按你方法去做，我跟足你要求去做，咁你滿意啦！但麻煩你講得清楚少少，唔好講到模稜兩可！」

「痴線，我可以點講啊？喂，你咁樣入，你加速20％，個拍子要點點點啊？對唔住，我真係講唔到你知點做。」

「用我方法你又唔滿意，但你又講唔出應該點做，我有理由懷疑你係有心為難我！即係你同你學生講做得唔啱，你都要講要點做去改正先啦，你平時係咁教你班學生咩？」

「要我一步一步教你點做，你覺得咁真係會令我覺得開心咩？女人需要嘅係你做左一種我哋需要嘅野，唔通你教住我點同你做，我跟住你做你就會好開心？」

「喂如果你肯，我真係好開心啊，但平時我叫你轉個姿勢你都唔肯，你覺得我開心咩？你頭先聽唔聽到，滿唔滿足係你同我都唔滿足啊！唔係叫射左就滿足，男人都唔係咁簡單就打發到啊！」

「算喇算喇，我唔想同你去爭執落去，唔會講得你明嘅，呢點我呢一年唔清楚咩？完成唔到咪完成唔到，依家你叫我同你上床，我真係會喊住咁做，肯定唔會滿足。」

「你覺得我想講咩？我想解決我哋之間嘅問題，但你明唔明我一路做都發現好似改變唔到咁，你覺得我唔難受咩？」

【系統偵測出爆發臨界點，請兩位宿主暫時分開冷靜，好好思考雙方感受。】

兩人暫時分開，因為佢哋都好清楚再嘈落去無結果，呢種情況發生得太多。

然後兩個分別係自己嘅兄弟，同閨蜜群組裡面求救。

「兄弟們，認真問，到底點做先可以令伴侶得到滿足嘅性愛呢？」

「嘩，咁簡單嘅問題你都問，三點，靚仔，有錢，大揪，就係咁簡單，但劉生你好似無樣中喎。」

「妖，認真啊，我真心求教，麻煩你哋比實際可行嘅方法我好唔好？」

「做乜啊？你俾老婆彈鐘話你唔掂啊？」

「印度神油同偉哥可能幫到你！」

「不如我講白少少，如果解決唔到呢件事，我會同老婆離婚，所以唔該你哋求下你哋唔好玩膠！」

「情況咁嚴峻，我收聲，其實我同老婆都好少行埋，Sor Bro，比唔到咩Advice你，同求解決方法。」

「其實你哋結婚三年，少行埋好合理喎，講真，日見夜見仲邊有咁好心情搞野呢？我都係大時大節應吓節就算……」

「你咁問得，即係你老婆唔滿意，咁佢唔滿意邊部份先？你太細？你太快？你太悶？你唔比多少少背景資料我哋好難幫你分析喎。」

「唔……呢一年我同佢行埋十隻手指數得晒，講真，我都覺得好唔滿足，每次都係同一地點，同一流程，同一時間……」

「呢個問題好明顯，對手悶喇，不如你幻想吓，如果同你做嘅係一個未做過嘅女人，所有問題都唔會係問題。」

「雖然肥仔講嘅係好刻薄，但佢帶出一個好好嘅方向，既然你都知時地人流程都係一樣，咁不如搞下新意思，例如出去Staycation換個地方，玩下角色扮演同玩具，又或者飲吓酒睇吓AV，情趣呢樣野幾時都係咁重要。」

「會唔會係前戲唔夠嘅問題？試吓用按摩油，用完再手口並用，之前我同老婆試過好Work……呃……就係太Work所以又有一件……諗起都有少少後悔，記得戴套啊兄弟！」

「前戲唔單止係接觸嘅，你做好晒家務，買個包包，播吓歌，點吓香薰蠟燭，有Mood自然就會有好心情。」

「兄弟們，其實你哋講嘅有好多我都試過，除左買包包……但買包包先會有滿足嘅性愛會唔會太傷荷包呢？照你哋咁講我一年最多咪扑得兩次……你哋都知我老婆唔太飲酒，佢最憎我睇AV，要佢同我一齊睇咪盞死多兩錢重，唔好話玩玩具，佢連角色扮演都話變態……上次我話扮學生，佢即時話我侮辱佢嘅工作，嬲左我足足兩個星期，唔好玩我啦……」

