網媒，真係越黎越考驗人類智商。
呢個世界的新聞有三種：正確的報導、錯誤的報導、部份正確的報導。
錯誤的報導殺傷力有限，因為你有一定的智慧和見聞就可以拆穿。例如巴士的報呢篇，喂，大家有睇過master chef就知道Jason其實係美國一個音樂教師，並唔係「赴美開店」；另外，諗住屈人女友係咩咩咩實冇死啦？很抱歉，你有睇電視就知道決賽當日，佢男朋友有黎捧場。冇錯，係男·朋·友！佢邊度死個女朋友出黎呀？
話晒都係星島集團董事盧永雄佔七成股份的網媒，可唔可以俾啲誠意，唔好咁content farm?
不過講又咁講，大家都係紅底，你睇下01幾叻？紅到上BBC中文網，證明「部份正確」的報導，比起錯誤的報導，更具爆炸性。
係架，只要不停咁出文「還原」事實同真相，隔多十年，就會「還原」到再冇後生仔女知道發生過咩事。點解每朝皇帝都咁鍾意修書呀？講得好聽係保存文章，難聽講句就係政治審查，借機修改歷史。你以為依家互聯網發達，冇人可以修改到歷史？錯了，只要各大小紅底媒體都各出一篇不同程度的「還原」真相，日子有功，我保證真正的真相一定會被埋葬。
中共玩得一手精妙絕倫的輿論統戰，我們各大議員卻像一班不入流的KOL鬥呃like，這場網絡統戰，我個人認為真的沒什麼勝算。
話說如此，你見我幾時有Share過01？一早就看穿你咩葫蘆賣咩藥了。
#密通匪類
#投共雖可恥但有用
#唔好同我講01有好多報導都好正好有心機
#俾九啖砂糖就係為左餵你一舊S
#係好有機心嘅
#還不用說平時圍魏救趙
#引導輿論風向
#每次見到自稱民主派死忠的人分享01都會隔著電話冷笑
#就是這點智商了
#喔呵呵呵呵
#群嘲