另一邊廂……

「姐妹們，到底點先可以令男人知道點滿足自己呢？」

「無可能，死左條心佢！」

「咪就係，男人只係識得大力同快，佢哋係唔識分痛到叫同爽到叫嫁！」

「之前你咪話你老公想離婚，今日去簽紙，做乜啊？依家又唔離喇？咁我都安心啲！」

「係喎係喎，你今日離婚，搞掂未？我應該恭喜你定安慰你好？」

「無簽到啊……個衰佬話想同我再試下改，咁我都唔想離婚……咪同佢再努力一吓囉。」

「你決定再努力都好，我哋成班姐妹都會支持你，但點解咁突然唔離婚又想探討點先滿足，係唔係你老公想要分手炮，喂，咁真係又食又拎，你唔好信啊！」

「唔係啊，一言難盡，總之當務之急係我需要知道點先可以有一場雙方都享受嘅性愛，如果搵唔出呢個方法，我就應該會離婚喇……」

「如果用你呢個定義去決定離唔離婚，咁我同我老公都應該離婚啦，個肥仔佢成日大爺咁訓係度，唔好話滿足，我仲要出力啊，諗起我就嬲！」

「班男人最大問題就係佢哋睇左十幾廿年AV，睇到覺得AV入面嘅係真，班女優每次拍都收錢，十萬十萬咁收，梗係落力同開心啦，試下我老公比錢我，我都叫到拆天啊！」

「咪就係，又要護士又要空姐又要學生，睇到壞腦，仲要跟足佢哋流程做，攰過湊仔，我敷吓面膜訓吓仲舒服，我已經無慾無求喇，反正湊仔都夠我攰，上次同佢做做吓個仔醒左，上半場都勉強叫開心，點知我氹完個仔訓之後，見到個死佬都訓埋，個次之後我就嬲到唔肯同佢再搞！」

「你湊仔都好，我同老爺奶奶一齊住，夜晚要偷偷摸摸咁搞，仲要忍住唔好嘈親人，我同老公講要搞就出去酒店搞，但奶奶又話我嘅有屋企唔返，晒錢出去租酒店，我就係唔想同佢同屋先出去住啊！！！！！！」

「認真最開心嘅真係初初相識熱戀個時做，對方做嘅一切都好令人期待，有時氣都未回就突然再戰，唉……真係往事只能回味啊……早排我試過突然錫我老公，佢好驚咁問我發乜神經，咩料啊！」

「姐妹們……我係想尋求解決方法啊，唔係鬥慘大會，Cheer up girls！唔通你嘅唔會覺得咁落去你下半生同下半身都好慘咩？」

再返返去男士們嘅對話……

「嗱，我問左全能嘅Google大神喇，夫妻重燃情趣方法有，Staycation、性玩具、性愛大富翁、轉換場地、改變情調、角色扮演、增加情趣細節，呢個係性治療師比嘅Tips，你參考吓啦！」

「我都睇左有關身體方面嘅方法，每日做深蹲、做運動、唔好打飛機、食含有鋅嘅食物好似生蠔、黑朱古力嘅苯乙胺都對性方面有幫助，至於偉哥呢樣野你就要問醫生喇！我仲搵到清水健嘅壯陽餐單，你參考吓啦！花椰菜、紅蘿蔔、菠菜、小番茄、山藥、秋葵、南瓜、地瓜、水煮蛋、雞里肌肉香腸。有時也會有菇類、芽菜、高麗菜等。他也會隨身攜帶高蛋白低脂肪的雞里肌肉棒、雞里肌肉香腸、高蛋白飲料、蛋白棒，肚子餓時就吃一點來補充能量。」

「事前準備都好重要，沖涼、剃鬚、噴少少香水或者爽身粉、剪指甲、用漱口水、換床單、播音樂、點蠟燭、最好時間係晚餐後兩三小時。」

「咩九淺一深、螞蟻上樹、神之手你都識啦，我就唔重提喇，大家咁耐兄弟，我傳授我最有用嘅一招比你，你好好記住，忍唔住就記得係心入面讀 看看威風的他 雙腿好似摩打 扭波踢波頂瓜瓜 有嘴巴的都讚他 身手最啿誇 小子志可嘉 陣法腳法日練夜練 真功夫冇花假 攻呀攻 快搶攻 射呀射 射它吧 扭得好 踢得鬼馬 可稱霸只有他！至於個Beat你都識啦！」

「嘩……真係唔夠兄弟都唔會教你呢招，劉生下次你見到佢有乜要我幫手嘅即管講，正義只會遲到，從不缺席！」

「我從來都未見過你哋班死仔咁認真，除左死肥仔之外，點都好，多謝你哋，我會盡量做，祝我性福啦！」

「講真，扑野要搞到咁複雜，我真係寧願打飛機算喇……」

「X2」

「我已經打緊了！」

「諗返起當年我講過，結左婚一齊住之後要日做野做，我真係覺得自己好傻好天真……」

再返返去女士們嘅對話……

「咁多年姐妹，呢套睡衣成二千銀我自己都唔捨得買，但為左你嘅下半生，今次我大出血都要喇！」

「我幫你Book左四季今個周末嘅海景套房，個浴缸好大，夠兩個人一齊浸，祝你成功啦，幫到你嘅唔多，加油啊盈！」

「呢排我手頭緊緊哋，但我都送支靚酒比你啦，你唔飲得，比佢飲多少少，唔係醉左訓左就弊傢伙喇！」

「姐妹們……突然要你哋破費真係唔好意思，小妹將來一定報答返你哋，Love you all，有你哋我就算點都唔怕喇！」

「倩盈，其實女人要嘅係愛，有愛就會開心同舒服，我哋幫你嘅只係輔助，如果你同一個唔愛嘅人做，你準備再多都無用，你明啦。」

「係啊，我老公有時突然間講句肉麻情話我已經會好想要，但偏偏呢種事係可遇不可求，祝福你！」

「講得無錯，唔好太刻意，隨其自然啦，越急越慌只會令自己緊張到享受唔到，Relax！」

「今晚等我幫你問吓我老公點先最開心，如果有參考價值嘅我再話你知！」

「唉講起我真係好耐無同老公行埋喇……唔知佢今晚會唔會對我有表示呢？」

「著返套戰衣先啦！」

「我依排肥左好多，都唔知著出黎有冇反效果……」

兩邊嘅討論開始進入閒聊狀態之時，劉俊文同李倩盈都分別收到系統嘅通知。

【叮，恭喜宿主，因為你為對方著想去做準備，獎勵積分100分，希望宿主知道無論方法係好係壞，只係你係為對方著想，希望兩個人有更好嘅未來，就已經值得獎勵！」

劉俊文望住唔知有乜用嘅分數心不在焉，佢忍唔住問：「系統，頭先我班兄弟講嘅野有冇用？係咪我跟住做就會令倩盈得到滿足啊？」

【除咗唱足球小將之外，其他方法都未嘗不可，會有效提升身體、心情、環境等因素，宿主請繼續努力。】

「喂，系統你答非所問喎，即係你覺得唔一定有用啦，咁我可唔可以問你我到底應該點做先會成功？」劉俊文並唔蠢，如果係有用，系統點會講呢種模稜兩可嘅答案。

【章博士設計嘅系統並唔會提供直接答案，需要宿主從了解同思考中得到真正屬於你同伴侶嘅答案，但你可以用一半積分換取一個提示錦囊，溫馨提示，積分清零同時等於任務失敗，請小心運用分數。】

劉俊文望一望唔知有乜用嘅200積分，剛剛突而奇來賺返100，依家用返100分去買提示，都只不過係打回原形姐，咁總好過唱足球小將嘅：「系統我決定換錦囊！」

【成功換取錦囊，劉俊文現時積分為100分，錦囊生成中……請稍等……是次提示為，需要】

空氣變得寧靜，劉俊文開始覺得唔對路：「喂，系統你……唔係已經講完喇嘛？需要？需要咩啊？你正奸商，仲姑寒過我課金抽蛋，喂，喂，應下我，你係唔係死左機啊？」

【成功掃描系統，一切正常，請宿主放心，章博士講一半唔講一半嘅作風，係唔同時空都係出晒名，希望宿主明白並非系統玩野，比起閣下兄弟提出嘅意見，本系統覺得更有價值，請宿主盡早參透。】

而李倩盈方面，佢都忍唔住問系統一個問題：「到底我享受唔到，係唔係我嘅問題呢？」

【宿主請勿自責，章博士提過，夫妻之間出現問題從來都唔係一個人責任。】

「唔係一個人責任……咁即係我都有責任啦。」女人嘅直覺好敏銳，抽出系統字句上嘅重點。

【對，就房事方面，兩位宿主均有責任。】

「咁我責任係咩？」李倩盈心急地問。

【章博士設計嘅系統並唔會提供直接答案，需要宿主從了解同思考中得到真正屬於你同伴侶嘅答案，但你可以用一半積分換取一個提示錦囊，溫馨提示，積分清零同時等於任務失敗，請小心運用分數。】

「依家我有600分，換一個錦囊係300分……好啦……換啦換啦……」李倩盈無奈地講。

【成功換取錦囊，李倩盈現時積分為300分，錦囊生成中……請稍等……是次提示為，被動。】

「吓？被動係我嘅問題？即係我要主動咁去同佢做先叫好？性格嘅野點改啊，我真係唔鍾意主動咁去奉承佢囉，咁我算乜啊……」李倩盈紅住面咁講，佢一向都係被動地做，亦係好多女人對性嘅方式。

【宿主請自行理解提示，兩性關係在於思考，並非提供做法照做，請宿主努力。】

「我終於知道平時劉俊文聽到我講似有還無提示嘅感受喇……有時唔想就係唔想，你叫我主動我真係會開心咩？到底阿章博士明唔明白女人啊？」李倩盈對於呢種提示下意識就係唔想接受。

【章博士生理上係百分之百男人，對於女人心理係從日積月累理解之中形成經驗，請宿主努力解讀提示，本系統從來都唔會對宿主不利。】

「好喇好喇……咁我可唔可以再買一個提示？我想知道點先可以過到呢關。」李倩盈計計自己分數，仲有300分，再買一次得返150分，都比劉俊文多，係無辦法之下，佢唔想單靠姐妹們嘅分析，因為以佢所知，佢哋嘅房事都唔係太愉快。

【成功換取錦囊，李倩盈現時積分為150分，錦囊生成中……請稍等……是次提示為，最後一次。】

「喂啊！系統你講白少少好唔好啊！咩最後一次，你係指我應該用最後一次同佢做嘅心態去做？定我同佢真係最後一次做啊？」李倩盈開始覺得系統嘅提示聽完仲令人煩惱，有少少後悔買錦囊。

【既然宿主無信心完成任務，即將面臨離婚，咁不如盡情去享受同一個曾經愛過嘅人最後一次嘅性愛，如果呢次係最後一次，你會想同佢點做，呢個問題你需要考慮清楚。】

兩個人終於各自返到屋企，劉俊文只係對李倩盈講左句：「返黎喇？」

然後相對無言，今次嘅任務，對於好多人講係一種秘而不宣嘅問題，減去好多身體上有問題嘅夫妻，好多有能力又有需要嘅係房事上得唔到抒發，最後演變出唔同嘅問題。

床上兩人各自思考，諗得再多，都只不過係自己嘅一廂情願。


【現時劉俊文及李倩盈夫婦的狀況如下：

婚姻等級：新婚夫妻
共同積分：250
劉俊文積分：100
李倩盈積分：150
階段：零
特別新手任務進行中：兩人於一星期內需進行一次雙方都滿足的性愛
成功獎勵：新手特別禮包
失敗懲罰：離婚
劉俊文錦囊提示：需要
李倩盈錦囊提示：被動，最後一次
第一階段任務：尚未發放
第一階段緊急任務：尚未到達開啟條件
積分任務：尚未開啟】

－－－－－－－－－－－－－－－－－－－－－－－－－－－－

下回預告：

有人話，新對手就係最好嘅對手，每個人都喜歡新鮮感，所有第一次都係令人期待，但一次生兩次熟三次大結局，對於一個同你走埋下半世嘅人，新鮮感真係最重要嗎？

有人話搞搞新意思，當你一次用一招，一百零八招用過晒之後，玩具同角色扮演都試過，仲有幾多野對你講係新鮮？

呢個世界有兩類人，第一類係食飯最緊要好食，另一類係食飯好唔好食在於你同邊個食。

人嘅性慾只會隨時間減低，以五十歲更年期為標準，用你呢個月做過嘅次數去做乘法，你人生仲餘下幾多次性愛？

而呢個數字之中，有幾多係你真正享受？有幾多係交差？

如果連愛都未搞清楚，性愛就只餘下性，何來圓滿？

－－－－－－－－－－－－－－－－－－－－－－－－－－－－－

作者的話：

性呢個問題，曾經只係困擾我地無對手同無地方，但可悲既係好多人有地方有對手之後，都仲有問題。

蔣薇已經步入第十個年頭，初初睇我既讀者好多都結婚生仔，或者我地既題材已經唔可以再維持係單戀苦戀暗戀情侶相處既階段。

猶豫好耐都係決定寫呢個敏感既問題，大家成年人，我亦唔當大家小朋友，希望大家可以係性呢個問題上思考，亦希望接下來既睇法會令你地有新體會。

第一回得到接近300like既成績，都算係令我有所鼓舞，希望大家唔好吝嗇Like and Share，當然係你覺得好睇先比啦

如果覺得唔好既，真係懇請大家留言表達

－－－－－－－－－－－－－－－－－－－－－－－－－－－－

第二回有獎問答活動：

題目：對你講，一場令雙方都滿足既性愛係有咩因素？（無正確答案，大家可自由發揮）

禮物：我無乜野多，書最多，可以任揀我五本作品其中一本（不包郵），如果呢個故事都出得成書的話，亦可以選擇期貨

四個答得最好既可以得獎，兩名得獎者由我選擇，另外兩個最多like既都可以得獎，為推動更多人討論，讀者之間回覆得最好既都可以特別得獎，設兩名

－－－－－－－－－－－－－－－－－－－－－－－－－－－－

支持作者可以：

訂購我過往的作品，連結如下
https://bit.ly/3fL9QUH

由於最近比較忙，需要周末先可以處理訂書，希望大家見諒

#與孩子的居家日記
家中有貓狗嫌年紀讓媽咪好崩潰男孩，原本幼幼班至少三點下課，現在則是24小時黏在身上。
.
坦白說工作效率跟專注度都下降了，加上孩子體力沒消耗完都睡不著，帶上床睡覺還可以聊天說話三小時，導致我最近實在不得不清晨起來工作。
.
我曾經在Podcast上分享過我居家育兒的時間利用方式那是因為我跟孩子已經彼此有默契，但是在生活秩序瞬間改變的時候都失效了，必須重新和孩子溝通，重新建立默契。
.
這兩週發生許多有趣的事情，也有不少驚嚇的意外；有趣的我這個年紀的孩子想像力無窮，總是會蹦出讓人意外的語言；我兒子真的很會講故事，聽他講故事兼表演好療癒，把內褲套在頭上拯救世界，自己用爸爸的迷你樂高拼出飛機✈️，才兩歲九個月真的好了不起。
.
崩潰的是工作到一半打了四千字的稿子因為孩子爬在我身上要搶電腦緊急存檔沒成功而消失了，爸爸也救不回檔案，已經沒什麼時間做了，做完的還不見，讓我因為鬱卒了一個早上。
.
在我煮飯的時候玩我的收音麥克風，導致麥克風架掰咖再也站不起來了。
.
有時候工作到忘記要煮飯孩子會來喊餓，煮完還要整理廚房，前後一兩個小時又沒了。
.
我用電腦的時候就要拉著我的手，爬到身上讓我就算文思泉湧也打不出半個字。
.
白天戒尿布第一週還沒完全成功，一天要擦N次尿尿，第二週白天尿尿戒成功會自己衝過來要去廁所，但是坐上馬桶就不會便便，還是會在客廳大出來才告訴媽咪，整個家都是💩臭味，要是可以輕鬆出門每天撿黃金還真該去買樂透。
.
錄音的時候無論躲哪裡，就算是躲在廚房（書房爸爸在用）都會有小孩瘋狂敲門說「媽咪，幫我開門，我要進去。」因為我們住的老公寓只有20坪，錄音一定會干擾到，所以錄音中斷的情況更長發生了。
.
爸爸因為公司隨時都視訊管控所以無法幫忙帶孩子，我的母親大人也需要照顧因為疫情而獨居的外婆（疫情擴散前外婆是到處傳教的點傳師）大家都因為這樣的改變而在調整自己的作息和心態。
.
加上最近自媒體工作者瘋狂的流行「日更」無論是部落客還是Podcaster、youtuber，直播的直播、更新的更新，開課的開課、團購的團購。
.
大家都在搶這一波宅在家的流量，我也接受到一些邀約，但是時間被綁住無法快速因應也很擔心我自己跟不上大家的速度，坦白說一開始給自己壓力很大。
.
居家防疫生活這兩週我常常會開電視給孩子看爭取工作時間，有時候一看就兩小時，孩子看電視對我來說反而輕鬆，但又不想讓他看太久，之前看電視一次只能半小時，最近都是一兩個小時。
.
有時候孩子還是很想找我玩但是我正在忙碌，孩子會用生氣表達自己的失落，我也告訴他生氣是不好的事情。（還好佑董是不會大吼大叫的孩子，只是最近很愛哭）
.
他常常用力我的手從鍵盤上拔開，只要我起身無論是倒水、上廁所還是煮飯，他都會第一時間爬到桌上把我電腦合起來。
.
甚至還有了第一次Podcast沒有在週四即時更新拖到週五才上線的紀錄，打破我規律更新的紀錄，加上在家防疫有些實事議題也有時效問題要趕快完成。
.
第三週我發現孩子的轉變，他一樣會在我忙的時候找我，只是似乎認清了媽咪不一定會陪他玩的事實，吵一吵就失落的離開自己玩。
.
也會告訴我「我只是想要媽媽陪而已。」看在媽媽眼裡反而覺得有些自責。
.
這幾天換了個方法跟他溝通，我們開始約定媽咪陪玩時間跟媽媽工作時間，陪伴時候專心陪，我們可以ㄧ天內闖關6樣幼稚園老師給的遊戲關卡，雖然孩子撒嬌還是在所難免，但是我們似乎開始有了一點默契。
.
另外在podcast更新、直播部分和線上課程和網路購物社團建立我也放寬心胸，雖然其他人跑得很快，我很討厭追不上的感覺，但是.....
.
我有我的生活、我的家人，我要讓自己成為一個優雅過生活的女人不要被外在這些數據控制自己的行為。
.
我就是我，我愛的家人永遠是第一位，我也相信支持我的人不會這麼快離開的。
.
今天我決定要帶孩子烤餅乾、做運動、畫畫了還要把火神的眼淚追完，你呢？

【足本版】《李根興 - 十大創業忠告》18年功力，18分鐘內畀曬你! 

第十: 「模糊地正確，好過準確地錯誤。Give it 5 years!」
第九: 「先選行業，後想經營方法。 」
第八: 「越多分析，越沒有出息。」
第七: 「不是 Work-Life Balance, 而是 Work-Life Combined。」
第六: 「做生意要做農夫，不要做獵人。」
第五: 「賺錢，要賺有錢人的錢。唔好在乞衣兜入面搵飯食。 」
第四: 「投資要分散，做生意要專注。寧做雞頭，莫做牛尾。」
第三: 「做生意就好像用一隻圓形的湯匙，在四方盒中吃豆腐花。記緊留一些讓別人吃。」
第二: 「你愈要得到的東西，你越先要付出那東西。最好的已經在身邊。」
第一: 「笑多一點，嘻嘻哈哈又一天。最大的敵人始終是自己。」

全文內容:

從前有個人揸住㗎法拉利， 遇上個朋友。

朋友問:「 點解你揸架法拉利?」

「因為我重要，去邊度都要準時!」

朋友話:「 咁你唔使揸法拉利啦!」

點解?

「你咁重要，人哋會等你囉!」

啊，又有point ! 你有料到嘅，人哋自然會等你，自然會搵你㗎啦。 呢個故事對我好大啟發!

但做生意，創業點樣先至能夠做到有料到? 我依家就同你分享下我創業18年， 我自己經歷給你的「十大創業忠告! 」

第十:  「糊地正確，好過準確地錯誤。Give it 5 years!」

可能你覺得「創業好過打工」，「做金融好過做咕哩」， 「開茶餐廳好過做大排檔」，乜都好。只要你大方向，覺得係啱嘅，就 give it 5 years 俾佢5年時間，專注做好佢。

中間執行嘅過程，必定有好多轉接你今日唔會想像到， 你會行錯好多路，但只要你專注做個大方向，你就會摸出條血路。 如果摸足五年，你都摸唔到條路嘅話，你就執咗佢，唔好搞啦。因為你無料到。

我今年44歲，我唔敢講好成功， 但肯定喺香港兩次摸咗個新行業出來，做到No. 1。 第一次，由廿六歲開始，創業源於失業，我2001年11月開始買賣小生意，04年我認真地諗過執咗間公司佢，撐一撐住，去到2005年6月先至覺得自己真係有料到，間公司唔會執，06/07/08/09年就憑住生意買賣中介嘅新模式，橫掃曬市場上你可以數到嘅所有獎項，Harvard Business Review 都搵到兩個關於我哋公司嘅 case studies, 11年仲攞埋傑青。

記住，大方向啱就撐住，五年! 奇蹟可能會出現。

第九: 「先選行業，後想經營方法。 」

盡量選擇多人發達的行業，你發達機率會更大。 如果你的競爭對手個個都是乞丐，那麼你做乞丐的機會率都比較高。 做生意如賽馬， 你就是騎師，行業就是馬匹。 如果你騎的是跛馬，難道你自己去跑嗎。 隻馬是 fit 馬， 你繼續抽煙聽音樂都能夠跑贏。

如果你做運動是打算賺錢， 踢足球一定比捉波子棋容易。2項運動要做到世界冠軍都有難度， 但踢足球，排第十，什至排第100都能夠賺錢；但捉波子棋呢? 沒有人會喜歡看。

我敢說我曾經是香港史上完成最多生意買賣的中介公司，2001年起，12年間經我手成交超過一千一百單deals。 由於買賣小生意，我06年起租入很多舖開生意，售予創業者，09年起再買了好多舖開生意。由於香港平均每間街舖是三千萬，要做到舖界第一，我沒那麼多錢，必需向公開集資這條路行。

你問我香港做地產基金賺錢? 還是生意中介賺錢? 不用想，香港地小人多，肯定是地產+基金， 做到幾百億資產的有很多! 生意中介， 個個都是在捉波子棋。

因此我於2013年7月24日，就決心轉型，向證監會申請牌照，公司霎時間由超過300人減至6人， 經歷了我人生最黑暗的三年，但我跟自己說:「Edwin, 你教人要先選行業，後想經營方法。模糊地正確，好過準確地錯誤。 」

雖然向證監會申請一個橙，他就給我一個蘋果我。總算於16年成功取得牌照，終於成為全港第一間證監會持牌的商舖基金公司，從新上路。成功取得牌照至今，就買入了31間街舖，賣出了27間，我敢說是同期全港最多， 同期排第二的相差九丈遠，接著我很有信心我們將會是舖界No. 1。

以前與細公司競爭，現在不同了，舖王幾百億身家。 你的行頭又如何呢? 你的馬匹壯不壯呢 ?

第八: 「越多分析，越沒有出息。」

大方向正確便要行先，邊行邊改。還記得我2001年於 New York 被開除後，回來香港決定創立生意中介公司， 因為當時絕大部分人創業都是由零開始，若要頂入一個現成生意，只是靠睇報紙的「頂讓版」，與財務公司的廣告或夜總會聘請舞小姐的廣告放在一起。

還記得當初創業時，我跟我爸說起我的主意，爸爸還對我說:「根興，你想做頂讓生意，你知不知道你將來的客人，第一個問題會問你什麼? 」「 他們會問好的生意為何要賣，賣出的就是不好的! 」所以這行業不能做。 幸好他後來又說:「不能做，總比沒事做好。 邊做就邊看看哪一門生意較好，自己買下來，不要再做這一行了!」又讓他說中了， 而演變成今日的我。

從前有個路人走去火車站，走到分叉路就只看見路牌指向右邊。不知還要走多久，但火車半小時後便會開出。站在原地想了一會，看見前面有個農夫，便問一下農夫先生要走多久才到火車站。 農夫望了他一眼卻默不作聲，再問多一次，他都不回應。路人便不理他，也不知道他是聾還是啞。 怎料向前走了幾步， 農夫便大叫「二十分鐘!」奇怪，為何剛剛問他又不回應，走了卻出聲呢? 因此他決定再問問農夫，農夫回答什麼呢?

農夫回答，「先生，你剛剛問我的時候，你是站著的。你不走，我怎樣知道你走得多快。你走需要二十分鐘，我走便要五分鐘。 」 我由2001年走到現在， 馬雲於1999年創立阿里巴巴，兩年之差，他走得比我快四萬倍，同一時間已經有好多人跌倒， 有的卻重新再來過，有的已放棄了。 你走多快我不會知，我只知道大部分人都會站在路牌面前，繼續分析，繼續想要行幾久，一站就站一年、十年、一世。你又走了沒有呢?

第七: 「不是 Work-Life Balance, 而是 Work-Life Combined。」

不要為興趣而創業，但要把你的生意變成你的興趣。因為 Work Is Your Life.

容許我show off 一下，我有一輛法拉利，亦有一輛麥拿倫，但都不是我買的，是我哥不要了才給我。但我真的很enjoy weekend 或是晚上自己駕車四處睇舖。一，可以去全香港每一個我從來不會無端白事去的角落。二，駕駛名車又真的是過癮很多。

因此我星期一二三四五六日， 已不知不覺現場錄製了超過1300條商舖成交的影片放上網，肯定是香港另一個歷史紀錄，真是要 work life combined 才做得到。

你呢? 別人送給你的，或是自己買的，有什麼可以令你更 enjoy 工作呢。但如果你認為享受生活，便要放低工作的話， 可能你就要重新思考一下 what is your life。

第六: 「做生意要做農夫，不要做獵人。」

時間要當你的朋友，不要做敵人。獵人就是餐搵餐食餐餐清。以為打到獵物後便可以買飛機大砲，招聘千軍萬馬，可以食大茶飯。誰料到獵物突然間消失了，便要開除員工，變賣資產，打回原形。

農夫， 雖然開始的時候會比較辛苦， 要播種，要等，但一有收成後，就重複再重複，長遠不用再憂慮太多， 起碼不會餓死。

為求生存， 起步時難免要做獵人，不然未有收成前就餓死了。 但當你一路打獵時，你就一定要慢慢地把生意變成農田。當你成為農夫時，時間便會成為你的朋友，獵人太陽一落山，時間就成為你的敵人。 如何知道你是獵人還是農夫呢?

兩個條件：(1) 每一次客人來光顧的時候， 你要想想他會否明天就消失了。如果他只是可能光顧你一次，以後就不再回頭，你便是個獵人。如果他是重覆性購買，每星期每月每年都要給你錢，交租交月費交管理費，分佣/抽成的話，那你便是個農夫。

(2) 就是如果你什麼也不做，二十年後你的貨物會變成什麼。 如果全部都可能成為廢物廢紙的話， you'd better be 你要做好勤力工作的人， 因為你塊田越耕越乾。 但如果你大部分貨物都能夠保值，甚至乎升值的話，你即使懶一點也沒有所謂。 而只要比懶人勤力多一點，可能就不得了,因為你有一塊靚田。

我當年做生意買賣中介，就是因為大部分人客只是光顧一次，以及所有放盤的生意，如果我不能把它出售，二十年後對於我來說都只是一張廢的放盤紙。 所以那時候的我要做得好勤力，只可惜騎著一隻跛馬。

現在商舖基金則不同了， 每個月都有租金及管理費收，持貨放假100年，只要買得正確， 肯定會升值，所以現在做得輕鬆得多。

開店做生意也是一樣， 不要所有商舖都是租來的。如果可以，每租三/四間商舖，就買一間商舖。寧願開少些舖，每十間分店，便有兩/三間舖是屬於自己買的。總好過三十間商舖，全部都是租來的。 租舖，時間是敵人，一個浪打過來，全部都白費了。買舖，時間是朋友，即使租來的全都倒閉了，還有自己的舖撐著。 我從來未聽過有人買舖自用會後悔， 但我聽過好多租舖的人後悔30年前沒有買間舖 。

你又是獵人還是農夫呢? 你什麼也不做又會有什麼後果?

第五: 「賺錢，要賺有錢人的錢。唔好在乞衣兜入面搵飯食。 」

最好賺的錢，就是不用出自己錢。 出老闆錢、出公數，這種錢最好賺! 有錢人，跌了一百幾十萬也沒有感覺。

最難賺的錢，就是客人花費自己辛辛苦苦儲來的錢，他為了慳多些錢而來光顧你。他勒住勒住，每次都跟你計較。這種錢是最難賺的。

以前我是賺創業者辛辛苦苦儲來的錢，去買盤生意。買錯了，就分分鐘一鋪清袋。難聽的說句，那時候的我是在乞丐的鉢子內找飯吃，賺得好辛苦。

但今日便不同了。做商舖基金，買得舖的全部都是有錢人。投資我基金的都至少三百萬港幣起， 接下來我們什至會主力打開機構性投資者這條路， 賺的就是不用自己出錢的錢。賺有錢人的錢一定相對舒服好多。

你呢? 起步時可能係要靠賺辛苦錢， 因為入門比較容易。但記住有機會一定要upgrade自己， 例如: 賣給大公司/大家族，建立自己品牌收貴點，或是 partner大企業，借他們的力量去賺有錢人的錢。但問心，你現在是賺誰的錢呢?

第四: 「投資要分散，做生意要專注。寧做雞頭，莫做牛尾。」

你一定要找到個位，在市場上有需求，而別人卻不做，你自己又識做，那你就將絕大部分的資源放落去，全心全力去專注做好這個competitive sweet spot，做到全世界無人比你叻。而最重要的，是客人願意給錢，最好是很多錢去買你的sweet spot。 因為他們不願意給錢的話，你再厲害都沒有用。

....

歡迎隨時聯絡我 whatsapp +852 9036 1143

買舖/租舖/放舖/投資商舖基金熱線: 28301111 或 whatsapp +852 90361143

盛滙商舖基金 Bridgeway 網頁 www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

#十大創業忠告，#18年功力於18分鐘，#18年創業經歷真心分享